Tarama Velaka Ia Jesu Kristo I Karo Go Jon 16:33 - Vato Vari Vakameka Voru Ia Batu Ne

³³ Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Tarama Velaka Ia Jesu Kristo I Karo Go Jon 16:33 ပူးပေါင်းရင်းမြစ်များ

Matiu 9:2

Kakia ro basoero iri pala me dekoe Jesu kaki valeke i makure vizu tokamana mana valeke ne i kekele so vesu ia. Jesu i mia dego vaogoto ria gonae i sine ne valeke i makuru go vizu na tokamana, “Kula, sale era, vasakata pataro aro iri talupasa.”

Luka 19:38

“God ono vatabo Batu lavata ni lamae go loborona vitoṉo mu, Dalo ina koe rani ne, mana ita mata vazaka God.”

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 14:1

Jesu i sine ne qira disipoloro ia, “Kasi va pela na nanao qamu, vaogote God, mana vaogoto ava era go.

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Tarama Velaka Ia Jesu Kristo I Karo Go Jon 16:11

Mana iri kebue dego akena tina zazu ne ze vivine ia God, tanego God i zazu bana ze vivine ia de ikoego Satana ni kenaqa ne go kolabana pua dena.

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Zazu Ria Apostoloro 23:11

Kuse na nae Batu Jesu i degere tavise Pol mana i vane dena, “Ono karaputa oniki sareki! Aro qo degere bana nava era komala Jerusalema dena mana ono zazu go napu so nae tepa komala Rom go.”

Zazu Ria Apostoloro 27:22

Do ninidena qa pene qamu kasi sareki mana vakaraputa nanao qamu. Kaega kaki kameka basoe tina le go, do koluka ne so tina vana go.

Zazu Ria Apostoloro 27:25

Iago ramu vakitaka ro era muna karaputa, tanego era qa ruqe God tina vaogote pata i sine nava go.

Zazu Ria Apostoloro 9:31

Pasi nae to ia eklesia ikoe go osina dia kolabana Judia, Qalili mana Samaria iri koe bule desuka. Loborona tavisi ia Spirit tabo eklesia ikaraputa, mana i zaza popoka. Topuna basoero iri vaogote go Kristo mana osiqira iri vazaka God.

Karua Korinti 1:3

Mata seko velaka ne God, ia i God mana i Tamana Batu ita Jesu Kristo, i God na varinanao, God i reqe me osina tavisi ro.

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Karua Korinti 2:14

Do remu qi seko velake ne God, tanego loborona vari vakameka ia de ikoego Kristo, God i kenaqa ne qita ita loborona bara ia Kristo, ṉalu ia i va pela go karaputa ia Satana mana vasakata pata. God i vazazu qemu go timuna vasadaka ze osina dia tarove ia Kristo gerena kaki pata i lete nonoli meno go.

Karua Korinti 4:7

Ba remu, qi pala go vavagado ogoto de ikoego Spirit qi gere so sereke pua ne, go timuna vasadake karaputa ogoto ia God, iki tanuqemu kaega.

Karua Korinti 6:4

Iago, osina pataro qi zazu nego, qi vamia qamue ramu, remu qi vano zazu ia so God, qi soba ze vari vamomotoṉo ia, ṉalu na makuru ro, pada ro mana ṉalu qi riro go.

Karua Korinti 7:4

Era qalete ruruqe qamu ramu, qa lete kula ne qamu, loborona topuna pata makuru ro qi soba go, era iara ko nava karaputa mana qara lete kula so.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Pilipae 4:7

Mana bule ia God i lete laqalaqa ne go nanao rove ita vano basoe, tina vanadua puṉuqamu mana nanaoqamu, loborona vari vakamekae de ikoego Jesu Kristo.

Kolosia 1:20

De ikoe Tuna, God i nanao tina pala vaule ze kolabana pua loborona le ia Jesu koluse ne. God i va bule napu ze de ikoe tanuna, de iri koego basoero topu, mana iva kameka napu ne tanuna osina pata, basoe mana osina pataro na rani mana pua go.

Kameka Tesalonika 3:4

Tanego ṉalu remu qimu ko tavisi qamu go, qimu sine bana ne qamu, ita tatana soba makuru de iri koego basoe ro ne, muna rove, pataro dena tina sadaka ogoto me.

Kameka Tesalonika 3:7

Iago turaquro, osina makuru mana vokara ikoego de qi koego remu, i lama vatalasara qemu to Tarama Velaka na vaogoto raramu.

Karua Tesalonika 3:16

Qa pene Batu ita, tanuna i kutama ne go bule mara teke ne qamu bule osina ṉalu, loborona topu na zukazuka ro go. Batu ne mara kotavisi qamu osiqamu.

Karua Timoti 3:12

Basoero iri soko go luluna vatovato ia God, loborona too ria de ikoego varivakameka ia Jesu Kristo, basoero nae tarina vasasakata ne qira,

Iburu 11:25

Ia i nanao tina kimata tavisi qira basoero ia God, tanego iki soko kaega ko kula ena vasakata pata, ko kula nae iki umata so kaega.

Iburu 7:2

gonae Abra-am i teke ne ia vamanoga na osina pata ro i za pala ze go varitara ne. Talupasa na vitoṉo Melkizadek, igo de, “Batu lavata na zazu totoloṉo,” tanego i batu lavata na Salem, vitoṉona i talupasa napua so, “Batu lavata na bule.”

Kameka Pita 5:9

Iago, muna vanadua vaogoto ramu go tamuna vanoto go ia. Tanego ramu qamu rove turaqamu ro iri koego osina dia vudu pua, iri lulu bana go Kristo, iri soba napua so vokara qamu pala go nae.

Kameka Jon 2:13

Qa karo ne qamu kazigarataro tanego qamu rove bana ia iko bana mego tarakenaqana go iara vazariago vudu pua. Qa karo ne qamu vano voru, tanego qamu vaqoqoro bana vatovato sakata ia Satana.

Kameka Jon 4:4

Do ramu turaquro qamu keia God mana qamu vaqoqoro bana qira ramu tane propeta poqepoqe ro nae, tanego Spirit tabo i koe go de qamu koe i karaputa sivala ne qira, kana ro ia Kristo iri keia go vudu pua de.

Kameka Jon 5:4

Tanego osiqita salero ia God qata mazala to vaqoqore na vatovato na vudu pua dena. Loborona to vaogoto ita qata mazala go vaqoqoro zena.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.