Tarama Velaka Ia Jesu Kristo I Karo Go Jon 17:6 - Vato Vari Vakameka Voru Ia Batu Ne

⁶ Qo teke nava kakiaro basoero na vudu pua dena, qava rove qirae avana to qo gere go aro. Basoero nae iri ke aro, do qo teke nava era, mana iri vaogote vari vatatana aro go.

Tarama Velaka Ia Jesu Kristo I Karo Go Jon 17:6 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 12:28

Mamae, vasadaka me karaputa mazala na vitoṉomu!” Gonae kameka ovaṉa i reqe me rani ne igo, “Qa vasadaka bana karaputa mazala na vitoṉoqu, mana tuna vasadaka napua go.”

Tarama Velaka Ia Jesu Kristo I Karo Go Jon 15:19

Ṉalu tamu basoe na kolabana pua dena, ria tarina mamaligara ne qamu, tanego qamu basoe na pua dena. Do era qa vine bana qamu go, mana qamuki ke ia kaega kolabana pua dena go, iato go basoero na kolabana pua dena iriki soko qamu go kaega.

Tarama Velaka Ia Jesu Kristo I Karo Go Jon 15:3

Ramu qamu dalo banae vari vatatana qa teke bana ne qamu go. Ka paqara iki soma go kaega moki na vino ne i makuru tina ure go. Igo napu so de, ṉalu qamuki ko vanadue kaega de qa koego era, imakuru qamu tamuna ureure go.

Tarama Velaka Ia Jesu Kristo I Karo Go Jon 15:7

Ṉalu qamu ko vanadue de qa koego era, mana seko ro era i ko vanadue de qamu koego, qamu mazala so pene na kaki pata qamu soko go, mana Mamae tina teke ne qamu so.

Tarama Velaka Ia Jesu Kristo I Karo Go Jon 17:12

Torana qa kotavisi qira go, qa bara ne qirae karaputa na vitoṉomu, iato vitoṉo qo teke nava go, qa miasoka velaka qira iato go kakia iki rore kaega. Do kameka i rore go ne, tina rore bana so, go tina va voto go seko i sine bana go Buka tabo ne.

Tarama Velaka Ia Jesu Kristo I Karo Go Jon 17:14

Qa teke ne qira seko ro aro, do basoero na vudu pua dena iriki soko qira kaega. Tanego iriki keana kaega vudu pua dena. Gerena era qaki keana kaega vudu pua dena.

Tarama Velaka Ia Jesu Kristo I Karo Go Jon 17:16

Gerena era qaki keana kaega vudu pua dena, ria do iri go napu so.

Tarama Velaka Ia Jesu Kristo I Karo Go Jon 17:2

Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Tarama Velaka Ia Jesu Kristo I Karo Go Jon 17:26

Qa vatatana bana qira go tarina rove go aro, mana tuniki noto ne kaega vatatana qira go, iato zuka dena to, ria tarina mamaligara ne qira kerone basoero gerena aro qo mamaligara nava era mana era tuna koe de iri koego.”

Tarama Velaka Ia Jesu Kristo I Karo Go Jon 17:7

Mana ninidena iri rove to, osina pata qo teke nava go era ne, i reqe meso deqo koego aro.

Tarama Velaka Ia Jesu Kristo I Karo Go Jon 18:9

Jesu i sine seko ro dena, go sekoro i sine bana go, tina lama sadaka ogoto go, igo, “Mamae, basoero qo teke nava go kaega kakia qava rore go.”

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:39

Mana pata i soko go Mamae ne, era na miasoka vavelake, niki go varore kakia basoero i teke bana nava go. Do ṉalu musaqara muzimuzi era tuna va too qira.

Tarama Velaka Ia Jesu Kristo I Karo Go Jon 8:51

Ma sine ne qamu pata ogoto, ka basoe i vaogote mana i lulua vari vatatana ro era, tiniki le kaega.”

Tarama Velaka Ia Jesu Kristo I Karo Go Jon 8:52

Vano Jiu ne iri vane de ia, “Ninidena to qiara lete rove, aro i ko ogoto banae to manuru tokamamu, tanego Abra-am ile, mana propetaro iri le, do aro qo go, ka basoe i vaogote mana lulua vari vatatana aro, tiniki le kaega.

Zazu Ria Apostoloro 13:48

Ṉalu vano iriki Jiu go kaega iri gata go sekoro dena, iri lete kula, mana iri seko velake God sauna Tarama Velaka dena. Mana ria iri tavine bana ego pala go too gado kutona i kaega, iri vaogote toiago.

Leta Ia Pol I Karo Ne Qira Basoero Na Rom 11:2

God iki vana ne qira kaega basoero ia i vine bana me qira go kokoso name. Ramu qamu rove pata i sine go Buka tabo de ni sine ze go seko ia Ilaiza i vasadake go keburo ia vano Izirel.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Kolosia 3:16

Topu vavagado velaka ikoego Tarama Velaka ia Kristo, muna soti ze puṉuqamu. Vari vatatana mana vari vagata ne osina to tarove ia. Vazaka ze God nanao qamu, vae ne kera na Buka tabo, kera lotu i reqeme de ikoego Spirit tabo mana seko velaka ne God loborona puṉuqamu.

Karua Timoti 1:13

Ono pala taru vanadua seko ogoto ga vatatana bana ge go, i vapadapada na go tono lulua go vari vatatana na too qo vae go. Ono vanadue vaogoto mana mamaligara ni ke ita loborona vari vakameka ita de ikoego Jesu Kristo.

Iburu 2:12

I sine ne God, “Tuna sine ne qira ria qi tamakena ro pataro qo zazu ne go aro. Era tuna vazaka go aro, ṉalu timuna teṉo ne vazaka.”

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Kameka Pita 1:1

Era Pita qa apostolo ia Jesu Kristo. Qa karo ne qamu ramu basoero ia God qamu repe go osina dia, gere qira basoero kakavata tepa kena Pontus, Qalesia, Kapodosia, Esia mana Bitinia.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Revaleson 2:13

Era qa rove, ramu qamu koe loborona vari miasoka ia Satana, do ramu, qamu ara pala taru vanadua so vitoṉoqu era, mana qamuki vana ne kaega vaogoto ramu de qa koego era go, patavolomo iri vae vale go Antipasi vasadake go too mana vatovato velaka ia, tanego i vaogoto ava era.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 3:8

Era qa rove pataro qamu zazu nego, mana qa rove karaputa ramu i suka so, do qamu lulua vari vatatana era mana qamu osaka nava go. Iago siporaṉa ne era qa papaqa ne qamu to, i kaega to ka basoe tina kokoqu ne qamu go.