Kameka Jon 3:10 - Vato Vari Vakameka Voru Ia Batu Ne

¹⁰ Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.

Kameka Jon 3:10 ပူးပေါင်းရင်းမြစ်များ

Kameka Jon 4:8

Basoe iki mamaligara ne qira kaega basoero ne, basoe nae iki rove kaega God, tanego God to imamaligara go.

Kapisa Jon 1:11

Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Matiu 13:38

Barue ne iato kolabana pua ne, paturu velaka ne ria to basoero na Too ikoego vari miasoka ia God. Seuseu sakata ne ria to basoero iri lulua go Satana.

Tarama Velaka Ia Jesu Kristo I Karo Go Jon 8:47

Basoero iri ke iago God, iri gata sekoro ia, do ramu, qamuki ke ia kaega God, iato go qamuki soko go kaega gatana ia.”

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Kameka Jon 4:6

Do ita qata keia God. Basoe i rove go God, i gata mana i toqe ne, pataro qata sine go ita. Do basoe iki keia go kaega God, iki gata kaega ia tane pataro qata sine go ita. Iato nae to pata iru vari kakavatae ne go Spirit tabo ogoto mana Spirit ia vudu pua dena ni poqe go.

Epesus 5:1

Pasi me ṉalu ramu qamu salero ia God, ia ilete mamaligara ne qamu, iago ramu muna pada ne ko gere ia.

Kameka Jon 5:2

Ṉalu ita qata mamaligara ne God, mana lulua tamana ro ia gogo ne, ita qata rove qata mamaligara ne salero ia.

Kameka Jon 2:29

Ramu qamu rove Kristo itotoloṉo, iago basoe i zazu nego vatovato itotoloṉo go, i sale ogoto ia to God.

Zazu Ria Apostoloro 13:10

mana igo dena, “Aro qo sale ia manuru! Aro to qo kana ne go osina pata velaka ro ne. Puṉumu i purake osina pata tatakiu sakata, mana osina ṉalu qo pada ne vapoqe na seko ogoto ia Batu ne.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Tarama Velaka Ia Jesu Kristo I Karo Go Jon 1:12

Do ria iri soko go ia, iri vaogote ia, ria nae i teke qira vatoqe go tarina salesalero ia God.

Tarama Velaka Ia Jesu Kristo I Karo Go Jon 11:52

Tiniki le ne qira so kaega vano Jiu, do sau napu qira salesalero ia God iri repe go soso dia ro, Jesu tina le, go osiqira basoero tarina kameka qoqoṉo mana kameka basoe so go.

Leta Ia Pol I Karo Ne Qira Basoero Na Rom 13:8

Kasi lepulepu ne na kaki pata de ikoe go kaki basoe, do lepulepu ita to pata qata zazu ne zego kene basoe loborona mamaligara ita. Ṉalu basoe i mamaligara ne go kene basoe i lulua to Tamana.

Kolosia 3:14

Mana de go zazu na osina pataro dena muna vasadake mamaligara, iato i qolo vari palu ne qira, mana vakameka velaka ne qira osina pataro dena go.

Kameka Timoti 1:5

Ala go i reqe go seko tamana dena, go ita mata vasadaka me mamaligara i reqe mego puṉu ni velaka go, nanao velaka mana vaogoto de ikoego Kristo i lete ogoto go.

Kameka Jon 3:1

Mia de igogo mamaligara ia God Tamaqita de qata koego ita. Mamaligara ia i lete lavata sivala, go i koru qitae ita qata salero ia God. Do vano na vudu pua dena iriki rove bana so kaega God, iato nae tanego iriki rove napu qita go kaega ita go.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.