Tarama Velaka Ia Jesu Kristo I Karo Go Jon 8:55 - Vato Vari Vakameka Voru Ia Batu Ne

⁵⁵ Ramu qamuki rove kaega ia, do era qa rove ia, ṉalu go tu sine qaki rove kaega ia, era tu gere to poqepoqe qamu ramu. Do era qa rove ia, mana qa vaogote seko ro iago.

Tarama Velaka Ia Jesu Kristo I Karo Go Jon 8:55 ပူးပေါင်းရင်းမြစ်များ

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Luka 10:22

Jesu igo napu dena, “Mamae i teke lupo bana nava era osina pataro. Kaega ka basoe i rove go Tuna, do tanuna so Tamana, mana kaega ka basoe i rove go Tamana, do tanuna so Tuna mana ria qa vine napu qira era, tina va rove girae go.”

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 15:10

Ṉalu qamu lulua tamana ro era, ramu tamuna ko vanadue mamaligara era, gere na era qa lulua go tamana ia Mamae mana qa ko vanadue mamaligara iago.

Tarama Velaka Ia Jesu Kristo I Karo Go Jon 15:21

Basoero ne tarina zazu ne pataro nae de qamu koego, tanego i sauqu era, tanego iriki rove kaega Mamae ni turi nava go era.

Tarama Velaka Ia Jesu Kristo I Karo Go Jon 16:3

Basoero ne tarina zazu ne pataro dena, de qamu koego ramu, tanego iriki rove kaega Mamae mana iriki rove ava kaega era go.

Tarama Velaka Ia Jesu Kristo I Karo Go Jon 17:25

Mamae qo lete totoloṉo! Basoero na vudu pua dena iriki rove go kaega, do era qa rove go aro qo turi nava qo era.

Tarama Velaka Ia Jesu Kristo I Karo Go Jon 6:46

Kaega ka basoe i miasoba go Mamae, do era qa kotavise ia mana qa lama go de, qa miasoba go ia.

Tarama Velaka Ia Jesu Kristo I Karo Go Jon 8:19

Iri tana ne ia, iri go, “Adi goe to Tamamu.” Jesu i vataule ne qira igo, “Ramu qamuki rove ava kaega era, mana qamuki rove napu so kaega Mamae, go ṉalu go tamu rove ava era, qamu tamu rove napua so Mamae go.”

Tarama Velaka Ia Jesu Kristo I Karo Go Jon 8:29

Mana ia ni turinava go, i ko tavisi ava, iki taru vamiki ava kaega, tanego era qa zazu neso pataro i vakula go ia.”

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Tarama Velaka Ia Jesu Kristo I Karo Go Jon 8:51

Ma sine ne qamu pata ogoto, ka basoe i vaogote mana i lulua vari vatatana ro era, tiniki le kaega.”

Tarama Velaka Ia Jesu Kristo I Karo Go Jon 8:52

Vano Jiu ne iri vane de ia, “Ninidena to qiara lete rove, aro i ko ogoto banae to manuru tokamamu, tanego Abra-am ile, mana propetaro iri le, do aro qo go, ka basoe i vaogote mana lulua vari vatatana aro, tiniki le kaega.

Zazu Ria Apostoloro 17:23

Ṉalu era qa zaza goe loborona komala ramu, qa mia de qamu varerego mana qa soba ze kameka sara i karoe seko dena, “De ikoego kameka god qatiki rove go kaega.” Iato God qamu vazaka go, qamuki rove go kaega nae iato qa sine vasadaka ne qamu go era ninidena.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Kameka Jon 1:6

Iago ṉalu ita qata go, qata varikitakie de ikoego ia qata gogo, do ara koeso rodoko qata gogo ne, ita qata poqe ne so sekoro ita, mana vatovatona too ita go.

Kameka Jon 2:22

Iago, akena to basoe poqepoqe nae? Iato basoe ni sine go, Jesu iki Kristo kaega igogo. Basoe to nae i kana iago Kristo. Tanego i sila qiru God Tamana mana Tuna.

Kameka Jon 5:10

Iago basoe i vaogote go Tuna God i nanao vamazale ia tane seko ro ia God ikoego loborona puṉuna. Do basoe iki vaogote go kaega God, iva poqe seko ia God ni sine go sauna sale ia ne. Iago basoe igogo nae ivagere ze so God basoe poqepoqe.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.