Tarama Velaka Ia Jesu Kristo I Karo Go Jon 16:27 - Vato Vari Vakameka Voru Ia Batu Ne

²⁷ tanego tanuna Mamae i mamaligara ne qamu. I mamaligara ne qamu ramu, tanego qamu mamaligara nava era, mana qamu vaogote era qa reqe me de ikoego God go.

Tarama Velaka Ia Jesu Kristo I Karo Go Jon 16:27 ပူးပေါင်းရင်းမြစ်များ

Matiu 10:37

Ka basoe i lete mamaligara ne qiru tamana mana sinana, sivala ne mamaligara ia de qa koego era, basoe nae iki tora kaega na luluava era. Mana ka basoe i lete mamaligara ne sale valeke ba sale qole ia, sivala ne mamaligara ia de qa koego era. Basoe nae iki tora napua kaega tina luluava era go.

Tarama Velaka Ia Jesu Kristo I Karo Go Jon 14:21

Ka basoe i toqe ne mana lulua go tamana era, basoe nae i mamaligara nava era. Mamae tina mamaligara ne iani mamaligara nava era. Era tuna mamaligara ne ia mana tuna vasadaka ne ia tanuqu go.”

Tarama Velaka Ia Jesu Kristo I Karo Go Jon 14:23

Jesu ivataule, igo, “Basoe i mamaligara nava go era, tina lulua vari vatatana era. Mamae tina mamaligara ne ia, mana raru Mamae taruna lamae de ikoego ia mana koe loborona iago.

Tarama Velaka Ia Jesu Kristo I Karo Go Jon 16:30

Remu qi rove to, aro qo rove osina pata, ka basoe i kone tana do aro qo mazala so sine lukasa kenaqa nena ia, go tinara tana go basoe nae. Ianae to go, remu qi vaogote aro qo reqe me de ikoego God.”

Tarama Velaka Ia Jesu Kristo I Karo Go Jon 17:23

Era qa ko tavisi qira, mana aro qo ko tavisi ava era, go ria tarina kameka go. Iato zuka dena to, go basoero na kolabana pua de tarina rove aro to qo turi nava era, mana qo mamaligara ne qira, gerena aro qo mamaligara nava go era.

Tarama Velaka Ia Jesu Kristo I Karo Go Jon 2:11

Jesu i vasadake zazu vari va poloso kenaqa dena loborona kena Qalili komala Kena, de go i vasadaka ze de go mazala na karaputa ia, mana disipoloro ia iri vaogote iago.

Tarama Velaka Ia Jesu Kristo I Karo Go Jon 3:13

Tanego i kaega ka basoe i za banae go rani ne, do tanuqu so era Tuna basoe qa qoqoro mego tepa rani go.

Tarama Velaka Ia Jesu Kristo I Karo Go Jon 7:29

Era qa rove ia, tanego qa reqeme de ikoego ia, mana iato i turi nava go.”

Tarama Velaka Ia Jesu Kristo I Karo Go Jon 8:42

Gonae Jesu i vane qira dena, “Ṉalu go God i Tamaqamu ogoto, ramu tamu mamaligara nava era, tanego era qa reqe me de ikoego God, mana iato i turi nava mego. Era qaki lama ne kaega luluna nanaoqu tanuqu, do qa lulua nanao na ia i turi nava go.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Kameka Korinti 15:47

Adamo kenaqa God i zazu ne ze ia pua, mana i pala too na vudu pua dena, Adamo muzi i reqe me tepa rani ne.

Kameka Korinti 16:22

Ka basoe iki mamaligara ne kaega Batu ne—basoe nae i pala tulaṉa ia Batu ne. “Maranata”— Lama, Batu remu!

Karua Korinti 5:14

Remu i kenaqa ne qemu mamaligara ia Kristo, mana ninidena qi mia rove to, kameka so basoe i le nego basoero topu, iadena talupasana, qata pala tavise le ia.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Epesus 6:24

Go Mana ia God mara kotavisi qira vano iri vanadu zego mamaligara ria de ikoego Batu ita Jesu Kristo.

Kameka Timoti 1:15

Jesu Kristo i lamae go kolabana pua dena, go tina vakavele qira vano iri vasakata pata go, seko dena i pata ogoto mana osina basoero mara vaogote. Era tanuqu to qa lete sakata sivala ne qira basoero iri vasakata pata ego kolabana pua dena,

Iburu 12:6

Tanego Batu ne i vatotoloṉo qira basoero i mamaligara ne qira go, mana i valepulepu qira ria i toqe ne go tarina salero iago.”

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Kameka Jon 4:19

Ita mata vari mamaligarae, tanego God i mamaligara kenaqa ne qita go.

Revaleson 3:19

Qa seko lavata qira mana qa vakimata napu qira basoero qa mamaligara ne qira go. Iago muna pada neto vana lupo ne na osina too mana vatovato sakata ro ramu go.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.