Tarama Velaka Ia Jesu Kristo I Karo Go Jon 3:29 - Vato Vari Vakameka Voru Ia Batu Ne

²⁹ Ṉalu kaki valeke i ara busia kaki qole, qole nae i ke iato valeke nae, do vakitaka ia valeke ni busi go i lama ko garogaro mana gatagata go, ia tina lete kula sivala ṉalu tina gata go seko na valeke busi ne. Tina go napu so kula era go.

Tarama Velaka Ia Jesu Kristo I Karo Go Jon 3:29 ပူးပေါင်းရင်းမြစ်များ

Matiu 22:2

Igo, “Too ikoego vari miasoka ia God i gere, ṉalu kaki batu lavata i vanama ne kelo busi na sale valeke ia.

Matiu 25:1

Gonae Jesu i sine, “Too ikoego vari miasoka ia God i gere manoga qole iri pala za pazi ria, mana iri za go mara ria soba valeke i vavanama nego busi ne.

Matiu 9:15

Jesu igo, “Avigo, qamu nanao ria iri lama kotavisi go ṉaṉa vari va busi ne tarina maqata, ṉalu iara ko tavisi qira go valeke busi voru ne ba? Kaega! Ṉalu tarina pala vakuziki ne qirae to valeke busi voru ne, ṉalu nae to iri ara mazala go qaniqani go.

Luka 15:6

mana i ule za komala. Taramuzina ikoru qira vakitaka ro ia mana i sine ne qira, ‘Era qa lete kula sivala qa soba napua to sipi era irore go, iago lama mana kula tavisi ava era!’

Tarama Velaka Ia Jesu Kristo I Karo Go Jon 15:11

Qa sine ne qamu go pataro dena, go ramu tina ko ne qamu kulakula i ko nava go era. Qa soko kulakula ramu mara lavata.

Tarama Velaka Ia Jesu Kristo I Karo Go Jon 16:24

Go I doka go ninidena, ramu qamuki pene ze so kaega kaki pata loborona vitoṉo qu era, iago pene go tamuna pala go, go kula ramu tina purake kulakula.”

Tarama Velaka Ia Jesu Kristo I Karo Go Jon 17:13

Era tuna gado atu to. Qa sine sekoro dena, pasi qara koe vudu pua dena, go ria tarina kula gerena so de igogo kula qu era.

Tarama Velaka Ia Jesu Kristo I Karo Go Jon 3:30

Mesia ne tina zaza karaputa mana era tuna zaza qoqoro go.”

Karua Korinti 11:2

Era qalete nanao qamu gerena God i lete nanao qamu go ramu. Ramu qamu gere kameka qole i lete dalo sivala, mana era tane qava tamatura ze ia kameka valeke nae, iato valeke nae tanuna to Kristo.

Pilipae 2:2

Ṉalu igogo nae, era qa pene vamoqere qamu muna va voto kula era ṉalu qamu pala kameka nanao, mana vari soso ne kameka mamaligara, kameka madau mana nanao.

Kameka Jon 1:4

Qimu karo zatu pata dena, gogo kula ita mara voto lupo.

Karua Jon 1:12

Era iko nava topu pata ma sine ne qamu ramu qa go, do qaki soko kaega karo zena leta, qa soko magaretu mana vapepeu qamu mana osiqita mata vari kulae lupo.

Revaleson 21:9

Kaki kameka aqelo i za lamae de qa koego era, aqelo dena iato vavituna go aqelo i pala bana go ebata lavata i purake go vavituna pata vari va makuru ne. Gonae igo dena, “Lama go ma vamia goe era qole ia Tunana Sipi niara busia go.”