Tarama Velaka Ia Jesu Kristo I Karo Go Jon 21:22 - Vato Vari Vakameka Voru Ia Batu Ne

²² Jesu ivataule ne Pita igo, “Ṉalu tu soko go era, ia mara kasi le go doka so ṉalu era tuna ule napu mego. Do ia igogo ne iki pata mazala kaega de qo koego aro Pita. Ba aro ne, mo lulu ava era!”

Tarama Velaka Ia Jesu Kristo I Karo Go Jon 21:22 ပူးပေါင်းရင်းမြစ်များ

Matiu 16:24

Gonae Jesu i sine ne qira disipoloro ia, “Ṉalu ka basoe i soko lulu ava era, ia tina vaqoqore tanuna, ina pala koluse ia, mana lulu ava era go.

Matiu 24:27

Tanego ṉalu era Tuna basoe tuna lama go, tina tatavata gere kapi tina damare go tepa keba na saṉa mana za dokae tepa zuṉu na saṉa go.

Matiu 24:3

Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.”

Matiu 24:44

Iago ramu do muna vanama taruso, tanego era Tuna basoe tuna za ule me, musaqara ba torana ṉalu ramu qamuki rove go kaega.”

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 8:22

Do Jesu igo, “Aro ono lama disipolo rera, vano le mara vari vou tanuqira.”

Maka 9:1

Jesu i sine ne qira, “Ma sine ne qamu pata ogoto. Kakiaro ramu dena tamuniki le kaega, go tina za doka go ṉalu tamuna miasoba, Too ikoe go vari miasoka ia God tina za lama go.”

Tarama Velaka Ia Jesu Kristo I Karo Go Jon 21:19

Loborona to seko nae, Jesu i va rove ze Pita de tina go le ia, mana loborona to le ianae, tina vatarove qirae basoero ne de igogo karaputa mazala ia God. Gonae i sine ne Pita, “Luluava era!”

Tarama Velaka Ia Jesu Kristo I Karo Go Jon 21:21

Ṉalu Pita i mia ia i tana ne Jesu, igo, “Batu, do valeke dena, ava tina go na?”

Kameka Korinti 11:26

Talupasana osina ṉalu qamu ge bureri dena mana besia vino ikoego kapu dena ramu qamu va mia qirae kero ne basoero ne, le i vaego Batu ne, go tina doka go ṉalu Batu ne tina lama napu go.

Kameka Korinti 4:5

Iago muniki toere too ia basoe, tanego ṉalu na varitanae iara kaebo lama doka. Ṉalu musaqara na varitanae, tina piri ne so lama na Batu ne, tina pala vasadaka ze tatavata pataro i ko pipika ego nanao qira basoero ne. Mana God tina va zakazaka qira basoero, vatora ze de go too ria.

Kameka Tesalonika 2:19

Do ramu to ikoego ruruqe, gasigasi ba nanao vakaraputa reremu sauna sine vasadake na karaputa reremu. Ṉalu tina lama napu go Batu ita Jesu Kristo. Tanego ramu napu to go tamuna ko tavisi go ṉalu nae.

Jemisi 5:7

Turaquro, muna konoto so go tina za dokae go ṉalu tina lama napu go Batu ne. Ramu qamu rove, ṉalu basoe i leba lupo go pata lebaleba na barue ia, ia iko piri ne so saṉa mana nare go tina lama vamomorua go pua ne mana go tina vaure go pata lebaleba ia ni leba go.

Jemisi 5:8

Ramu napu to go, muna ko noto so, mana vanadua ruqe ramu, tanego musaqara ia Batu ne tina lama go igarogaro meto.

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.

Revaleson 2:25

Do muna pala taru vanadua so vatovato velaka qamu zazu nego nae, go tina za doka ṉalu era tuna za lama napu go.

Revaleson 22:20

Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 3:11

Tiniki umata kaega era tuna lama napu, iago ramu muna palataru vanadua too velaka qamu pala bana go nae, niki go lama vakuziki ne qamue kaki basoe sakata, sasarapa velaka qamu pala bana go.