Tarama Velaka Ia Jesu Kristo I Karo Go Jon 16:32 - Vato Vari Vakameka Voru Ia Batu Ne

³² Ṉalu, i lama doka bana to, osiqamu tamuna kasi nava era mana repe lupoe komakomalaro ro ramu, do era ne, tuniki ko miki kaega, tanego Mamae iko tavisi ava.

Tarama Velaka Ia Jesu Kristo I Karo Go Jon 16:32 ပူးပေါင်းရင်းမြစ်များ

Matiu 26:31

Gonae Jesu i sine ne qira, “Kuse ninidena so osiqamu tamuna paqa kasi lupo nava era, tanego Buka tabo ne i sine bana, ‘Era tuna vae vale valeke miasoka sipi, mana sipi ro ia tarina soso vari paqae lupo.’

Matiu 26:56

Do patavolomo nae, pataro i doka goto dena i va voto to seko ro ria propeta ro iri karo go.” Pasi nae so ia, osiqira to disipoloro ia iri kasi ne ia mana iri paqa lupo to go.

Maka 14:27

Jesu i sine ne qira osiqira igo dena, “Osiqamu tamuna paqa kasi nava era, tanego Buka tabo ne igo, ‘God tina vae vale valeke miasoka sipi ne mana sipi ro ne tarina paqa tapero lupo.’

Maka 14:50

Pasi nae osiqira disipoloro ne iri paqa lupo to.

Tarama Velaka Ia Jesu Kristo I Karo Go Jon 12:23

Do Jesu ivataule ne qiru, igo, “I dokae to ṉalu, basoero ne tarina mia rove Tuna basoe ne i kone karaputa mazala.

Tarama Velaka Ia Jesu Kristo I Karo Go Jon 16:2

Tarina kakale vasiporo qamue Pade Lotu ro, mana tina doka ṉalu, basoero tarina vae vale qamu, tarina go, iri zazu ne zazu ia God.

Tarama Velaka Ia Jesu Kristo I Karo Go Jon 16:25

Jesu i sine napua igo, “Pataro qa sine ne qamu go, qa vazazua so seko vapadapada ro. Do na doka ṉalu na, era tuniki vazazua kaega seko vapadapada, do tuna seko vatatavata neso de i gogo Mamae.

Tarama Velaka Ia Jesu Kristo I Karo Go Jon 16:31

Gonae Jesu i vane qira de, “Ninidena qamu vaogoto to?

Tarama Velaka Ia Jesu Kristo I Karo Go Jon 19:27

Gonae i sine napu ne disipolo ne, “Qole dena i sinamu aro.” Pasi to ṉalu nae disipolo ne i lulu vagado zaqe pade ia sinana Jesu mana i miasoka go.

Tarama Velaka Ia Jesu Kristo I Karo Go Jon 20:10

Taramuzina to nae, karua disipolo ne iru gado ule za komala ne.

Tarama Velaka Ia Jesu Kristo I Karo Go Jon 4:21

Jesu i vane dena ia, “Vaogoto ava era qole! Tina doka ṉalu, basoero ne tariniki vazaka ze kaega Tamaqita kubolo ba Jerusalema go.

Tarama Velaka Ia Jesu Kristo I Karo Go Jon 4:23

Tina lama doka ṉalu, mana ṉalu dena i lama doka bana ne qita to, go basoero iri pene totoloṉo aqe go de ikoego Mamae, tarina pepene loborona karaputa ia Spirit tabo, mana i pata ogoto go. Basoero nae to, i soko go Mamae tarina vazaka ia.

Tarama Velaka Ia Jesu Kristo I Karo Go Jon 5:25

Ma sine ne qamu pata ogoto, tinara lama doka ṉalu, mana ṉalu nae i lama doka bana to, ṉalu vano le tarina gata ovaṉa na Tuna God, mana ria iri gata go tarina too ule napu me tepa le.

Tarama Velaka Ia Jesu Kristo I Karo Go Jon 5:28

Iago muniki poloso ne seko ro qa sine go era, tanego tina lama doka ṉalu vano le tarina gata ovaṉa na ia,

Tarama Velaka Ia Jesu Kristo I Karo Go Jon 8:16

Do ṉalu go tu zazu nego era, iato i pata ogoto go, tanego iki tanuqu kaega, do Mamae ni turi nava mego.

Tarama Velaka Ia Jesu Kristo I Karo Go Jon 8:29

Mana ia ni turinava go, i ko tavisi ava, iki taru vamiki ava kaega, tanego era qa zazu neso pataro i vakula go ia.”

Zazu Ria Apostoloro 21:6

Gonae qimu vari vatarutaru lupo ia remu qimu za to koluka ne, mana ria iri gado ule za to komala ne.

Zazu Ria Apostoloro 8:1

Mana Sol i toqe ne vae vale na Sitivini. Torana musaqara ro nae eklesia i koe Jerusalema iri ko makuru, tanego basoero ne iri lete vasasakata ne qira, osiqira ria iri vaogote go Kristo ne iri soso tapero lupoe kena na Judia mana Samaria, do apostoloro ne so iri ko go.