Tarama Velaka Ia Jesu Kristo I Karo Go Jon 21:17 - Vato Vari Vakameka Voru Ia Batu Ne

¹⁷ Gonae Jesu i tana napu ne ia vapisana zaza, igo, “Saimon, sale ia Jon, avigo qo mamaligara nava era ba?” Pasi nae Pita i lete maqata, tanego kapisa zaza to, Jesu i tana ne ia, igo, “Avigo qo mamaligara nava era ba?” Iago i vataule ne igo de, “Batue, aro qo rove osina pata, mana qo rove, era qa mamaligara nigo.” Iago Jesu i sine ne ia, “Ono miasoka velaka qira sipi ro era.

Tarama Velaka Ia Jesu Kristo I Karo Go Jon 21:17 ပူးပေါင်းရင်းမြစ်များ

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Maka 14:72

Pasi torana sonae kokorako ivaruana to dae. Pita inanao zaqe to seko ni sine bana ne go Jesu, igo, “Tarakenaqana kokorako tina karua dae go, aro kapisa to sine tono, go qoki rove ava kaega.” Pasi nae Pita i soru maququru i tudu mana i dae go.

Tarama Velaka Ia Jesu Kristo I Karo Go Jon 12:8

Basoero situ, tarina koe deqamu koego osina ṉalu, do era tuniki ko tavisi qamu kaega osina ṉalu.”

Tarama Velaka Ia Jesu Kristo I Karo Go Jon 13:38

Jesu ivataule ne ia, igo, “Avigo go lete toqe ne tono le paluava era? Masine nigo pata ogoto sivala, tarakenaqana kokorako tinara dae go, kapisa zaza tono sine, qoki rove ava kaega era.”

Tarama Velaka Ia Jesu Kristo I Karo Go Jon 14:15

“Ṉalu qamu mamaligara nava era, ramu tamuna lulua tamana ro era.

Tarama Velaka Ia Jesu Kristo I Karo Go Jon 15:10

Ṉalu qamu lulua tamana ro era, ramu tamuna ko vanadue mamaligara era, gere na era qa lulua go tamana ia Mamae mana qa ko vanadue mamaligara iago.

Tarama Velaka Ia Jesu Kristo I Karo Go Jon 16:30

Remu qi rove to, aro qo rove osina pata, ka basoe i kone tana do aro qo mazala so sine lukasa kenaqa nena ia, go tinara tana go basoe nae. Ianae to go, remu qi vaogote aro qo reqe me de ikoego God.”

Tarama Velaka Ia Jesu Kristo I Karo Go Jon 18:27

Do Pita i lequ vakaega napua igo, “Kaega, era qaki ko tavise kaega ia,” torana so nae kokorako ne i dae to.

Tarama Velaka Ia Jesu Kristo I Karo Go Jon 18:4

Jesu i rove bana osina pataro tina doka go, iago i za soba qira mana i tana ne qira, igo, “Akena tane qamu taqia go na?”

Tarama Velaka Ia Jesu Kristo I Karo Go Jon 21:18

Masine nigo pata ogoto, ṉalu qo ara basoe voru go, tanumu so qo buka zigoe beloto aro, mana qo zae de qo soko go zaena tanumu go, do ṉalu qo kazigarata go, tono kazara ne zaqe karisimu de i koego kaki basoe kakavata, mana tina vazao ge aro, de qoki soko go kaega tono zae go.”

Tarama Velaka Ia Jesu Kristo I Karo Go Jon 4:16

Jesu i sine ia, “Za mana za lulu me valeke aro.”

Zazu Ria Apostoloro 1:24

Gonae iri pene, iri go dena, “Batue aro qo rove lupo puṉu qira osiqira basoero ne, iago ono va mia qemu remu adeke kameka riru dena qo vine go,

Zazu Ria Apostoloro 11:10

Kapisa to sadaka i vaego pataro dena, mana pataro igogo ne i popoka ule za rani ne.

Zazu Ria Apostoloro 15:8

Mana God i rove go nanao na osina basoe, i vasadaka velaka bana me so i soko napu qira so kerone basoero go. Tanego i teke napu ne qira so ria Spirit tabo gerena i teke bana ne gita go ita.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Epesus 4:30

Mana kasi vamaqate na Spirit tabo ia God. Tanego Spirit tabo i vasadake, iato i lala ia God, go itonovo qamu go, mana iato go tina lukasa qamu go musaqara muzimuzi.

Kameka Pita 1:6

Ramu muna kula sivala ne pata dena; kadi go igoto ṉalu ninidena ramu qamu soba desuka makuru, tanego topu adona pada ro qamu soba ze go vokara.

Karua Pita 3:1

Ramu turaquro ia dena i varuana leta era, qa karo ne qamu ramu. Loborona karua leta dena qa soko va dogara qamu ramu mana va totoloṉo velake nanao qamu ramu sauna pata ro dena.

Revaleson 2:23

Mana ria iri lulua go ia, era tuna vae vale lupo qira, go osiqira basoero na eklesia ne tarina rove, era qa rove lupo osina nanao ro ria mana pataro iri soko go. Era tuna teke vaule ne ia lepulepu i tora go kebu ro ia.

Revaleson 3:19

Qa seko lavata qira mana qa vakimata napu qira basoero qa mamaligara ne qira go. Iago muna pada neto vana lupo ne na osina too mana vatovato sakata ro ramu go.