Tarama Velaka Ia Jesu Kristo I Karo Go Jon 3:21 - Vato Vari Vakameka Voru Ia Batu Ne

²¹ Do ṉalu ka basoe i zazu ne pataro i ogoto go, ia tina lamae tatavata, tanego i soko tatavata nae na vasadaka velaka ne osina pataro i zazu nego, tanego i vaogote God.”

Tarama Velaka Ia Jesu Kristo I Karo Go Jon 3:21 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:47

Ṉalu Jesu i mia Natanel i lamae go de ikoego, i vane ia de, “Valeke dena i basoe ogotona to Izirel, mana iki rove kaega poqe go.”

Tarama Velaka Ia Jesu Kristo I Karo Go Jon 3:20

Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go.

Tarama Velaka Ia Jesu Kristo I Karo Go Jon 5:39

Ramu qamu toere mana nanao lupase karo tabo ne, tanego qamu nanao ianae tane tamuna soba ze go too iki rove go kaega lupo. Do osina karo tabo ro nae, i pepeu lupo so sauqu era.

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Kameka Korinti 15:10

Do loborona Mana ia God era qa apostolo ia. Manava i teke nava go era iki vana volomo kaega, do i zari urena. Tata mia zaqe go ne, era qa zazu vokara sivala ne qira kerone apostoloro, do iki zazu miki era kaega tanuqu do Mana ia God i zazu tavisi ava.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Qalesia 6:8

Ia i leba ze go nanao ia, too na vudu pua dena tina za le. Ba ia i leba ze go too ia Spirit tabo de ikoego, tina za pala ze urena too gado kutona i kaega.

Epesus 5:9

Tanego tatavata i vasadaka me soso sinaqe na velaka, totoloṉo, mana ogoto.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 2:13

Tanego God i zazu tarue loboro qamu ramu, go mara vamazala qamu go muna toqe ne mana lulua vatovato ia tanuna.

Kolosia 1:29

Go tina zazu go pata dena, era qa lete zazu vokara, qa va zazua karaputa lavata i sosovolomo nego Kristo, mana iato i zazu ego de qa koego era.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Jon 1:6

Iago ṉalu ita qata go, qata varikitakie de ikoego ia qata gogo, do ara koeso rodoko qata gogo ne, ita qata poqe ne so sekoro ita, mana vatovatona too ita go.

Kapisa Jon 1:11

Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.

Revaleson 3:15

Era qa rove pataro qamu zazu nego ramu, mana qa rove ramu qamuki lolomu mana qamuki ila kaega. Ṉalu go ramu tamu lete ila, ba lete lolomu gogo ne, iato i velaka va go era!