Tarama Velaka Ia Jesu Kristo I Karo Go Jon 17:22 - Vato Vari Vakameka Voru Ia Batu Ne

²² Karaputa mazala qo teke nava go, era qa teke napu qira to ria de, qa teke ne qira, go tarina kameka gere na ituru qaturu kameka go.

Tarama Velaka Ia Jesu Kristo I Karo Go Jon 17:22 ပူးပေါင်းရင်းမြစ်များ

Maka 6:7

Jesu i koru qira manoga karua disipoloro ia mana iva zazao tara tararua qirae nogotona komakomala ro, mana ivane qira dena, “Qa teke ne qamu karaputa go tamuna kakale qirae go manuru sakata ro ne.”

Luka 22:30

Ramu tamuna ṉaṉa mana besi tavisi e tevolo na vari miasoka era mana ramu tamuna koloku e de kolokoloku ria batu ro, mana tamuna kenaqa, ne qira manoga karua sinaqe na Izirel.”

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:16

Mana loborona nanao na, i purake kula ia de qata koego, osina ṉalu i teke ne qita manava ia.

Tarama Velaka Ia Jesu Kristo I Karo Go Jon 14:20

Tina doka go musaqara na ne, ramu tamuna rove era qa koe loborona Mamae mana ramu qamu koe loboroqu era, gere na era qa koe loboro qamu ramu.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Zazu Ria Apostoloro 5:41

Pasi ria apostoloro ne iri kasi ne qira vano pepeu ne, iri lete kula, tanego God i vine qira tarina pala kimata tanego i sauna zazu ia Jesu.

Leta Ia Pol I Karo Ne Qira Basoero Na Rom 8:30

Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Karua Korinti 3:18

Iago ita osiqita, i kuziki lupo sapu na tarakenaqa qita, qata tabali go za de iri koego basoero na tatavata menomeno ia Batu ne, iato Spirit tabo i itana va gere qitae tanuna mana karaputa mazala ia i podo popoka osina ṉalu.

Karua Korinti 5:20

Iago remu, qi seko ne Kristo, do tanuna God i vazazu qemu remu. Loborona vatovato ia Kristo remu qi pene gamu ramu basoero qamu kana bana ne God, muna vamao ne ia mara itane too ramu, go tamuna vakitaka ro ia.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Epesus 2:20

Ramu napu to go, qamu gere go pade izazu ne go God, mana ria to apostoloro mana propetaro ne to iri kutamana go. Tanuna to Kristo i turu maqana go pade ne.

Pilipae 1:29

Tanego God i teke bana ne qamu, ramu tamuna zazu ne zazu ia Kristo, iki sauna so kaega go qamu vaogote ia, do i palu zato makuru ro qamu soba go, tanego i sauna ia.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 3:24

Ka basoe ilulua go tamana ia God iko kamekae de ikoego God, mana God i ko kamekae de ikoego ia. Mana ita qata rove God itooe loboro qita, tanego ia iteke ne qita Spirit tabo ia.

Kameka Jon 4:17

Lavatana mamaligara ia God izazu ne totoloṉo de qata koego ita, gogo mara kaega ne qita sareki, do mata ko vanamanama, ne musaqara varitanae ia God. Tanego too ita vudu pua dena i gerena so too ia Kristo.

Revaleson 21:14

Bari na komala lavata ne, i vakutama ne manoga karua ipaka lavata. Manoga karua ipaka dena iri karo ze vitoṉo qira manoga karua apostoloro ia Tunana Sipi ne.