Tarama Velaka Ia Jesu Kristo I Karo Go Jon 3:5 - Vato Vari Vakameka Voru Ia Batu Ne

⁵ “Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Tarama Velaka Ia Jesu Kristo I Karo Go Jon 3:5 ပူးပေါင်းရင်းမြစ်များ

Matiu 18:3

Mana i sine ne qira, “Ma sine ne qamu pata ogoto, ṉalu qamuki kavale kaega vatovato ramu, mana gere qira kaega salero suka gogo ne, ramu tamuniki mazala kaega keba zana Too de ikoego vari miasoka ia God.

Matiu 19:24

Ma sine patu, napua kameka kamolo i makure tina surae go talopana nila sisira, do i lete makuru sivala to vano vavagado tarina keba za go Too ikoego vari miasoka ia God.”

Matiu 21:31

Iago, ade ke riru tamakena dena, iru zazu nego pata i soko go tamaqiru?” Iri vataule, “Ke lavata ne,” iri go. Jesu i sine ne qira, “Masine ne qamu pata ogoto, vano palapala takisi mana qolero iri volivoli ne go tokamaqira sauna too sakata ro, tarina za kenaqa ne qamue ramu de ikoego vari miasoka ia God.

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Matiu 3:11

Era qa bapitema qamue ramu besi go tina vasadake ramu qamu manava sakata ne vasakata pataro ramu. Do valeke tinara lama taramuziqu era i lete karaputa sivala nava era. Patavolomo makebotu ia do era ki torava kaega tuna pala ne go. Ia tina bapitema qamue ramu Spirit tabo mana nako.

Matiu 5:20

Ma sine ne qamu pata ogoto ṉalu qamuki lulua kaega vatovato velaka i soko go God, gere qira ria vano Parisio mana vano tarove na tamana gogo ne, qamu ki mazala kaega tamuna keba zago de ikoego vari miasoka ia God.”

Maka 10:14

Ṉalu Jesu i mia go de iri gogo na i muma ne qira disipoloro ia, igo, “Kasi vakaega qira sale ro ne lamae na de qa koego era, tanego Too ikoego vari miasoka ia God, ike ria to sale ro ne tarina za koego.

Maka 16:16

Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Maka 9:47

Ṉalu karua matamu i vakuziki nego vaogoto aro, ono lobiki vakuziki ne, itora so kameka mata mara ko nigo, mana go tono keba zago Too ikoego vari miasoka ia God. Tanego ilete sakata sivala ṉalu i soma go karua matamu mana za kebae na nako iki rove go kaega le.

Luka 13:24

“Ramu muna lete pada ne keba za na siporaṉa suka nae, tanego topu ria iri pada ne, do tina makuru qira keba za na loboro.

Luka 13:3

Kaega! Masine ne qamu, ṉalu qamu ki manava sakata ne kaega vasakata pataro ramu, osiqamu tamuna le gere napu qira so ria.

Luka 13:5

Kaega! Do masine ne qamu. Ṉalu ramu osiqamu qamuki vana ne kaega vasakata pata ramu, osiqamu tamuna le gere napu qira so ria nae.”

Tarama Velaka Ia Jesu Kristo I Karo Go Jon 1:13

Iriki podo gere kaega salero iri podo ego parasa qiru valeke mana qole, do God i zazu ne qira go, iva gere qirae salero ia.

Tarama Velaka Ia Jesu Kristo I Karo Go Jon 3:3

Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”

Tarama Velaka Ia Jesu Kristo I Karo Go Jon 3:4

Nikodemus i vataule igo, “Basoe i podo mana lavata bana gogo ne, ava tina go tinara podo napu go. Ba tina keba ule za sopana sinana mana podo ule napu me varuana ṉalu go?”

Zazu Ria Apostoloro 2:38

Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.

Zazu Ria Apostoloro 3:19

Muna manava sakata ne vasakata pata ro ramu, mana tabali za de ikoego God, go God tina nanao ule ne qamu go.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Kameka Korinti 15:50

Vakitaka ro era, iato dena talupasa na seko era, tokama qita i ko go manu na mana parasana, i makuru tina zae go de ikoego vari miasoka ia God, pata i le go i makuru tinara pala too.

Kameka Korinti 2:12

Ita qatiki pala kaega Spirit na pua dena, do ita qata pala Spirit i turi ne me God, go tatana rove osina pataro i teke ne qita go God.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Qalesia 6:15

I patavolomo so basoe ikosi ba iki kosi kaega. Pata ilete mazala sivala go basoe mara pala too voru de ikoego God.

Epesus 5:26

go eklesia ne tina tabo go. Ia iva vorua eklesia ne, ṉalu i saboro ze ia loborona besi mana i sine vasadake go seko ro ia.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Kameka Jon 2:29

Ramu qamu rove Kristo itotoloṉo, iago basoe i zazu nego vatovato itotoloṉo go, i sale ogoto ia to God.

Kameka Jon 5:1

Osiqira ria iri vaogote Jesu to, i Mesia go, ria to iri salero iago God. Mana osiqira ria iri mamaligara ne go sale ia.