Tarama Velaka Ia Jesu Kristo I Karo Go Jon 19:6 - Vato Vari Vakameka Voru Ia Batu Ne

⁶ Ṉalu batu ria patere ro, mana vano iri miasoka go pade lotu ne, iri miasooa zage Jesu, iri koru valavata iri go, “Paqipaqi ze ia koluse ne! Paqipaqi ze ia koluse ne!” Do Pilato i vataule ne qira, igo, “Muna pala za tanuqamu mana paqipaqi ze ia koluse ne, ba era ne, qaki soba ze kaega kaki pata sakata de i koego valeke dena.”

Tarama Velaka Ia Jesu Kristo I Karo Go Jon 19:6 ပူးပေါင်းရင်းမြစ်များ

Matiu 26:58

Pita i kale muzi ne qira so, do iki za garogaro qira kaega, pasi iri za dokae to pekalavata na pade ia batu lavata ria patere, ro ne, ia i za koloku tavisi qira vano soldia ro, go mara mia pata tina doka go Jesu.

Matiu 27:22

Pilato i tana napu, “Do ava tuna vane era, Jesu ni Mesia go?” Osiqira basoero ne iri go, “Paqipaqi ze ia koluse ne.”

Matiu 27:24

Pilato imia imakuru to kavala na nanaoqira basoero dena, do kadigo pera lavata mana varitara tina sadaka go, iago i pala disi besi mana i saboro ze karisina tarakenaqa qira basoero ne mana i sine, “Le na valeke dena, iki riqo era kaega, tanuqamu to qamu rove go talupasa na!”

Luka 23:4

Gonae Pilato i sine ne qira batu lavata ro ria vano patere mana basoero topu iri teṉo go, “Era qaki soba ze kaega kapata iva sakate go valeke dena.”

Tarama Velaka Ia Jesu Kristo I Karo Go Jon 18:3

Iago Jiudas i lulu qira me kaki taotao na soldia ria vano Rom mana vano iri miasoka go Pade Lotu ne, iri turine me qira go vano batu ria patere ro mana vano Parisio go, iri pala me pazi mana pata varitara ro go.

Tarama Velaka Ia Jesu Kristo I Karo Go Jon 18:31

Pilato i vane qira dena, “Pala za tanuqamu mana valulu ze de igogo vatovato na tamana ramu go.” Do iri vataule ne, iri go, “Do tamana remu iki vamao ne qemu kaega vae vale na basoe.”

Tarama Velaka Ia Jesu Kristo I Karo Go Jon 18:38

Pilato i tana napu, “Avana tane i pata ogoto go?” Gonae Pilato i siporo napu me de iri koego vano Jiu mana i sine ne qira, igo, “Era qaki soba ze kaega kaki pata sakata de ikoego valeke dena.

Tarama Velaka Ia Jesu Kristo I Karo Go Jon 19:15

Basoero ne iri koru me, iri go, “Vae vale ia! Vae vale ia! Paqipaqi ze koluse ne!” Pilato i tana napu ne qira, igo, “Avigo qamu soko era na paqipaqi ze koluse ne batu lavata ramu?” Do batu ria patere ro iri vataule me iri go, “Valeke nae iki batu lavata reremu kaega! Batu lavata Siza i koego so Rom ni batu lavata remu!”

Tarama Velaka Ia Jesu Kristo I Karo Go Jon 19:4

Pilato i siporo napu me, mana i sine ne qira basoero, “Era tuna vasiporo me de Jesu, go ramu tamuna rove, era qaki soba ze kaega kaki pata sakata de ikoego valeke dena.”

Zazu Ria Apostoloro 2:23

Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne.

Zazu Ria Apostoloro 7:52

Avigo i ko kaki propeta iriki vasasakata ne kaega vanovano bana ramu? Iri vae vale qira vano palapala seko ia God, ṉalu iri tarama ne lama na kameka Tuna, mana ninidena ramu to qamu vabesa ne mana vae valeiago.