Tarama Velaka Ia Jesu Kristo I Karo Go Jon 17:25 - Vato Vari Vakameka Voru Ia Batu Ne

²⁵ Mamae qo lete totoloṉo! Basoero na vudu pua dena iriki rove go kaega, do era qa rove go aro qo turi nava qo era.

Tarama Velaka Ia Jesu Kristo I Karo Go Jon 17:25 ပူးပေါင်းရင်းမြစ်များ

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Matiu 16:16

Saimon Pita i vataule, “Aro qo Kristo, qo Tuna go God i too sivala go.”

Luka 10:22

Jesu igo napu dena, “Mamae i teke lupo bana nava era osina pataro. Kaega ka basoe i rove go Tuna, do tanuna so Tamana, mana kaega ka basoe i rove go Tamana, do tanuna so Tuna mana ria qa vine napu qira era, tina va rove girae go.”

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 15:21

Basoero ne tarina zazu ne pataro nae de qamu koego, tanego i sauqu era, tanego iriki rove kaega Mamae ni turi nava go era.

Tarama Velaka Ia Jesu Kristo I Karo Go Jon 16:27

tanego tanuna Mamae i mamaligara ne qamu. I mamaligara ne qamu ramu, tanego qamu mamaligara nava era, mana qamu vaogote era qa reqe me de ikoego God go.

Tarama Velaka Ia Jesu Kristo I Karo Go Jon 16:3

Basoero ne tarina zazu ne pataro dena, de qamu koego ramu, tanego iriki rove kaega Mamae mana iriki rove ava kaega era go.

Tarama Velaka Ia Jesu Kristo I Karo Go Jon 16:30

Remu qi rove to, aro qo rove osina pata, ka basoe i kone tana do aro qo mazala so sine lukasa kenaqa nena ia, go tinara tana go basoe nae. Ianae to go, remu qi vaogote aro qo reqe me de ikoego God.”

Tarama Velaka Ia Jesu Kristo I Karo Go Jon 17:11

Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Tarama Velaka Ia Jesu Kristo I Karo Go Jon 17:18

Era qa turi vazao qirae kolabana pua ne, gerena so aro, qo turi navae go era kolabana pua ne.

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.

Tarama Velaka Ia Jesu Kristo I Karo Go Jon 17:23

Era qa ko tavisi qira, mana aro qo ko tavisi ava era, go ria tarina kameka go. Iato zuka dena to, go basoero na kolabana pua de tarina rove aro to qo turi nava era, mana qo mamaligara ne qira, gerena aro qo mamaligara nava go era.

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 17:8

Pataro qo sine nava go, qa sine lupo ne qira to, mana iri vaogote to go, iri rove era qa koe mana qa reqe de qo koego aro, mana iri vaogote aro qo turi nava go era.

Tarama Velaka Ia Jesu Kristo I Karo Go Jon 3:17

God ki turi navae era kaega, go tuna lama zazu ze vivine era sauna valepulepu qira basoero na vudu pua dena, do ituri nava era go tuna vakavele qira, go basoero na vudu pua dena.

Tarama Velaka Ia Jesu Kristo I Karo Go Jon 6:19

Disipoloro ne iri valua torana kalima ba kaonomo kilomita, ṉalu iri mia zaqe Jesu i goe me popokona loka ne, iri lete sareki.

Tarama Velaka Ia Jesu Kristo I Karo Go Jon 7:29

Era qa rove ia, tanego qa reqeme de ikoego ia, mana iato i turi nava go.”

Tarama Velaka Ia Jesu Kristo I Karo Go Jon 8:19

Iri tana ne ia, iri go, “Adi goe to Tamamu.” Jesu i vataule ne qira igo, “Ramu qamuki rove ava kaega era, mana qamuki rove napu so kaega Mamae, go ṉalu go tamu rove ava era, qamu tamu rove napua so Mamae go.”

Tarama Velaka Ia Jesu Kristo I Karo Go Jon 8:55

Ramu qamuki rove kaega ia, do era qa rove ia, ṉalu go tu sine qaki rove kaega ia, era tu gere to poqepoqe qamu ramu. Do era qa rove ia, mana qa vaogote seko ro iago.

Zazu Ria Apostoloro 17:23

Ṉalu era qa zaza goe loborona komala ramu, qa mia de qamu varerego mana qa soba ze kameka sara i karoe seko dena, “De ikoego kameka god qatiki rove go kaega.” Iato God qamu vazaka go, qamuki rove go kaega nae iato qa sine vasadaka ne qamu go era ninidena.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Leta Ia Pol I Karo Ne Qira Basoero Na Rom 3:11

I kaega ka basoe i nanao rove go pata i totoloṉo go. Mana i kaega ka basoe i taqia go mara lama ko garogaroe go de ikoego God.

Leta Ia Pol I Karo Ne Qira Basoero Na Rom 3:26

Do ṉalu ninidena ia i toere to vasakata pata ria vano basoe, go mara vasadake totoloṉo ia igo. Zuka dena God i vasadake tanuna i totoloṉo mana i vatotoloṉo napu basoe iri vaogote go Jesu Kristo de ikoego tanuna.

Kameka Korinti 1:21

God i lulua tarove ia tanuna, mana i makuru sakata qira basoero tarina rove velake God loborona nanao qira. Do God i soko vazazu na seko ia, qata tarama ne go, go tina vakavele qira basoero iri vaogote go tanuna. I zazu ne iadena patavolomo kakiaro basoero iri nanao seko ro dena i patavolomo.

Kameka Korinti 15:34

Muna vatotoloṉe nanao qamu, mana mamanava luluna zuka na vasakata pata. Kakia ro ramu qamuki rove kaega God, qa sine iadena, go ramu tamuna agava ne.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Iburu 8:11

Kaega ka basoe tina mazala go vatatana na basoe na vudu ia, ba sine ne basoe na komala ia, ‘Ono rove Batu ne.’ Tanego reqe me, basoero iriki mazala go kaega mana za dokae basoero iri lete mazala sivala go, osiqira tarina rove ava era.

Kameka Jon 1:9

Do ṉalu qata vasadaka ze de ikoego God vasakata pata ita, ia tina vaogote pui ia, mana tina zazu ne pata totoloṉo. Ia tina nanao ule ne vasakata pataro ita mana vadalo osina keburo qata zazu nego.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 16:5

Gonae qa gata zaqe aqelo ni miasoka go besi ro ne, igo dena, “God, aro qo lete tabo sivala, qo ko bana me, mana qo ko taru ninidena go, kimata ro qo valame go ne itotoloṉo lupo so.