Tarama Velaka Ia Jesu Kristo I Karo Go Jon 17:3 - Vato Vari Vakameka Voru Ia Batu Ne

³ Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 17:3 ပူးပေါင်းရင်းမြစ်များ

Maka 9:37

“Ka basoe iva velaka ne go sale suka ro iri gogo dena loborona vitoṉoqu era i velaka nava to era go. Mana ka basoe iva velavelaka nava era, iva velavelaka napu neso ia i turi nava go era.”

Luka 9:48

Mana i sine ne qira, “Ka basoe iva velaka ne sale suka dena loborona vitoṉo qu era, ia iva velaka nava era, mana ka basoe iva velaka nava era, iva velaka napu neso ia ni turi nava go era. Tanego ia i lete sukae to de qamu koego ramu, iato i lete mazala sivala ne qamu go.”

Tarama Velaka Ia Jesu Kristo I Karo Go Jon 10:36

Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God?

Tarama Velaka Ia Jesu Kristo I Karo Go Jon 11:42

Era qa rove, osina ṉalu aro qo gata pene ro era, do qa sine iadena, go basoero iri degere go dena tarina vaogote aro qo turi nava go era.”

Tarama Velaka Ia Jesu Kristo I Karo Go Jon 14:26

Spirit tabo, i basoe vari vatatavisi, Mamae tina turine me ia loborona vitoṉoqu era, tina vatatana qamue osina pata, mana tina vananaotaru qamu e osina pata qa sine bana ne qamu go.

Tarama Velaka Ia Jesu Kristo I Karo Go Jon 17:18

Era qa turi vazao qirae kolabana pua ne, gerena so aro, qo turi navae go era kolabana pua ne.

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.

Tarama Velaka Ia Jesu Kristo I Karo Go Jon 17:23

Era qa ko tavisi qira, mana aro qo ko tavisi ava era, go ria tarina kameka go. Iato zuka dena to, go basoero na kolabana pua de tarina rove aro to qo turi nava era, mana qo mamaligara ne qira, gerena aro qo mamaligara nava go era.

Tarama Velaka Ia Jesu Kristo I Karo Go Jon 17:25

Mamae qo lete totoloṉo! Basoero na vudu pua dena iriki rove go kaega, do era qa rove go aro qo turi nava qo era.

Tarama Velaka Ia Jesu Kristo I Karo Go Jon 17:8

Pataro qo sine nava go, qa sine lupo ne qira to, mana iri vaogote to go, iri rove era qa koe mana qa reqe de qo koego aro, mana iri vaogote aro qo turi nava go era.

Tarama Velaka Ia Jesu Kristo I Karo Go Jon 3:17

God ki turi navae era kaega, go tuna lama zazu ze vivine era sauna valepulepu qira basoero na vudu pua dena, do ituri nava era go tuna vakavele qira, go basoero na vudu pua dena.

Tarama Velaka Ia Jesu Kristo I Karo Go Jon 3:34

Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia.

Tarama Velaka Ia Jesu Kristo I Karo Go Jon 5:44

Ramu qamu soko basoero ne tarina vazakazaka qamu, ba de i koego God, ramu qamuki nanao kaega zazu ne na kaki pata, go God mara mia vazakazaka qamu, igo nae iago, ramu i makuru bana so tamuna vaogoto ava go era.

Tarama Velaka Ia Jesu Kristo I Karo Go Jon 6:57

Mamae ni soso ne go too iki rove go kaega lupo, ia to i turi nava go era, mana era qa pala too tanego iato iteke nava go. I gere na napua so, ṉalu ka basoe i ge go tokamaqu era ne, ia tina pala too iki rove go kaega lupo, tanego era tuna teke ne ia.

Tarama Velaka Ia Jesu Kristo I Karo Go Jon 7:29

Era qa rove ia, tanego qa reqeme de ikoego ia, mana iato i turi nava go.”

Tarama Velaka Ia Jesu Kristo I Karo Go Jon 8:19

Iri tana ne ia, iri go, “Adi goe to Tamamu.” Jesu i vataule ne qira igo, “Ramu qamuki rove ava kaega era, mana qamuki rove napu so kaega Mamae, go ṉalu go tamu rove ava era, qamu tamu rove napua so Mamae go.”

Kameka Korinti 15:34

Muna vatotoloṉe nanao qamu, mana mamanava luluna zuka na vasakata pata. Kakia ro ramu qamuki rove kaega God, qa sine iadena, go ramu tamuna agava ne.

Kameka Korinti 8:4

Iago sauna ge na pata gege iri komakoma ne qirae beku ro, ita qata rove beku ro i kaega ne qira karaputa, iri beku volomo so, ita qata rove iko kameka so God.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Pilipae 3:10

Pata qa soko go era, rove na mana nanao rove na de go karaputa na too napu ia Jesu tepa le ne. Ma kena tavise vokara ia, mana ma gere ia i le go.

Pilipae 3:8

Iki pata nae so kaega, do osina to pataro qa zazu bana nego, qa vana lupo neto, go tuna toṉove go pata ni lete lavata sivala go volina, iato tarove ia Jesu Kristo Batu era. I sauna ia, era qa vana lupo ne osina pata qa nanao iki tora to kaega babanane na, iago qa nanao va gere ze uzaka osina pata, go era qa mazala pala na Kristo.

Kameka Tesalonika 1:9

Tanego basoero dena iri sine lupo bana so ria osina pata i sadake go, ṉalu remu qimu lama tove qamu go ramu mana de igogo qamu vana ne go vazaka na beku ro ne mana qamu lama basoe zazu ia God, i too osina ṉalu topu ro ne.

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Karua Pita 1:2

Go Mana mana bule mara koe de qamu koe ramu, loborona rove velaka ramu de ikoego God, mana Jesu Kristo Batu ita.

Karua Pita 1:3

Loborona karaputa ia God, Kristo i teke ne qita osina pataro i tora go too ita, go tatana lulua go totoloṉo ia God. Loborona rove ita de i koe Jesu Kristo, ia i koru bana qita go tatana pala tavise go menomeno na karaputa mana totoloṉo iago.

Karua Pita 1:8

Ṉalu too igogo nae i koe loborona too ramu, mana i zaza popoka gogo ne, ramu tamuna lete velaka sivala. Mana too ramu tina ko ure velaka na go, tanego qamu rove velake Jesu Kristo i Batu ita.

Kameka Jon 1:2

Ṉalu too dena i sadaka me vudu pua, remu qimu mia ogote to, mana qimu tarama neto go. Iago qimu sine zatue de qamu koego ramu sauna too i kaega valupolopona. Iko banae so de ikoego God Tamaqita, mana ninidena i lama sadake to de qimu koego remu.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 2:23

Basoe i sila go Tuna God i sila napu to God Tamana go. Do basoe i vaogote go tuna God ivaogoto napua to God Tamana.

Kameka Jon 4:6

Do ita qata keia God. Basoe i rove go God, i gata mana i toqe ne, pataro qata sine go ita. Do basoe iki keia go kaega God, iki gata kaega ia tane pataro qata sine go ita. Iato nae to pata iru vari kakavatae ne go Spirit tabo ogoto mana Spirit ia vudu pua dena ni poqe go.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.