Tarama Velaka Ia Jesu Kristo I Karo Go Jon 16:22 - Vato Vari Vakameka Voru Ia Batu Ne

²² Igere napu qamu so ramu go, ninidena qamu maqata, do ṉalu tuna lama mia napu qamu, puṉuqamu tina purake kulakula. Kulakula nae ne, ikaega napu ka basoe tina mazala go pala vakuziki ne qamue go.

Tarama Velaka Ia Jesu Kristo I Karo Go Jon 16:22 ပူးပေါင်းရင်းမြစ်များ

Matiu 28:8

Iago karua qole ne iru katikili kasi ne leṉa ne, iru lete sareki, do iru lete kula napu so, iru teteṉe go tiruna za sine ne qira disipoloro ne tarama na Jesu.

Luka 10:42

do kameka so pata itora go. Maria i vine pata ni totoloṉo go, mana kaega ka basoe tina pala vakuziki ne ze go ia.”

Luka 16:25

Do Abra-am i vataule ne ia igo, ‘Nanaotarua sale era, ara too qo vaego qo pala lupo bana to osina pata velaka, mana Lazarus i pala topu na pata sakata ro. Do ninidena Lazarus i lama koe kulakula, mana aro qo pala to vokara.

Luka 19:26

Ma sine ne qamu igo valeke batu ne, ‘Ria basoero iko ne qira, ṉara teke napu ne qira, do ka basoe i kaega ne, pata volomo de suka ikone go, tina pala vakuziki lupo ze ia.

Luka 24:41

Ria disipoloro ne iriki vaogote so kaega, do iri lete kula mana iri va zazao so nanao qira. Gonae Jesu i tana ne qira, “Avigo iko ne qamu pata gege?”

Tarama Velaka Ia Jesu Kristo I Karo Go Jon 14:1

Jesu i sine ne qira disipoloro ia, “Kasi va pela na nanao qamu, vaogote God, mana vaogoto ava era go.

Tarama Velaka Ia Jesu Kristo I Karo Go Jon 14:19

Kavia to musaqara i ko basoero na vudu pua dena, tariniki mia va kaega era, do ramu tamuna miava era, tanego era to qa too, iago ramu tamuna too go.

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Tarama Velaka Ia Jesu Kristo I Karo Go Jon 16:16

Jesu i sine napu ne qira igo, “Taramuzina kavia musaqara, ramu tamuniki miasoba va kaega era, do taramuzina kavia musaqara napu, ramu tamuna miasoba va era.”

Tarama Velaka Ia Jesu Kristo I Karo Go Jon 16:20

Masine ne qamu pata ogoto, “Tamuna maqata mana dae, do basoero na kolabana pua dena, tarina kula so, tamuna maqata, do maqata ramu tina taitana mana tamuna ra kula.

Tarama Velaka Ia Jesu Kristo I Karo Go Jon 16:6

Mana ninidena qa sine ne qamu go pataro dena, qa rove ramu tamuna maqata.

Tarama Velaka Ia Jesu Kristo I Karo Go Jon 21:7

Disipolo Jesu ni lete mamaligara nego, i vane de Pita, “Batu ita ne to dona.” Pasi i gata seko nae Pita i ivaroku ne roku ia i ozuku bana go ni toqo go gabe ne. Gonae i soqa za masi ne.

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Zazu Ria Apostoloro 13:52

Mana vano lotu iri vaogote go Jesu iri koego Antiok iri ko kula mana Spirit tabo ilama ko vakaraputae de iri koego.

Zazu Ria Apostoloro 16:25

Torana loboro kuse Pol mana Saelas iru pepene mana iru kera vazaka God, kero ne vano iri koego bara ne iri gata taru qiru.

Zazu Ria Apostoloro 2:46

Nogotona musaqara iri kameka teṉoe Pade Lotu, mana iri kameka ṉaṉae pade ro ria. I kula me puṉuqu qira, mana iri ṉaṉae kulakula go.

Zazu Ria Apostoloro 5:41

Pasi ria apostoloro ne iri kasi ne qira vano pepeu ne, iri lete kula, tanego God i vine qira tarina pala kimata tanego i sauna zazu ia Jesu.

Karua Korinti 6:10

Patavolomo ṉalu qi maqata, remu qi kula taru so, qi gere qira vano situ, do qi teke qira pata vavagado topu ria basoero, i gerena i kaega ne qemu kapata, do remu i kone qemu topu na pata.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Iburu 10:34

Ramu qamu kena tavise vokara iri pala go vano iri koego bara ne, ṉalu iri pala lupo qamue go pataro qamu toṉove go, do ramu qamu kula so, tanego qamu rove bana i ko ne qamu kaki pata i lete velaka sivala mana tina ko osina ṉalu go.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.