Tarama Velaka Ia Jesu Kristo I Karo Go Jon 5:39 - Vato Vari Vakameka Voru Ia Batu Ne

³⁹ Ramu qamu toere mana nanao lupase karo tabo ne, tanego qamu nanao ianae tane tamuna soba ze go too iki rove go kaega lupo. Do osina karo tabo ro nae, i pepeu lupo so sauqu era.

Tarama Velaka Ia Jesu Kristo I Karo Go Jon 5:39 ပူးပေါင်းရင်းမြစ်များ

Matiu 22:29

Jesu ivataule ne qira, “Ramu qamuki rove kaega zazao na Buka tabo ne, mana qamuki rove kaega karaputa ia God go, go nanao qamu i kebu go.

Maka 10:3

Jesu i vataule ne qira ria tana dena, “Avana to ka tamana i teke bana ne qamu ramu Mosese?”

Maka 12:10

Pata ogoto, ramu qamu toere to Buka tabo ne mana qamu mia to ni sine go, ‘Ipaka iri kasia go vano zazu pade ne, iato ipaka i lete mazala sivala ne qira go osiqira ipaka ro ne.

Luka 16:29

Abra-am igo, ‘Togamu i ko Mosese mana propeta ro iri sine bana ne qira, iago togamu ro mara ria gata pataro iri sine go ria ne.’

Luka 16:31

Do Abra-am igo, ‘Ṉalu iriki gata go kaega pataro iri sine go Mosese mana propeta ro, patavolomo ṉalu kaki basoe i za too napu me tepa le ne, ria iriki mazala kaega vaogote na ia.’ ”

Luka 24:25

Gonae Jesu i sine qiru, “Avana to ka bulaṉoe qaburu, i makuru qaburu vaogoto katikili na osina pataro iri sine go ria propeta ro ne!

Luka 24:27

Gonae Jesu i vatalupasa ne qiru, pataro iri sine go sauna tanuna loborona Buka tabo ne, tupi e buka ia Mosese mana osina karo ria propeta ro.

Luka 24:44

Mana i sine ne qira, “Iato dena pataro tina sadaka go gerena so qa sine bana go, torana qako tavisi qamu go, osina pataro sauqu era ni karo ego Tamana ia Mosese, pataro iri karo go ria propeta ro, mana buka na Kera ne tina lama sadaka ogoto lupo so.”

Tarama Velaka Ia Jesu Kristo I Karo Go Jon 1:45

Pilipi i soba Natanel mana i sine ne, igo, “Valeke ni karo valu bana ne Mosese loborona buka na Tamana ne, mana karo ro ria propeta ro go ne, qi soba to remu. Vitonona Jesu, sale ia Josepo i reqe me komala Nazaret.”

Tarama Velaka Ia Jesu Kristo I Karo Go Jon 5:32

Do i ko kaki basoe i sine vasadaka ne qamu pataro i rove ze go sauqu era, mana qa rove, pataro i sine go ia ne, i pata ogoto go.

Tarama Velaka Ia Jesu Kristo I Karo Go Jon 5:36

Do era i ko nava kaki pata, i vasadaka velake go, Mamae tane i turi nava go. Pata dena i karaputa sivala ne pataro i sine vasadake go Jon, ia igogo ne, iato zazu i sine nava go Mamae tuna zazu nego.

Tarama Velaka Ia Jesu Kristo I Karo Go Jon 5:40

Patavolomo nae, ramu qamuki soko kaega lama va era, go era tuna teke ne qamu too igogo ne.

Tarama Velaka Ia Jesu Kristo I Karo Go Jon 5:46

Ṉalu ramu qamu vaogote go pataro i sine go Mosese, ramu tamu vaogoto napu ava so era, tanego pataro i karo go Mosese, i sauqu so era.

Tarama Velaka Ia Jesu Kristo I Karo Go Jon 7:52

Batubatu ria vano Jiu, iri vataule ne ia, “Avigo aro qo valeke na Qalili? Toere mana nanao luluse Buka tabo ne, tono mia, kaega kaki propeta lavata tina reqe mego Qalili.”

Zazu Ria Apostoloro 13:27

Do basoero iri koego Jerusalema mana vano kenakenaqaro ria gogo ne, iriki miarove kaega Jesu to tina vakavele qira go. Mana iriki mia rove napua so kaega sekoro ria propetaro ne, iri toere go osina musaqara Sabat. Do tanuqira to iri vavoto go sekoro dena ṉalu iri vine go Jesu tina le go.

Zazu Ria Apostoloro 17:11

Basoero na de gogo ne nanao qira i velaka sivala ne nanao qira vano Tesalonika. Iri lete soko gatana tarama ia Pol. Gonae iri lete gata vavelake mana osina musaqara iri toere tarua mana lukase pata ni sine go Buka tabo ne mana pataro i sine go Pol i ogoto sivala go.

Zazu Ria Apostoloro 26:27

Batu lavata Aqripa, avigo qo vaogoto qira propetaro ba? Qa rove aro qo vaogote pataro iri karo go ria propeta ro.”

Leta Ia Pol I Karo Ne Qira Basoero Na Rom 1:2

Tarama velaka dena God i pui bana me ze de iri koego propetaro ne, go iri karo ze go Buka tabo ne.

Leta Ia Pol I Karo Ne Qira Basoero Na Rom 3:2

Ove, i topu pata velaka iri pala go vano Jiu. Pata kenaqa sivala, God i teke ne qira vano Jiu seko iago tarina sotia go.

Kolosia 3:16

Topu vavagado velaka ikoego Tarama Velaka ia Kristo, muna soti ze puṉuqamu. Vari vatatana mana vari vagata ne osina to tarove ia. Vazaka ze God nanao qamu, vae ne kera na Buka tabo, kera lotu i reqeme de ikoego Spirit tabo mana seko velaka ne God loborona puṉuqamu.

Iburu 11:16

Do kaega, ria iri le ne vudu voru iato rani ne. Mana God iki agava ne kaega tarina koru ze ia God ria, tanego i vanama ne qira kameka komala lavata ria.

Iburu 11:35

Qolero iri vaogote go God, iri pala vaule napua sale ro ria ba vano vano ria iri le bana go. Do kero ne basoero napu iri vaogote go God, iriki toqe ne kaega ko talupasa, mana iri le loborona vari vae vale i sakata sivala, go tarina pala too velaka ṉalu muzi.

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.