Tarama Velaka Ia Jesu Kristo I Karo Go Jon 4:48 - Vato Vari Vakameka Voru Ia Batu Ne

⁴⁸ Iago Jesu i vane dena ia, “Ramu basoero dena tamuna mia bana so zazu vari va poloso ia, tamuna ra vaogoto go.”

Tarama Velaka Ia Jesu Kristo I Karo Go Jon 4:48 ပူးပေါင်းရင်းမြစ်များ

Matiu 16:1

Kakia ro ria vano Parisio mana vano Sadusi iri lama ego de i koego Jesu iri soko pada va soru na ia, iago iri pene zazu vari vapoloso de ikoego Jesu, go tina vasadake God tane i turine me go ia.

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 27:42

Iri go, “Iva kavele qira basoero ne, do tanuna i makuru go vakavele go? Ṉalu go i batu lavata ria vano Izirel ia tara siporo kasi ne me koluse ne, go ita qata mazala vaogote na ia!

Maka 13:22

Tanego Mesia poqepoqe ro mana propeta ro go, tarina lama sadaka mana zazu ne topuna ro pata van vapoloso mana lala ro, go tarina vasoru qirae basoero tavine ia God.

Luka 10:18

Jesu i vataule ne qira igo, “Era qa mia bana Satana i soru me rani ne, i gere kapi.

Luka 16:31

Do Abra-am igo, ‘Ṉalu iriki gata go kaega pataro iri sine go Mosese mana propeta ro, patavolomo ṉalu kaki basoe i za too napu me tepa le ne, ria iriki mazala kaega vaogote na ia.’ ”

Tarama Velaka Ia Jesu Kristo I Karo Go Jon 12:37

Patavolomo tane Jesu i za i vasadake topuna ro zazu mazala ro de iri koego, do iriki vaogote so kaega ia.

Tarama Velaka Ia Jesu Kristo I Karo Go Jon 15:24

Kaega ka basoe i mazala go zazu ne na pataro qa zazu nego era. Ṉalu tuki zazu nego kaega era, pataro igogo ne, ria tariki mia rove kaega vasakata pata ro ria. Do ria, iri mia to pataro qa zazu nego era, do iriki ara soko qaru so kaega raru Mamae go.

Tarama Velaka Ia Jesu Kristo I Karo Go Jon 2:18

Vano batubatu ria vano Jiu iri lamae de koe Jesu mana iri tana ne ia, “Ava lala na tane qo mazala go vasadaka ne qemu remu, go timuna rove, God tane i teke nigo karaputa go qo zazu ne pataro i gogo nae.”

Tarama Velaka Ia Jesu Kristo I Karo Go Jon 20:29

Jesu i sine ne Tomasi, “Aro qo vaogoto, tanego qo miasoba va era. Kula sivala ria basoero iriki miasoba va kaega era, do iri vaogote go!”

Tarama Velaka Ia Jesu Kristo I Karo Go Jon 4:49

Do valeke batu ne igo, “Ke! luluava to era aro, ṉalu qoki lama to kaega aro, sale valeke rera tina le to.”

Zazu Ria Apostoloro 14:3

Do Pol mana Banabasi iru seko vakaraputa sauna Batu ne, mana iru ko vaumata qe Ikonium, iri tarama ne Mana ia God. Batu ne iteke qiru karaputa go iru zazu ne go zazu vari vapoloso ro mana zazu vari vanureke ro go.

Zazu Ria Apostoloro 15:12

Osiqira iri duduli lupo, mana iri gata Pol mana Banabasi iru sine vasadake go osina pata vavagazama mana vari vapoloso ro i zazu ne go God de iri koego basoero iriki Jiu go kaega.

Zazu Ria Apostoloro 2:19

Era tuna vasadake zazu mazala ro era tepa varioka ne mana zazu vari vapoloso ro era vudu pua i koe sokasoka dena. Nae tina sadaka me parasa, nako mana kauku tumatuma lavata go.

Zazu Ria Apostoloro 2:22

Ramu vano Izirel muna gata seko ro dena! Jesu na Nazaret i kaki kameka valeke i tavine me de ikoe God, i lamae de qamu koego ramu, mana God i vasadaka va velake ogotona pataro dena, loborona zazu mazala ro mana zazu vari vapoloso, ro i zazu nego Jesu. Ramu tanuqamu, qamu rove pataro dena, tanego ia i vasadaka ze zazu ro ia loboro qamu ramu.

Zazu Ria Apostoloro 2:43

Topu zazu mazala ro mana pata vari vapoloso iri zazu ne go apostoloro ne. Gonae basoero ne iri ko padapadae de iri koego ria.

Zazu Ria Apostoloro 4:30

Ono vasadaka me karaputa aro, go mara va velaka qira vano iri mokoso, mana vamao qemu go di zazu ne zazu vari vapoloso, mana zazu mazala ro mara sadake vitoṉo tabo na Jesu valeke zazu aro.”

Zazu Ria Apostoloro 5:12

Topu na zazu mazala ro mana zazu vari vapoloso go, iri vasadaka ze de iri koego basoero ne, ria apostoloro ne. Osiqira vano iri vaogoto go iri vari sobae tepe na pade ia Solomon.

Zazu Ria Apostoloro 6:8

Sitivini kameka valeke God iva makaole ia, mana i purake ne karaputa, iva sadake topu na zazu mazala ro mana zazu vari vapoloso ro, de iri koego basoero ne.

Zazu Ria Apostoloro 7:36

I lulu vasiporo qira basoero ne tepa Izipito, i vasadaka me zazu mazala ro mana pata vari va poloso ro loborona Izipito mana tepa masi mesara, loborona vasiṉaulu ave zaza iri vaego tepa ulaṉe ne.

Leta Ia Pol I Karo Ne Qira Basoero Na Rom 15:19

Ia ivazazua karaputa na lala mana pata vari vapoloso i palua go karaputa ia Spirit tabo. Iago, osina dia qa zae go, reqe Jerusalema za dokae Ilirikam, qa vasadaka lupo ze tarama velaka ia Kristo.

Kameka Korinti 1:22

Vano Jiu iri soko ne miana zazu vari vapoloso ro go tarinara vaogoto, mana vano Qrik iri taqia tarove.

Karua Korinti 12:12

God i zazu ze de qa koego era topu na zazu mazala ro mana zazu vari vanureke. Ianae i vasadake era qa apostolo, loborona zazu tavisi qa vae qamu go, era qa zazue loborona vari vananao.

Karua Tesalonika 2:9

Do tarakenaqana go tinara lama go Jesu, basoe vae tamana nae tina za lama palua karaputa ia satana, mana tina zazu ne topu na pata mazala, mana pata vari vapoloso ro tina vanureke qirae basoero.

Iburu 2:4

Tanuna God i vakaraputa napua seko dena loborona ro zazu mazala ro mana zazu vari vapoloso go, mana kenakena na sosovolomo i reqe me Spirit tabo de koe basoero i soko go tanuna.