Tarama Velaka Ia Jesu Kristo I Karo Go Jon 6:36 - Vato Vari Vakameka Voru Ia Batu Ne

³⁶ Era, qa sine bana ne qamu, patavolomo qamu mia banava do, qamuki vaogoto ava so kaega.

Tarama Velaka Ia Jesu Kristo I Karo Go Jon 6:36 ပူးပေါင်းရင်းမြစ်များ

Luka 16:31

Do Abra-am igo, ‘Ṉalu iriki gata go kaega pataro iri sine go Mosese mana propeta ro, patavolomo ṉalu kaki basoe i za too napu me tepa le ne, ria iriki mazala kaega vaogote na ia.’ ”

Tarama Velaka Ia Jesu Kristo I Karo Go Jon 12:37

Patavolomo tane Jesu i za i vasadake topuna ro zazu mazala ro de iri koego, do iriki vaogote so kaega ia.

Tarama Velaka Ia Jesu Kristo I Karo Go Jon 15:24

Kaega ka basoe i mazala go zazu ne na pataro qa zazu nego era. Ṉalu tuki zazu nego kaega era, pataro igogo ne, ria tariki mia rove kaega vasakata pata ro ria. Do ria, iri mia to pataro qa zazu nego era, do iriki ara soko qaru so kaega raru Mamae go.

Tarama Velaka Ia Jesu Kristo I Karo Go Jon 6:26

Jesu i vataule ne qira igo, “Masine ne qamu pataogoto, ramu qamu taqia va era, tanego qamu ṉaṉa mana kuma ne bureri ne go, ba zazu vari vapoloso qa zazu ne go era zakone, ramu qamuki nanao rove so kaega.

Tarama Velaka Ia Jesu Kristo I Karo Go Jon 6:30

Do iri vataule ne ia, iri go, “Ava lalana tono zazu ne go aro, go remu timuna mia mana vaogote go seko ro aro? Avana to tono zazu nego na?

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 6:64

Do kakiaro ro ramu qamuki vaogote so kaega.” Kokoso tupiana me, Jesu i rove bana qira ria tariniki vaogote go kaega mana akena tina vabesa ne go.