Kameka Jon 2:11 - Vato Vari Vakameka Voru Ia Batu Ne

¹¹ Do basoe ivasakata nego kene basoe lotu, basoe nae i koeso loborona rodoko, mana zaza ia izazae so rodoko, iago iki rove kaega ka tepa i zaza go zago. Tanego rodoko iva kodo go ia.

Kameka Jon 2:11 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 12:35

Jesu i vataule, ne qira igo, “Tiniki lete umata kaega tatavata dena tina ko tavisi qamu, iago zaza e loborona tatavata nae torana iara ko tavisi qamu go, go rodoko tiniki pala qamu kaega. Tanego ka basoe i zaza ego loborona rodoko ne, iki rove kaega de i vele zae go.

Tarama Velaka Ia Jesu Kristo I Karo Go Jon 12:40

“God i va kodo mata qira mana i kokoqua nanao qira, go mata qira tiniki mimia kaega, mana tariniki nanao rove kaega go, go tariniki tabali me kaega, de qa koego era, go tuna va velaka qira.”

Karua Korinti 3:14

Nanao qira ne i kokoqu mana ninidena nanao qira ne i sapu napua so poga nigogo ne, gere na qamu toere zego vari toqe bana ne. Poga ni gogo ne i mazala so kuziki ṉalu ka basoe i vakameka ne Kristo.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Karua Pita 1:9

Do basoe i kaega ne too dena loborona too ia, i gere so basoe iki mimia velaka go kaega matana, i nanao kasupe ne to God ni saboro va kuziki bana ne go vasakata pata ro ia.

Kameka Jon 1:6

Iago ṉalu ita qata go, qata varikitakie de ikoego ia qata gogo, do ara koeso rodoko qata gogo ne, ita qata poqe ne so sekoro ita, mana vatovatona too ita go.

Kameka Jon 2:10

Do ṉalu basoe i mamaligara ne kene basoe lotu, basoe nae to ikoego loborona tatavata. Mana i kaega kaki pata i vasakata nego ia, gogo tina sine ne go kene basoe.

Kameka Jon 2:9

Ka basoe igo ikoe tatavata, do i vasakate kaena gogo ne, basoe nae iara koeso rodoko, go i lama idokae so ninidena.

Kameka Jon 3:15

Ka basoe i sakate go kaena, basoe nae i gere to valeke ivae vale go basoe. Mana qamu rove valeke i vaevale basoe go nae iki toṉove kaega too ogoto iki rove go kaega lupo.

Kameka Jon 4:20

Ṉalu basoe igo, “Qa mamaligara ne God igo, do sakata qira so kero ne vano lotu gogo ne i poqe, tanego, ia iki mamaligara ne kaega basoe lotu ni reṉa ne go, iago, avatina go tane tina mamaligara ne go God iki reṉa ne go kaega.”

Revaleson 3:17

Ramu qamu go, qamu lete vavagado mana qamu tonovo lupo to osina ro pata. Do qamuki rove kaega kapata, qamu lete vari vananama mana mata qamu, iara kodo so.