Tarama Velaka Ia Jesu Kristo I Karo Go Jon 7:37 - Vato Vari Vakameka Voru Ia Batu Ne

³⁷ Valupolupo na to musaqara na kelo ne, mana musaqara nae to i lete mazala sivala go, Jesu i degere mana i seko valavata, igo de, “Ka basoe i kaṉoso go mara lama va era, go mara ge besi.

Tarama Velaka Ia Jesu Kristo I Karo Go Jon 7:37 ပူးပေါင်းရင်းမြစ်များ

Matiu 11:28

Osiqamu ramu qamu lete zazu vokara mana papala maqata gogo ne, muna lama va era go mava ziṉo qamu.

Matiu 3:3

I sauna to Jon tane propeta Isaia i seko ne igo, “Kaki basoe i koru me de iki koego kaega pata podopodo lavata ro igo, ‘Muna vanama ne zuka ia Batu ne, vatotoloṉe zuka tina lulua go.’ ”

Matiu 5:6

Kula basoero iri lene go zazu ne na pataro i soko go Batu ne. Tanego God tinara teke ne qira pataro iri soko go zazu ne na.

Tarama Velaka Ia Jesu Kristo I Karo Go Jon 1:23

Jon i vataule ne qirae seko i sine bana go propeta Isaia, “Era qa gere kaki ovaṉa na kaki basoe i za korukoru me de i kaega go pata podopodo lavata na, igo vatotoloṉe zuka go tina goe go Batu ne!”

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 4:10

Jesu i vataule ne ia igo, “Aro qoki rove kaega pata i soko teke nigo aro, mana qoki rove ava kaega era, qa pene besi, go ṉalu go to rove go ne, aro to pene besi ava era, besi igogo ne iki rove go kaega lupo.”

Tarama Velaka Ia Jesu Kristo I Karo Go Jon 4:11

Qole ne igo de, “Batu, aro i kaega nigo pata kimakima, mana besi bolu dena i sokasoka za go. Ade tepa tane tono pala ze go besi i teke nego too basoe ne?

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Tarama Velaka Ia Jesu Kristo I Karo Go Jon 5:40

Patavolomo nae, ramu qamuki soko kaega lama va era, go era tuna teke ne qamu too igogo ne.

Tarama Velaka Ia Jesu Kristo I Karo Go Jon 6:35

Do Jesu i sine ne qira igo, “Era to qa bureri na too, ka basoe i lama va era tiniki ara saqo kaega, mana ka basoe i vaogoto ava era tiniki ara kaṉoso kaega go.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:55

Tanego tokamaqu ne, i pata gege ogoto mana parasaqu ne, i besi ogoto go.

Tarama Velaka Ia Jesu Kristo I Karo Go Jon 7:28

Torana nae Jesu i vari vatatana e loborona Pade Lotu ne, i seko valavata igo de, “Oveto, qamu rove ava era mana de qa reqe mego. Do qaki lama ne kaega sauna karaputa era tanuqu. God i turi nava go era, seko ia i ogoto, mana ramu qamuki rove kaega iago.

Kameka Korinti 10:21

Iki tora kaega ramu tamuna besia go kapu ia Batu ne mana besi napua go kapu ia manuru, mana ṉaṉae tevolo ia Batu ne mana za ṉaṉa napue tevolo ia manuru go.

Kameka Korinti 10:4

Mana osiqira iri besia besi na bakoso i valame go God, mana bakoso dena i Jesu Kristo tanuna.

Kameka Korinti 11:25

Ṉalu iri ṉaṉa lupo, Jesu i pala napua kapu i purake vino mana igo dena, “Kapu dena i varitoqe voru ia God de iri koego basoero ne, qa lala vanadu ze parasaqu era. Osina ṉalu qamu besia go, muna nanao taruava era.”

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Epesus 5:18

Kasi vabulabulaṉoe qamue loka sakata karaputa ro, qamu ge go tanego tina vasakata qamu, do muna vapurake Spirit tabo.

Revaleson 21:6

Mana igo napu dena, “Osina pataro iri doka to.” Era to qa kenaqana mana muzimuzina osina pata, era to qa tutupiana mana lupolupo na osina pata. Ka basoe i kaṉoso go era tuna teke ne ia besi vuala na too i kaega go volina.

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,

Revaleson 22:17

Spirit tabo mana qole busi ne iru go, “Lama!” Basoero iri gata go seko dena, mara sine napua, “Lama!” Lama, ramu qamu konoso go mana besia, besi na too ikaega go volina.