Tarama Velaka Ia Jesu Kristo I Karo Go Jon 9:35 - Vato Vari Vakameka Voru Ia Batu Ne

³⁵ Ṉalu Jesu i gata soba, batubatu ria vano Jiu iri kale vasiporo ze ia Pade Lotu ne, i taqia mana ṉalu i soba ia, i tana ne, “Avigo qo vaogote Tuna basoe ne ba?”

Tarama Velaka Ia Jesu Kristo I Karo Go Jon 9:35 ပူးပေါင်းရင်းမြစ်များ

Matiu 14:33

Gonae disipoloro iri koego koluka ne iri vazaka Jesu. Iri go dena, “Pata ogoto bana, aro to qo Tuna go God!”

Matiu 16:16

Saimon Pita i vataule, “Aro qo Kristo, qo Tuna go God i too sivala go.”

Matiu 4:3

Gonae Satana i lama pada ne Jesu, i sine ne, “Ṉalu aro qo Tuna God, mo sine ne qira i pakaro dena mara kavala go mara bureri.”

Maka 1:1

Iato dena vatupiana na Tarama Velaka sauna Jesu Kristo Tuna God,

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 1:34

Tanuqu qa miasoba bana to, mana iato qa sine ne qira go basoero, valeke dena i Tuna God.”

Tarama Velaka Ia Jesu Kristo I Karo Go Jon 10:36

Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God?

Tarama Velaka Ia Jesu Kristo I Karo Go Jon 11:27

Mata ivataule, igo, “Oveto Batu, qa vaogote aro qo Kristo mana Tuna go God, iato tina lamae go vudu pua dena.”

Tarama Velaka Ia Jesu Kristo I Karo Go Jon 20:28

Pasi nae Tomasi igo de, “Batu erae mana God erae!”

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 5:14

Taramuzina Jesu, iza soba ze ia Pade Lotu ne, mana i sine ne ia, “Ono gata pata tuna sine nigo era, ninidena aro qo velaka to, iago oniki ara zazu napu ne kaki pata sakata, ṉalu tono vasakata pata napu, makuru lavata tina doka go.”

Tarama Velaka Ia Jesu Kristo I Karo Go Jon 6:69

Remu qi vaogote mana qi rove aro to qo tabo qo reqe mego de ikoego God.”

Tarama Velaka Ia Jesu Kristo I Karo Go Jon 9:22

Go iru seko gogo dena vanovano ia valeke ne, tanego iru sareki ne qira batubatu ria vano Jiu, tanego batubatu ria vano Jiu dena, iri varitoqe bana ne, “Ṉalu ka basoe ivaogote Jesu i Mesia go, ria tarina va mamanava ze ia zae na Pade Lotu ne.”

Tarama Velaka Ia Jesu Kristo I Karo Go Jon 9:34

Batubatu ria vano Jiu iri vane de ia, “Aro qo bulaṉoi, mana qo podo palua vasakata pata go, avigo tane qo soko go vatatana qemu remu na?” Gonae iri kakale vasiporo ze ia Pade Lotu ne.

Zazu Ria Apostoloro 8:36

Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [

Zazu Ria Apostoloro 8:37

Pilipi i sine ne ia, “Ṉalu qo vaogote Jesu mana qo mamaligara ze ia osina puṉumu, qo mazala to bapitema,” valeke ne i vataule, “Era qa vaogote Jesu Kristo i Tuna God.”]

Zazu Ria Apostoloro 9:20

Iza totoloṉe so Pade Lotu ria vano Jiu, mana i tamana ne, Jesu i Tuna ogoto to God.

Leta Ia Pol I Karo Ne Qira Basoero Na Rom 1:4

Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.

Leta Ia Pol I Karo Ne Qira Basoero Na Rom 10:20

Mana Isaia i sine vakaraputa napu me seko ia God igo, “Basoero iriki taqiava kaega era, iri soba va. Era qa vasadaka ve tanuqu de iri koego basoero iriki tana ne kaega sauqu era.”

Kameka Jon 4:15

Basoe i sine vasadake go Jesu i Tuna God igogo, God i too e go loborona too ia basoe nae, mana basoe nae ne ikoe loborona God go.

Kameka Jon 5:10

Iago basoe i vaogote go Tuna God i nanao vamazale ia tane seko ro ia God ikoego loborona puṉuna. Do basoe iki vaogote go kaega God, iva poqe seko ia God ni sine go sauna sale ia ne. Iago basoe igogo nae ivagere ze so God basoe poqepoqe.

Kameka Jon 5:13

Qa karo ne qamu ramu vano qamu vaogote go Sale ia God sauna pataro dena, go muna rove vavelake qamu pala go too gadokutona i kaega.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Kameka Jon 5:5

Iago, akena to i mazala go vasivala nena vatovato sakatana vudu pua dena? Tanuqira to ria iri vaogote go Jesu i Tuna ogoto go God iri mazala go.

Kapisa Jon 1:10

Nalu tuna garetu, nara garetu vasadake go pataro i zazu ne go Dioterepesi, i poqepoqe mana i sine seko sakata ro de qimu koego remu. Do iki sokana so nae kaega, ia iki soko kaega tavisi ne qira kero ne vakitaka ro iri osaka ne Kristo. Mana iva noto napu qira basoero iri soko go tavisi ne qira go vakitaka ro ita, mana i kakale qirae eklesia ne go.