Tarama Velaka Ia Jesu Kristo I Karo Go Jon 3:15 - Vato Vari Vakameka Voru Ia Batu Ne

¹⁵ go ka basoe i vaogoto ava era, tina toṉove too iki rove go kaega lupo.

Tarama Velaka Ia Jesu Kristo I Karo Go Jon 3:15 ပူးပေါင်းရင်းမြစ်များ

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”

Maka 16:16

Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Luka 19:10

Era Tuna basoe ne, qa lama zaz ne tuna taqia mana va kavele ka basoe ton i rore go.”

Tarama Velaka Ia Jesu Kristo I Karo Go Jon 1:12

Do ria iri soko go ia, iri vaogote ia, ria nae i teke qira vatoqe go tarina salesalero ia God.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 6:47

Ma sine ne qamu pata ogoto, ka basoe i vaogoto ava go era, ia i toṉove too iki rove go kaega lupo.

Zazu Ria Apostoloro 13:41

‘Ramu qamu vakari ne go God! Muna reṉa ninidena go muna poloso mana taramuzina tamunara le. Tanego pata qa zazu ne go era ninidena ramu tamuniki vaogote to kaega, mana patavolomo tarina sine lupasa ne qamu go, do tina varipada so.’ ”

Zazu Ria Apostoloro 8:36

Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [

Leta Ia Pol I Karo Ne Qira Basoero Na Rom 5:21

Iago vasakata pata i kenaqa ne qira vano basoe mana i teke ne qira to le. Do Mana ia God i ko ne karaputa sivala loborona zazu ia Jesu Kristo i vatotoloṉo napu qita ita vano basoe, mana i kenaqa qitae go too gado kutona i kaega.

Kameka Korinti 1:18

Tanego tarama na le i vaego Kristo koluse ne, i patavolomo e de iri koe ria iri rore go de koe God. Ba de qata koego ita qata kavele go, i karaputa ia God.

Karua Korinti 4:3

Ṉalu go Tarama Velaka qi tarama ne i pipika, ianae i pipika ne qira so vano iri rore go.

Qalesia 2:16

Do remu qi rove basoe iko totoloṉe de ikoe God, ṉalu i vaogote go Jesu Kristo, do iki reqeme kaega sauna luluna Tamana. Iago, remu vano Jiu do qimu vaogoto napua so Jesu Kristo, go ia God tina vatotoloṉo qemue deikoego Jesu Kristo, do iki sauna kaega luluna so pataro ni sine go Tamana. Tanego, kaega kaki basoe ni totoloṉoe go de ikoego God, ṉalu i lulua go so pataro ni sine go Tamana.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Iburu 10:39

Do ita qatiki basoero na kaega tabali ule mana rore go, do ita qata vaogote God ia tina vakavele qita go.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Kameka Jon 2:25

Mana pata i pui ne go Kristo tina teke ne qita, iato too ogoto iki rove go kaega lupo.

Kameka Jon 5:1

Osiqira ria iri vaogote Jesu to, i Mesia go, ria to iri salero iago God. Mana osiqira ria iri mamaligara ne go sale ia.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.