Kameka Jon 1:1 - Vato Vari Vakameka Voru Ia Batu Ne

¹ Remu qimu karo ne qamu ramu sauna ia iri vitoṉo ze go Seko na too. Ia iko bana me so tarakenaqana iara zari go vudu pua. Remu qimu gata bana seko na, mana mia bana ze mata qemu. Ove, qimu mia mana siba zeto karisi qemu go.

Kameka Jon 1:1 ပူးပေါင်းရင်းမြစ်များ

Luka 1:2

Iri karo va lulu ze so, pataro iri sine bana ne qita go, ria iri za mia bana mego, kokoso va tupiana na me, mana ria iri vasadake go seko ro dena.

Luka 24:39

Mia me, karua karisiqu mana karua makequ go, era so dena, muna sibava, go tamuna vaogoto ava go, tanego manuru i kaega ka urina mana manuna, gerena qamu mia, era iko nava go dena.”

Tarama Velaka Ia Jesu Kristo I Karo Go Jon 19:35

Valeke i miasoba go pata dena tane i pepeua go, go ramu do tamuna vaogoto napua. Pataro i pepeua go i pata ogoto, mana irove pata i sine go, ipata ogoto go.

Tarama Velaka Ia Jesu Kristo I Karo Go Jon 20:27

Gonae i sine ne Tomasi, “Siba ze kakaraputumu dena, mana reṉa ne karisiqu de, Siba napu me orapaqu de, mana kasi ruama, do vaogoto!”

Tarama Velaka Ia Jesu Kristo I Karo Go Jon 5:26

De ikoego Mamae i reqe mego too ogoto, gerena napu so Tuna i reqe me too ogoto.

Tarama Velaka Ia Jesu Kristo I Karo Go Jon 8:58

Jesu i sine ne qira, “Tarakenaqana Abra-am iara podo go, ‘Era To Qa Basoe Qa Ko Osina Ṉalu.’ ”

Zazu Ria Apostoloro 1:3

Loborona vasiṉaulu musaqara taramuzina le i vae go, Jesu i sadaka taruqira topuna ṉalu mana i vasadake lala roiago tarina vaogote go ia, itoo napu me tepa le ne. Iri mia ze ia mata qira, mana i seko tabe qira sauna Too ikoego vari miasoka ia God,

Zazu Ria Apostoloro 4:20

Tanego raru taruniki mamanava kaega seko ne na pata qaru mia mana gata go.”

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Kameka Jon 4:14

Remu qimu mia bana Sale ia mana qimu sine bana ne qira basoero ne sauna God Tamaqita ivalame go sale ia, go tina vakavele go basoero na vudu pua.

Kameka Jon 5:7

Iago kapisa pata dena to iri vasadaka velaka mego sauna Jesu de qata koego ita.

Revaleson 1:11

Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”

Revaleson 1:8

God Batu ne igo, “Era to qa kenaqana mana muzimuzi na osina pata,” God Batu ita ikoego osina karaputa, iko bana me, iko taru ninidena mana de iara za ko mego.

Revaleson 19:13

Roku i vakeba ne go, i parasa lupo so. Vitonona ne, “Seko ia God.”

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.