Tarama Velaka Ia Jesu Kristo I Karo Go Jon 3:8 - Vato Vari Vakameka Voru Ia Batu Ne

⁸ Seva ne i kikiru go za de i soko go, qo gata kikiuru na, do qoki rove kaega de i reqe mego, ba de i vele zae go. Ria basoero iri podo ego Spirit tabo iri gere to ianae.”

Tarama Velaka Ia Jesu Kristo I Karo Go Jon 3:8 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:13

Iriki podo gere kaega salero iri podo ego parasa qiru valeke mana qole, do God i zazu ne qira go, iva gere qirae salero ia.

Tarama Velaka Ia Jesu Kristo I Karo Go Jon 3:7

Iago oniki poloso ne pata qa sine nigo era, tanego qa sine go muna podo napu varuana ṉalu.

Tarama Velaka Ia Jesu Kristo I Karo Go Jon 3:9

Nikodemus i tana napu, “Ava tina go na doka go pata igogo ne?”

Zazu Ria Apostoloro 2:2

Goso nae kameka naki ireqe me rani ne i qumara vamoqere me gere sokoro popokae i lama purake pade iri kolokue go ria.

Zazu Ria Apostoloro 4:31

Ṉalu ria iri lotu lupo pade iri teṉoe go i vizu, osiqira iri purake to Spirit tabo, mana muzina nae ria iri vatupia to tarama vakaraputa ne seko ia God.

Kameka Korinti 12:11

Do kameka so Spirit tabo i zazu ne osina pataro dena, i valulu ze so de i soko go tanuna. I soso ne nogotona karaputa mazala ro dena de qata koego ita.

Kameka Korinti 2:11

Gere na kaki basoe, spirit ia tanuna i koe loborona ia, i rove too, nanao, mana vatovato ia tanuna go, gere na so Spirit ia God i rove go, too, nanao, vatovato ia God.

Kameka Jon 2:29

Ramu qamu rove Kristo itotoloṉo, iago basoe i zazu nego vatovato itotoloṉo go, i sale ogoto ia to God.