Tarama Velaka Ia Jesu Kristo I Karo Go Jon 5:44 - Vato Vari Vakameka Voru Ia Batu Ne

⁴⁴ Ramu qamu soko basoero ne tarina vazakazaka qamu, ba de i koego God, ramu qamuki nanao kaega zazu ne na kaki pata, go God mara mia vazakazaka qamu, igo nae iago, ramu i makuru bana so tamuna vaogoto ava go era.

Tarama Velaka Ia Jesu Kristo I Karo Go Jon 5:44 ပူးပေါင်းရင်းမြစ်များ

Matiu 23:5

Iri zazu ne topu pata go basoero ne tarina mia qirae go, pata i qolo ego Tamanaro iri qolo ze go tokama qira iri lete valavate. Mana qolo i idoke go tumutumuna roku ro ria, i lete lavata go. Iri zazu ne iadena go tanuqira iri lete mamaligara ne God mara vane qira basoero iri go.

Luka 19:17

‘Velaka sivala!’ igo batu ne, ‘aro qo valeke zazu velaka! Tanego aro qo va zazu va velake pata suka ro, iago era tunara vamia soka ge aro manoga komala lavata ro.’

Tarama Velaka Ia Jesu Kristo I Karo Go Jon 12:43

Iri soko so basoero ne tarina nanao vamazala qira, do iriki nanao rove kaega, nanao va mazala ia God i lete velaka go.

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 3:20

Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go.

Tarama Velaka Ia Jesu Kristo I Karo Go Jon 5:41

I patavolomo eso deqa koego era, ṉalu basoero ne iriki soko go kaega vazaka va era.

Tarama Velaka Ia Jesu Kristo I Karo Go Jon 8:43

Avigo tane qamuki nanao rove go kaega pataro qa sine ne qamu go na? Ianae ne i sadaka, tanego ramu qamuki soko kaega gatana vari vatatana era.

Leta Ia Pol I Karo Ne Qira Basoero Na Rom 2:10

Do basoero iri zazu ne go pata velaka, God tina teke ne qira menomeno, mana vamazala na vitoṉo qira, mana tina teke ne qira bule go. Ianae tina sadaka kenaqa qira vano Jiu mana taramuzina de iri koe go vano iriki Jiu go kaega.

Leta Ia Pol I Karo Ne Qira Basoero Na Rom 2:29

Do basoe Jiu ogoto ne tina lulu ogote to pata velaka ni reqeme go puṉuna mana madauna go iara kosi ne go. Pataro dena iki reqeme kaega pata ni karoe go Tamana, do i reqeme zazu ia Spirit ia God. Mana basoe dena i tonovo ze vivitoṉo velaka de ikoego God.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Kameka Korinti 4:5

Iago muniki toere too ia basoe, tanego ṉalu na varitanae iara kaebo lama doka. Ṉalu musaqara na varitanae, tina piri ne so lama na Batu ne, tina pala vasadaka ze tatavata pataro i ko pipika ego nanao qira basoero ne. Mana God tina va zakazaka qira basoero, vatora ze de go too ria.

Karua Korinti 10:18

Ṉalu God i nanao vamazale basoe nae, ia tina toqe ne, do iki tora kaega basoe nae tina nanao vamazale tanuna.

Pilipae 2:3

Kasi nanao na osina pataro mamu zazu va miki neso tanuqamu, ba vazakazaka na tanuqamu, ba vakanata volomo. Do muna ko qoqoro, vari padae de iri koego kero ne basoero ne.

Kameka Tesalonika 2:6

Mana qimu ki zazu ne kaega kaki pata go mamu vazakazaka qemu remu, ba kakia basoe go.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Jemisi 2:1

Ramu turaquro qamu vaogoto bana mego Batu ita Jesu Kristo i batu ne go osina menomeno. Kasi vine vakakavata qira basoero ne, tanego iki vari pada kaega vatovato ria ni sadaka go.

Kameka Pita 1:7

Lavatana pataro dena go mara vasadake mazala na vaogoto ramu i nadu go. Qolu do iri subi ze nako ṉalu iri pada nego, go iri vadalo go, do qolu nae i mazala so za kaega, ba vaogoto raramu go i sivala ne qolu. Iago God tina pada napu ne vaogoto raramu go tinara nadu, mana tamuna toṉove vazaka, mana va popoka na vitoṉo qamu, mana va mazala qamu ṉalu musaqara Jesu tina sadaka mego.

Judi 1:25

De i koe kameka so God dena i va kavele qita e de ikoe go Jesu Kristo Batu ita. I tora ita mata vazaka vitoṉona, i Batu lavata sivala, i varavarana, karaputa ia iko bana meso, iko ṉalu ninidena, mana tina ko dokae ka ṉalu gado kutona i kaega! Amen.