Kameka Jon 3:1 - Vato Vari Vakameka Voru Ia Batu Ne

¹ Mia de igogo mamaligara ia God Tamaqita de qata koego ita. Mamaligara ia i lete lavata sivala, go i koru qitae ita qata salero ia God. Do vano na vudu pua dena iriki rove bana so kaega God, iato nae tanego iriki rove napu qita go kaega ita go.

Kameka Jon 3:1 ပူးပေါင်းရင်းမြစ်များ

Luka 20:36

Tarina gere qira aqelo ro mana tariniki le kaega, iri salesalero ia God, tanego iri too napu me tepa le.

Tarama Velaka Ia Jesu Kristo I Karo Go Jon 1:12

Do ria iri soko go ia, iri vaogote ia, ria nae i teke qira vatoqe go tarina salesalero ia God.

Tarama Velaka Ia Jesu Kristo I Karo Go Jon 11:52

Tiniki le ne qira so kaega vano Jiu, do sau napu qira salesalero ia God iri repe go soso dia ro, Jesu tina le, go osiqira basoero tarina kameka qoqoṉo mana kameka basoe so go.

Tarama Velaka Ia Jesu Kristo I Karo Go Jon 15:21

Basoero ne tarina zazu ne pataro nae de qamu koego, tanego i sauqu era, tanego iriki rove kaega Mamae ni turi nava go era.

Tarama Velaka Ia Jesu Kristo I Karo Go Jon 16:3

Basoero ne tarina zazu ne pataro dena, de qamu koego ramu, tanego iriki rove kaega Mamae mana iriki rove ava kaega era go.

Tarama Velaka Ia Jesu Kristo I Karo Go Jon 17:25

Mamae qo lete totoloṉo! Basoero na vudu pua dena iriki rove go kaega, do era qa rove go aro qo turi nava qo era.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Leta Ia Pol I Karo Ne Qira Basoero Na Rom 5:8

Do God i vasadaka ne qita lavata na mamaligara ia de qata koe go ita; ṉalu ita qatara vasakata pata go Kristo i le ne sauqita ita.

Leta Ia Pol I Karo Ne Qira Basoero Na Rom 8:19

Osina pataro i vazari bana mego God iri lene piri nena ṉalu God tina vasadaka mego ake ria bana tane iri salero iago.

Leta Ia Pol I Karo Ne Qira Basoero Na Rom 8:21

Mana pataro nae kaki kameka ṉalu God tinara lukasa qirae karaputa ia pata i vasakata qira go, mana ria tarina pala tavise menomeno na too kulakula ria salero ia God rani ne.

Leta Ia Pol I Karo Ne Qira Basoero Na Rom 8:32

God do, iki ara pala vaule kaega Sale ia, do i soso ne qita to ita go tina le ne sauna go ni bauru ne qita go ita. Gerena ia i sosovolomo ne qita to osina pata.

Karua Korinti 6:18

Era tuna Tamaqamu mana ramu tamuna sale valeke ro mana sale qolero era go,” igo Batu ni lete karaputa sivala go.

Qalesia 3:26

Loborona to vaogoto ramu de ikoego Jesu Kristo osiqamu qamu salero ia God.

Qalesia 3:29

Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.

Kolosia 3:3

Tanego qamu le bana, mana too ogoto iko pipika tavise Kristo ikoe de ikoe go God.

Kameka Jon 3:10

Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.

Kameka Jon 4:17

Lavatana mamaligara ia God izazu ne totoloṉo de qata koego ita, gogo mara kaega ne qita sareki, do mata ko vanamanama, ne musaqara varitanae ia God. Tanego too ita vudu pua dena i gerena so too ia Kristo.

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.