Kameka Jon 1:7 - Vato Vari Vakameka Voru Ia Batu Ne

⁷ Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 1:7 ပူးပေါင်းရင်းမြစ်များ

Matiu 6:12

Ono nanao ulene qemu remu sauna pataro qimu vasakate go, gerena remu qemu nanao ule ne qira ria basoero iri vasakata qemu go.

Tarama Velaka Ia Jesu Kristo I Karo Go Jon 1:29

Bakubaku na ne Jon i mia Jesu i lamae de ikoego, mana igo, “Iato dona Sipi ia God i vakuziki ne go vasakata pata na kolabana pua ne.

Tarama Velaka Ia Jesu Kristo I Karo Go Jon 12:35

Jesu i vataule, ne qira igo, “Tiniki lete umata kaega tatavata dena tina ko tavisi qamu, iago zaza e loborona tatavata nae torana iara ko tavisi qamu go, go rodoko tiniki pala qamu kaega. Tanego ka basoe i zaza ego loborona rodoko ne, iki rove kaega de i vele zae go.

Tarama Velaka Ia Jesu Kristo I Karo Go Jon 5:4

tanego aqelo ia God tina lamae besi bolu ne mana lama vizua go. Mana basoe mokoso tina za kenaqe go loka ne tina tavoisi go.

Leta Ia Pol I Karo Ne Qira Basoero Na Rom 13:12

Kuse igarogaro to sivala mana musaqara igarogaro napu meto. Iago mata vana neto zazu nena pata na rodoko, do mata pala pata varitarana musaqara.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 5:8

De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Kameka Timoti 6:16

Tanuna so ia iki rove go kaega le, mana de ikoego ia i koe tatavata mana kaega ka basoe i mazala go zae na. Kaega ka basoe i miasoba go ia, mana basoe i makuru miasoba na go. Osiqita mata vazaka God i koe karaputa osina ṉalu topu rone! Amen.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Jemisi 1:17

Osina sosovolomo na pata ni velaka go iri reqeme so rani ne. God i valame go pata velakaro dena, mana tanuna God iki rove kaega kavalena vatovato ia. Iki gere kaega pataro ivazaria go iri koe go zakazaka varioka dona iri tatavata mego, do iri rove so kavala osina ṉalu.

Kameka Pita 1:19

Kaega, ia i voli qamue ramu parasa velaka sivala na Kristo, Kristo i gerena sipi iri komakoma nego i kaega ne kaki sakata.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 1:5

Ia dena to tarama qimu gata bana ze go de ikoego Tuna God go qimu sine vasadaka ne qamu go ramu. God i tatavata mana i kaega napu to ka rodoko iara koego de ikoego.

Kameka Jon 5:6

Jesu Kristo i lama sadaka velake go de qata koego ita, ṉalu ni bapitema ego besi ne, mana parasanani zazakae go ṉalu iri vaevale go ia. Iago iki sadaka velaka eso kaega miki besina bapitema ne, do iri kameka me to parasanani zazakae go ṉalu iri vaevale go. Mana Spirit tabo napu to go i lama vasadaka velaka ne qita go. Tanego Spirit tabo iki rove kaega poqe.

Kameka Jon 5:8

Spirit tabo, besi, mana parasa, iago osiqira tarapisa iri vasadaka me so kameka pata.

Karua Jon 1:4

Era qa lete kula sivala qa gata go kakiaro salero ramu iri lulua go zuka na seko ogoto loborona too ria, gerena Tamaqita i sine bana ne qita go zazu nena.

Kapisa Jon 1:4

Kaega napu kaki pata i sivala ne go kula era nalu qa gata zatu go ramu salero era qamu lulua go zuka ogoto dena.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.