Tarama Velaka Ia Jesu Kristo I Karo Go Jon 9:39 - Vato Vari Vakameka Voru Ia Batu Ne

³⁹ Gonae Jesu igo de, “Qa lamae vudu pua dena, go tuna zazu ne vivine de iri koego basoero ne, go vano iri kodo go tarina mimia mana vano iri mimia bana go, tarina kodo go.”

Tarama Velaka Ia Jesu Kristo I Karo Go Jon 9:39 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 15:14

Iago nanao kasupe ne qira vano Parisio! Iri kenaqa ne qira basoero ne, do iri gere qira vano kodo iri kenaqa napu ne kaki basoe kodo ne. Iago osiqiru tiruna soru zaso bolu ne.”

Matiu 6:23

Do ṉalu matamu ki velaka kaega, osina tokamamu tina ko rodoko. Iago ṉalu tatavata i koe de qo koe go i rodoko, tina lete rodoko napu to go.”

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Luka 13:30

Ṉalu nae basoero iri kenaqa go ninidena tarina za muzi mana ria iri muzi go ninidena tarina za kenaqa.”

Luka 2:34

Simion i vatabo qiru mana i sine ne Maria ni sinana go. “Sale dena i vivine bana iaso God tina vasakata qira basoero topu, mana tina vakavele qira basoero topu. Iato tina lalana God mana topu na basoero ne tarina seko tolia ia, go nanao pupuika ria basoero ne tinara sadaka me.

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Luka 7:21

Torana to ṉalu nae, Jesu iva tavoese qira topu ria basoero i pala qira go soso mokoso ro, manuru sakata ro mana iva mimia qira ria basoero iri kodo go.

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 12:46

Era qa lamae kolobana pua dena gerena tatavata, go osiqira basoero iri vaogoto ava era, tariniki koe kaega rodoko.

Tarama Velaka Ia Jesu Kristo I Karo Go Jon 3:17

God ki turi navae era kaega, go tuna lama zazu ze vivine era sauna valepulepu qira basoero na vudu pua dena, do ituri nava era go tuna vakavele qira, go basoero na vudu pua dena.

Tarama Velaka Ia Jesu Kristo I Karo Go Jon 3:19

De igo God itaru ze vivine too ia basoe igo de, tatavata ne i lama banae to kolabana pua de, do basoero ne iriki soko kaega, iri soko so pata ikoego rodoko, tanego osina pataro iri zazu nego, i lete sakata so.

Tarama Velaka Ia Jesu Kristo I Karo Go Jon 8:12

Jesu i seko e de iri koego basoero ne, igo de, “Era to qa tatavatana kolabana pua ne, ka basoe i luluava era, ia tina toṉove tatavata na too, mana tiniki ara koe kaega rodoko go.”

Tarama Velaka Ia Jesu Kristo I Karo Go Jon 8:15

Ramu qamu taru ze vivine loborona too rera, gerena so de qamu vane qira go basoero ne, ba era qaki taru ze kaega vivine loborona too ra ramu.

Tarama Velaka Ia Jesu Kristo I Karo Go Jon 9:25

Do valeke ne i vataule, igo, “Koro valeke vatovato sakata ba kaega, tanego pata qa rove go, kokosona era qa kodo bana, do ninidena qa mimia to.”

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Karua Korinti 2:16

De iri koego ria iri go zago zuka igo za go tepa le ne, nonolina insenisi ne i noli sakata qira, tanego tina vae vale qira. Do ria iri kavele go, nonoli na insenisi ne i noli meno qira, tanego i teke qira too. Iago akena tane i mazala go pala na zazu dena.

Epesus 5:14

Tanego pata iri mia rove go to basoero ne i reqeme go tatavata. Iato go i sine go, “Muna dogara ramu qamu kamuku go, mana Kristo tina teke ne qamu tatavata go.”

Karua Tesalonika 2:10

Ia tina vazazua tatakiu sakataro, go tina poqe qirae basoero ne go tarina le. Tarina le, tanego iriki toqe ne kaega mamaligara ne na mana vaogote na, seko na too ia Batu ne, tina vakavele qira go.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Jon 2:11

Do basoe ivasakata nego kene basoe lotu, basoe nae i koeso loborona rodoko, mana zaza ia izazae so rodoko, iago iki rove kaega ka tepa i zaza go zago. Tanego rodoko iva kodo go ia.