Tarama Velaka Ia Jesu Kristo I Karo Go Jon 17:24 - Vato Vari Vakameka Voru Ia Batu Ne

²⁴ Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Tarama Velaka Ia Jesu Kristo I Karo Go Jon 17:24 ပူးပေါင်းရင်းမြစ်များ

Matiu 25:21

Batu ia igo, ‘Velaka sivala, aro qo valeke zazu velaka, qo miasoka velake zazu suka dena, iago tuna va miasoka zigoe topuna pataro, lama mana kula tavisi ava era go!’

Matiu 25:23

Batu ne igo, ‘Velaka sivala, aro qo valeke zazu velaka, qo miasoka velake zazu suka dena, iago tuna va miasoka zigoe topuna ro pata. Lama mana kula tavisi ava era go!’

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 26:29

Masine ne qamu, tuniki ara besia napua kaega vino dena, go na doka so musaqara, ṉalu tuna ge tavisi qamue ramu vino voru loborona Too ikoego vari miasoka ia God.”

Luka 12:37

Vano zazu ne iri lete kula ṉalu batu ria i lama mia qira go, iri dogara mana vanama taru ne ule na ia. Ma sine ne qamu pata ogoto, ia tina ozuke roku ia mana va koloku qira ria mana tina zazu ne qira.

Luka 23:43

Jesu i sine ne valeke ne, “Masine nigo pata ogoto, ninidena aro tono ko tavisi ve era Paradiso.”

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 12:26

Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Tarama Velaka Ia Jesu Kristo I Karo Go Jon 14:3

Taramuzina tuna za vanama lupo ne qamu de gogo ne, era tuna ule me mana lama lulu qamu, go tamuna garetu koego de qa reqe mego.

Tarama Velaka Ia Jesu Kristo I Karo Go Jon 15:9

Qa mamaligara ne qamu, gere na so Mamae i mamaligara nava era, iago ko vanadue loborona mamaligara era.

Tarama Velaka Ia Jesu Kristo I Karo Go Jon 17:2

Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 17:22

Karaputa mazala qo teke nava go, era qa teke napu qira to ria de, qa teke ne qira, go tarina kameka gere na ituru qaturu kameka go.

Tarama Velaka Ia Jesu Kristo I Karo Go Jon 17:5

Mamae, ninidena qa soko mo vasadake karaputa mazala era, i ko nava go torana qa kotavisi go, ara kaebo zari i vaego kolabana pua dena.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 6:39

Mana pata i soko go Mamae ne, era na miasoka vavelake, niki go varore kakia basoero i teke bana nava go. Do ṉalu musaqara muzimuzi era tuna va too qira.

Tarama Velaka Ia Jesu Kristo I Karo Go Jon 8:58

Jesu i sine ne qira, “Tarakenaqana Abra-am iara podo go, ‘Era To Qa Basoe Qa Ko Osina Ṉalu.’ ”

Kameka Korinti 13:12

Ninidena ita qata rove so desuka de igogo God, i gere so qata reṉa e sirosiro iki lete sadaka vavelaka go kaega, do ṉalu tinara lama go, tatana mia osina pata totoloṉo de koe matana God, ṉalu nae to ita tatana ra rove go osina ro pata, gere God i rove go osina de qata gogo ita.

Karua Korinti 3:18

Iago ita osiqita, i kuziki lupo sapu na tarakenaqa qita, qata tabali go za de iri koego basoero na tatavata menomeno ia Batu ne, iato Spirit tabo i itana va gere qitae tanuna mana karaputa mazala ia i podo popoka osina ṉalu.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Karua Korinti 5:8

Ita i ko ne qita karaputa mana qata lete soko tatana kasi ne pade ikoego tokama qita mana tatana za koe pade ia Batu ne.

Pilipae 1:23

Era qaki rove kaega ade ke tuna lulua go, do era qa lete soko, ma kasi ne too dena mana ma ko tavise Kristo, iato i pata velaka sivala go.

Kameka Tesalonika 4:17

Taramuzina nae, ita qata too go, mana ria iri le bana gogo ne, God tina kameka teṉo qitae osiqita zakazaka na toba ne, nae to tatana soba ze go ita Batu ne. De go tatana ko tavisi ze go ia osina ṉalu topu ne.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.

Revaleson 21:22

Era qaki mia ze kaega Pade Lotu loborona komala lavata dena. Tanego God Batu ne i moqere sivala mana Tunana Sipi ne iru ko taru ego, iago riru to iru Pade Lotu na.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.