Tarama Velaka Ia Jesu Kristo I Karo Go Jon 17:11 - Vato Vari Vakameka Voru Ia Batu Ne

¹¹ Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Tarama Velaka Ia Jesu Kristo I Karo Go Jon 17:11 ပူးပေါင်းရင်းမြစ်များ

Matiu 10:16

Gonae Jesu i sine ne qira, “Muna gata, era qa turi vazao qamue ramu de iri koego basoero iri gere go sika piru ro, iago muna vazazua tarove ramu, mana muna ko padapada loborona ko ramu go.

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Matiu 6:9

Iago ṉalu qamu pene muna go dena, Tamaqemu qo koego rani, go vitoṉomu aro mara tabo sivala de koe basoero.

Tarama Velaka Ia Jesu Kristo I Karo Go Jon 13:1

Bakubaku na to tina musaqara kelo na Pasova ne. Gonae Jesu i rove ṉalu ia tina kasi nego kolabana pua dena, mana tina gado ule za de ikoego Tamana, i lama garogaro to. Jesu i mamaligara taru bana ne qira so basoero tavine ia, iri koego vudu pua dena, i mamaligara ne qira go za doka so ṉalu ia i le go.

Tarama Velaka Ia Jesu Kristo I Karo Go Jon 13:3

Jesu i rove, osina karaputa, Tamana iteke lupo ne ia, mana irove napua, tanuna ireqe me de ikoego God, mana tina ule napu za de ikoego God go.

Tarama Velaka Ia Jesu Kristo I Karo Go Jon 14:20

Tina doka go musaqara na ne, ramu tamuna rove era qa koe loborona Mamae mana ramu qamu koe loboroqu era, gere na era qa koe loboro qamu ramu.

Tarama Velaka Ia Jesu Kristo I Karo Go Jon 16:28

I ogoto era qa reqe me de koe Mamae, mana qa lamae kolabana pua dena, iago tuna kasi ne kolabana pua dena, mana ule za de i koego Mamae.”

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Tarama Velaka Ia Jesu Kristo I Karo Go Jon 17:23

Era qa ko tavisi qira, mana aro qo ko tavisi ava era, go ria tarina kameka go. Iato zuka dena to, go basoero na kolabana pua de tarina rove aro to qo turi nava era, mana qo mamaligara ne qira, gerena aro qo mamaligara nava go era.

Tarama Velaka Ia Jesu Kristo I Karo Go Jon 17:25

Mamae qo lete totoloṉo! Basoero na vudu pua dena iriki rove go kaega, do era qa rove go aro qo turi nava qo era.

Tarama Velaka Ia Jesu Kristo I Karo Go Jon 17:6

Qo teke nava kakiaro basoero na vudu pua dena, qava rove qirae avana to qo gere go aro. Basoero nae iri ke aro, do qo teke nava era, mana iri vaogote vari vatatana aro go.

Tarama Velaka Ia Jesu Kristo I Karo Go Jon 7:33

Jesu igo, “Ko tavisi tuna vae qamu go tiniki lete umata kaega, tanego era tuna ule za de ikoego ia i turi nava mego.

Zazu Ria Apostoloro 3:21

Ia tina koeso rani ne, go tina doka so ṉalu osina pata tina va vorua go, gerena so God ni sine bana ne qira go ria propeta tabo ro ia ṉalu bana ne.

Leta Ia Pol I Karo Ne Qira Basoero Na Rom 12:5

Gerena ianae, patavolomo ita qata basoe topu gonae, do ita qata gerena so kameka tokama, tanego qata lama kameka ego Kristo, iago lama kameka ita nae i gerena to topu na paqara ireqe go so kameka tokama.

Leta Ia Pol I Karo Ne Qira Basoero Na Rom 9:17

Tanego Buka tabo ne, God i sine ne Pero, “Era qa mao nigo aro tono batu lavata, mana sauna vatovato raro to go tinara za sadaka mego karaputa rera, mana go tarinara rove ava go era basoero na kolabana pua ne.”

Kameka Korinti 1:10

Loborona karaputa ia Batu ita Jesu Kristo, era qa pene qamu ramu vakitaka ro era, muna toqe ne pata qamu vari sine ne, go tina kaega go vari vatavotae loboro qamu. Ko vari vakameka ogoto, kameka nanao, mana kameka vato go.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Pilipae 2:9

Tanego sauna to iadena, God i pala va popoka zaqe ia zakazaka ne, mana i teke ne ia vitoṉo, i sivala ne osina vitoṉoro.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 9:24

Kristo iki keba za kaega kova tabo, i zazu ne go basoe i vapadapada zego ke ogoto ne. Do Jesu i keba za rani tanuna, de go ninidena i sadake tarakenaqa na God sauqita ita.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.

Kameka Pita 1:5

Pataro dena, i sauqamu ramu loborona vaogoto ramu de ikoego God, karaputa ia sauna vari va kavele i vanama ne qamu tina vasadaka me ṉalu muzimuzi.

Kameka Jon 3:12

Iago ita mata kasi gerena Keni i sale iago Satana, go ni vaevale napua go kaena ogoto Ebolo. Iago avigo tane Keni i vae vale go kaena? Tanego vatovato ia i zazu ne go i sakata iki totoloṉo kaega, do vatovato ia kaena i totoloṉo.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Judi 1:24

God i lete karaputa mazala sivala go, i mazala va noto qamue tepa ia vasakata pata mana i vadalo qamue tarakenaqana tanuna, mana i teke ne qamu kulakula go.

Revaleson 15:4

Iago Batue akena to tina sareki nego vazakana vitoṉomu aro na? Mana akena to tina kasia go sine vasadake na mazala ro aro na? Osina basoero na vudu pua tarina lama mana vazaka vitoṉomu aro tanego tanumu so aro qo lete tabo sivala, tanego qo vasadaka bana too velaka ro aro, i lete totoloṉo sivala go.”

Revaleson 19:12

Matana i gere lome na nako ne, mana i topu topatopa ikoego kuzuku na. Vitono i karo ego kuzukuna ne, i kaega to ka basoe i rove go, do tanuna so i rove go.

Revaleson 4:8

Nogoto qira kavasi pata qaraqara ro dena, i zari kaonomo babalakuru qira, mana mata qira i kakabu lupoe so osina dia tokama qira. Musaqara mana kuse iri kera taru so mana iriki mamanava kaega. Kera iri kera nego, igo dena, “Tabo, tabo, tabo ikoego God Batu ita i moqere sivala go. Ia i ko bana meso, i ko ninidena mana tinara za lama napu go.”