Kameka Jon 3:18 - Vato Vari Vakameka Voru Ia Batu Ne

¹⁸ Salero era, mamaligara iki pata na so kaega seko, mana sine volome na go, do mamaligara ogoto tina sadake to ṉalu qata tavisi ne qira qo basoero ne loborona mamaligara ita de iri koego.

Kameka Jon 3:18 ပူးပေါင်းရင်းမြစ်များ

Luka 7:5

I mamaligara ne qira basobasoero remu, mana iato valeke dena ia vadegere go Pade Lotu remu vano Jiu.”

Tarama Velaka Ia Jesu Kristo I Karo Go Jon 17:19

Era qa vanama tanuqu, go tuna osaka niqo, qa zazu ne ia dena sauqira ria ne, go ria tarina vanama ogoto ne osaka nigo aro.

Leta Ia Pol I Karo Ne Qira Basoero Na Rom 12:9

Tanego ṉalu qamu mamaligara ne qira go basoero ne, mara reqe me to mamaligara ogoto ramu. Iago vanaqe to pata i sakata mana palataru vanadua to pata velaka.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Epesus 4:15

Do loborona mamaligara ita de iri koego basoero ne, ita mata sine pata ogoto, mana mata podo popokae loborona zuka ia Kristo, iato ikuzuku ne go eklesia.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Jon 2:1

Ramu salero era, go qa karo ne qamu go pata dena, go ia mamu kasi vasakata pata, do ṉalu ka basoe izazu ne pata sakata, ita iko ne qita Jesu Kristo tina tavisi ne qita. Tanego ia to i totoloṉo sivala, mana tina pene zego de ikoego Tamaqita go tina tavisi ne qita go.

Kameka Jon 3:7

Ramu salero era, kasi vamao nena kakia basoe go mara poqe qamu go! Ka basoe i zazu ne pata totoloṉo, i totoloṉo to tarakenaqana God, gere go Kristo i totoloṉe go de ikoego God.

Karua Jon 1:1

Era qa kazigaratana lotu qa karo nigo aro qole tavini, mana sale ro aro go. Qa lete mamaligara ne qamu, do iki tanuqu so era kaega, ria napu to iri rove velake go Jesu Kristo go.

Kapisa Jon 1:1

Era qa kazigarata na lotu qa karo nigo aro Qaiusi vakitaka velaka era qa lete mamaligara nigo.