Tarama Velaka Ia Jesu Kristo I Karo Go Jon 17:23 - Vato Vari Vakameka Voru Ia Batu Ne

²³ Era qa ko tavisi qira, mana aro qo ko tavisi ava era, go ria tarina kameka go. Iato zuka dena to, go basoero na kolabana pua de tarina rove aro to qo turi nava era, mana qo mamaligara ne qira, gerena aro qo mamaligara nava go era.

Tarama Velaka Ia Jesu Kristo I Karo Go Jon 17:23 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 10:38

Do ṉalu qa zazu neso era kameka patana so i zazu ne go Mamae, ramu muna vaogote pataro qa zazu ne go era. Ṉalu qamuki vaogoto ava kaega era, do muna vaogote pataro qa zazu ne go. Nae ne qamu mazala to rove na Mamae i koe loboroqu era, mana era qa koe loborona Mamae go.”

Tarama Velaka Ia Jesu Kristo I Karo Go Jon 13:35

Ṉalu qamu vari mamaligarae go, basoero ne tarina mia rove, ramu qamu disipoloro era.”

Tarama Velaka Ia Jesu Kristo I Karo Go Jon 14:10

Avigo qoki vaogote so kaega, era qa koe loborona Mamae mana Mamae i koe loboroqu era go? Sekoro qa seseko ne go era, iki reqe kaega nanao era tanuqu, do mamae ikoego loboroqu era izazu ne go pata i soko go.

Tarama Velaka Ia Jesu Kristo I Karo Go Jon 14:23

Jesu ivataule, igo, “Basoe i mamaligara nava go era, tina lulua vari vatatana era. Mamae tina mamaligara ne ia, mana raru Mamae taruna lamae de ikoego ia mana koe loborona iago.

Tarama Velaka Ia Jesu Kristo I Karo Go Jon 15:9

Qa mamaligara ne qamu, gere na so Mamae i mamaligara nava era, iago ko vanadue loborona mamaligara era.

Tarama Velaka Ia Jesu Kristo I Karo Go Jon 16:27

tanego tanuna Mamae i mamaligara ne qamu. I mamaligara ne qamu ramu, tanego qamu mamaligara nava era, mana qamu vaogote era qa reqe me de ikoego God go.

Tarama Velaka Ia Jesu Kristo I Karo Go Jon 17:11

Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Tarama Velaka Ia Jesu Kristo I Karo Go Jon 17:26

Qa vatatana bana qira go tarina rove go aro, mana tuniki noto ne kaega vatatana qira go, iato zuka dena to, ria tarina mamaligara ne qira kerone basoero gerena aro qo mamaligara nava era mana era tuna koe de iri koego.”

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 17:8

Pataro qo sine nava go, qa sine lupo ne qira to, mana iri vaogote to go, iri rove era qa koe mana qa reqe de qo koego aro, mana iri vaogote aro qo turi nava go era.

Tarama Velaka Ia Jesu Kristo I Karo Go Jon 3:17

God ki turi navae era kaega, go tuna lama zazu ze vivine era sauna valepulepu qira basoero na vudu pua dena, do ituri nava era go tuna vakavele qira, go basoero na vudu pua dena.

Tarama Velaka Ia Jesu Kristo I Karo Go Jon 6:56

Ka basoe i ge tokamaqu mana besia parasaqu, basoe ne i koe loboro qu era, mana era qa koe loborona iago.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Pilipae 3:15

Osiqita ita i kazigarata go too na madau qita, mata pada ne pala na kameka nanao. Do ṉalu kakiaro ramu qamu pala go nanao kakavata, God tina va tatavata ne qamu.

Kolosia 1:28

Iago qi tarama ne de go Kristo de iri koego basoero ne. Osina tarove qi mazala go, qi vabanabana qira mana vatatana qira, go osiqira tarina lama e tarakenaqana God, go tarina pala go too kazigarata loborona vari va kameka de koe Kristo.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kolosia 3:14

Mana de go zazu na osina pataro dena muna vasadake mamaligara, iato i qolo vari palu ne qira, mana vakameka velaka ne qira osina pataro dena go.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 3:1

Mia de igogo mamaligara ia God Tamaqita de qata koego ita. Mamaligara ia i lete lavata sivala, go i koru qitae ita qata salero ia God. Do vano na vudu pua dena iriki rove bana so kaega God, iato nae tanego iriki rove napu qita go kaega ita go.

Kameka Jon 4:19

Ita mata vari mamaligarae, tanego God i mamaligara kenaqa ne qita go.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.