Tarama Velaka Ia Jesu Kristo I Karo Go Jon 21:15 - Vato Vari Vakameka Voru Ia Batu Ne

¹⁵ Ṉalu iri ṉaṉa lupo to, Jesu i tana ne Saimon Pita, igo, “Saimon sale ia Jon, avigo mamaligara aro de qa koego era, i lete sivala ne mamaligara ria kero ne disipoloro ne, de qa koego era ba?” Pita i vataule igo, “Oveto Batu, aro qo rove era, qa mamaligara nigo,” Jesu i sine ne ia, “Ono miasoka qira tunana ro sipi era.”

Tarama Velaka Ia Jesu Kristo I Karo Go Jon 21:15 ပူးပေါင်းရင်းမြစ်များ

Matiu 10:37

Ka basoe i lete mamaligara ne qiru tamana mana sinana, sivala ne mamaligara ia de qa koego era, basoe nae iki tora kaega na luluava era. Mana ka basoe i lete mamaligara ne sale valeke ba sale qole ia, sivala ne mamaligara ia de qa koego era. Basoe nae iki tora napua kaega tina luluava era go.

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Matiu 26:33

Pita i seko me, mana i sine ne Jesu, “Patavolomo ria kerone tarina paqa kasi lupo nigo, do era tuniki kasi nigo kaega!”

Matiu 26:35

Pita i vataule, “Patavolomo tarina vae vale palu ve aro, i makuru tuna sine go, qaki rove go kaega!” Mana osiqira kero ne disipoloro do iri sine napua so kameka seko igogo ne.

Maka 14:29

Do Pita igo, dena, “Patavolomo ria osiqira tarina paqa kasi nigo aro, era tuniki paqa kasi nigo kaega!”

Luka 12:32

Jesu igo, “Muniki sareki sinaqe suka. Tamaqamu i lete soko qamue de ikoego vari miasoka ia.

Luka 22:32

Do era qa pene go aro, Saimon, go vaogoto aro niki pela kaega. Mana ṉalu qo degere ule me de qa koego era, aro tono vakarapata qira go kaemu ro.”

Tarama Velaka Ia Jesu Kristo I Karo Go Jon 1:42

Gonae i lulu me Saimon de ikoego Jesu. Ṉalu Jesu i reṉa ne Saimon igo dena, “Aro vitoṉomu Saimon sale ia Jon, do vitoṉomu tina Kepas to ninidena.” Vitono dena i gere napua so Pita, talupasana bakoso.

Tarama Velaka Ia Jesu Kristo I Karo Go Jon 13:37

Pita igo de, “Batu avigo tane i makuru ava go era lulu go ninidena? Era qa vanama ne tuna le palu go aro.”

Tarama Velaka Ia Jesu Kristo I Karo Go Jon 16:27

tanego tanuna Mamae i mamaligara ne qamu. I mamaligara ne qamu ramu, tanego qamu mamaligara nava era, mana qamu vaogote era qa reqe me de ikoego God go.

Tarama Velaka Ia Jesu Kristo I Karo Go Jon 21:12

Gonae Jesu i sine ne qira, “Muna lama ṉaṉa”. Kaega to kakia ria disipoloro ia iri tana ne akena tane ia, tanego iri rove Batu ne to de.

Tarama Velaka Ia Jesu Kristo I Karo Go Jon 21:7

Disipolo Jesu ni lete mamaligara nego, i vane de Pita, “Batu ita ne to dona.” Pasi i gata seko nae Pita i ivaroku ne roku ia i ozuku bana go ni toqo go gabe ne. Gonae i soqa za masi ne.

Tarama Velaka Ia Jesu Kristo I Karo Go Jon 8:42

Gonae Jesu i vane qira dena, “Ṉalu go God i Tamaqamu ogoto, ramu tamu mamaligara nava era, tanego era qa reqe me de ikoego God, mana iato i turi nava mego. Era qaki lama ne kaega luluna nanaoqu tanuqu, do qa lulua nanao na ia i turi nava go.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 20:29

Era qa rove taramuzina zaza tuna vae era, basoero tarina lama e de qamu koego, tarina gere qira sika piru kabakabala ro, mana tarina lama va makuru lupo qira vano iri vaogoto go.

Leta Ia Pol I Karo Ne Qira Basoero Na Rom 14:1

Muna vavelaka ne basoe i memelaka go vaogoto ia. Kasi vari valegu ne na pata i reqeme go nanao na basoe nae.

Leta Ia Pol I Karo Ne Qira Basoero Na Rom 15:1

Ita i karaputa go vaogoto ita mata tavisi ne qira, vano i memelaka go vaogoto ria, sauna papala maqata ro ikoe go de iri koe go. Mata kasi nanao na so tanuqita.

Kameka Korinti 8:11

Iago “tarove” aro tina va sakate go vakitaka aro nae tanego vaogoto ia iki karaputa kaega, iato i le ne go Kristo.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Epesus 4:14

Iago, ita mata kasi gere qira salero iri teteṉe ne go za gata na vari vatatana poqepoqero iri gere go pupuakana masi i lama kiuru pero vanaqe go sokoro ne. Iago ita mata kasi lulu qira vano vari vatatana poqepoqe ro, iri soko go vazazao vasakata qitae pata tatakiu ro iri zazu ne go.

Epesus 6:24

Go Mana ia God mara kotavisi qira vano iri vanadu zego mamaligara ria de ikoego Batu ita Jesu Kristo.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 4:13

I kaega kaki pata i mazala pipika ne na God, osina pataro i zari ego vudu pua ne, i ko va sadaka lupo eso tarakenaqa na God. Mana de i koe ia, ita tatana vasadaka lupo ne ia osina to pataro qata zazu ne go.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Kameka Pita 2:2

Muna gere qira sale medara iri ara podo go, iri lete soko go susu. Ramu muna soko susu i lete dalo go, susu nae tina vakaraputa qamu mana God tinara va kavele qamu go.

Kameka Pita 2:25

Ramu qamu gere qira sipi ro iri rore, iri va rore go zuka ria, do ninidena ramu qamu ule napu me de ikoego valeke miasoka sipi, mana i miasoka madau qamu go.

Kameka Jon 4:19

Ita mata vari mamaligarae, tanego God i mamaligara kenaqa ne qita go.

Kameka Jon 5:1

Osiqira ria iri vaogote Jesu to, i Mesia go, ria to iri salero iago God. Mana osiqira ria iri mamaligara ne go sale ia.

Revaleson 2:23

Mana ria iri lulua go ia, era tuna vae vale lupo qira, go osiqira basoero na eklesia ne tarina rove, era qa rove lupo osina nanao ro ria mana pataro iri soko go. Era tuna teke vaule ne ia lepulepu i tora go kebu ro ia.