Tarama Velaka Ia Jesu Kristo I Karo Go Jon 3:6 - Vato Vari Vakameka Voru Ia Batu Ne

⁶ Basoe i ko tokamana, tanego tamana mana sinana iru vapodo go. Do basoe i pala go too ogoto, ia i podo me de koe Spirit tabo.

Tarama Velaka Ia Jesu Kristo I Karo Go Jon 3:6 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:13

Iriki podo gere kaega salero iri podo ego parasa qiru valeke mana qole, do God i zazu ne qira go, iva gere qirae salero ia.

Tarama Velaka Ia Jesu Kristo I Karo Go Jon 3:7

Iago oniki poloso ne pata qa sine nigo era, tanego qa sine go muna podo napu varuana ṉalu.

Leta Ia Pol I Karo Ne Qira Basoero Na Rom 7:18

Era qa rove i kaega so pata velaka ikoe de qa koe go, do too na so vudu pua dena ikoego de qa koe go era. Iato gogo pata velaka qa soko go zazu nena qaki zazu ne go kaega.

Leta Ia Pol I Karo Ne Qira Basoero Na Rom 7:25

Iago ita mata zazu ne, tanego ita qata koe polana Mana ia God, mana qatiki koe kaega polana tamana. Kadi go i velaka so ita mata vasakata pata so ba? Kaega!

Leta Ia Pol I Karo Ne Qira Basoero Na Rom 7:5

Ṉalu ita qata koe go too na vudu pua dena, tamana iva tadagasiri me vasakata pata go i zazue go tokama qita, iago ita qata zazu ne pata sakata ro iri vae vale qita.

Leta Ia Pol I Karo Ne Qira Basoero Na Rom 8:13

Tanego ṉalu qamu lulua go vatovato na tokama qamu ni soko go too na vudu pua dena, ramu tamuna le, do ṉalu karaputa ia Spirit tabo go qamu vae vale ze go vatovato sakata ro ramu, ramu tamuna pala too.

Kameka Korinti 6:17

Do basoe i va kameka ne tanuna de ikoego Batu ne, iva kameka ze too ia.

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Epesus 2:3

Pata ogoto osiqita qata gere qira so basoero nae, qata lulua so pata qata soko go, mana qata zazu ne so pata ni soko go tokama qita mana nanaoqita go. Loborona too ita qata gere napu qira so basoero nae. Itora to ita tatana pala go vokara na muma ia God.

Kolosia 2:11

Loborona vari vakameka ramu de koe Kristo ramu qamu kosi bana to, vari kosi ia kaega basoe, do vari kosi i zazu ne Kristo, i vakavele ze basoe loborona karaputa ia pata ikoego tokamaqita i mazala go vazao qita vasakata pata.

Kameka Jon 3:9

Ka basoe i lama sale ia God, tiniki ara lulua kaega zuka na vasakata pata, tanego God i ko tavise ia mana God i Tamana, iago tiniki ara vasakata pata napu kaega go.