Tarama Velaka Ia Jesu Kristo I Karo Go Jon 16:2 - Vato Vari Vakameka Voru Ia Batu Ne

² Tarina kakale vasiporo qamue Pade Lotu ro, mana tina doka ṉalu, basoero tarina vae vale qamu, tarina go, iri zazu ne zazu ia God.

Tarama Velaka Ia Jesu Kristo I Karo Go Jon 16:2 ပူးပေါင်းရင်းမြစ်များ

Matiu 10:28

Muniki sareki ne qira basoero, iri mazala go vae vale na tokama qamu, do i makuru qira tarina vae vale go madau qamu. Do muna sareki ne God, tanego i mazala vae vale qamu, mana vazao ze madau qamu loborona nako iki rove go kaega le.

Matiu 24:9

Taramuzina nae tarina pala qamue varitanae mana vae vale qamu go. Topu sasakata basoero tariniki soko qamu kaega, tanego i sauqu era.

Luka 6:22

Kula ramu iriki soko qamu go kaega basoero ne, iri sila qamu, iri seko sakata qamu, mana iri vagere qamu e vano vatovato sakata, tanego i sauqu era.

Tarama Velaka Ia Jesu Kristo I Karo Go Jon 12:42

Topu vano batubatu ria vano Jiu iri vaogote Jesu, do iri ki sine vasadake kaega, tanego iri sareki ne qira vano Parisio, niki go va mamanava qirae zae na Pade Lotu ne iri go.

Tarama Velaka Ia Jesu Kristo I Karo Go Jon 16:25

Jesu i sine napua igo, “Pataro qa sine ne qamu go, qa vazazua so seko vapadapada ro. Do na doka ṉalu na, era tuniki vazazua kaega seko vapadapada, do tuna seko vatatavata neso de i gogo Mamae.

Tarama Velaka Ia Jesu Kristo I Karo Go Jon 16:32

Ṉalu, i lama doka bana to, osiqamu tamuna kasi nava era mana repe lupoe komakomalaro ro ramu, do era ne, tuniki ko miki kaega, tanego Mamae iko tavisi ava.

Tarama Velaka Ia Jesu Kristo I Karo Go Jon 4:21

Jesu i vane dena ia, “Vaogoto ava era qole! Tina doka ṉalu, basoero ne tariniki vazaka ze kaega Tamaqita kubolo ba Jerusalema go.

Tarama Velaka Ia Jesu Kristo I Karo Go Jon 4:23

Tina lama doka ṉalu, mana ṉalu dena i lama doka bana ne qita to, go basoero iri pene totoloṉo aqe go de ikoego Mamae, tarina pepene loborona karaputa ia Spirit tabo, mana i pata ogoto go. Basoero nae to, i soko go Mamae tarina vazaka ia.

Tarama Velaka Ia Jesu Kristo I Karo Go Jon 9:22

Go iru seko gogo dena vanovano ia valeke ne, tanego iru sareki ne qira batubatu ria vano Jiu, tanego batubatu ria vano Jiu dena, iri varitoqe bana ne, “Ṉalu ka basoe ivaogote Jesu i Mesia go, ria tarina va mamanava ze ia zae na Pade Lotu ne.”

Tarama Velaka Ia Jesu Kristo I Karo Go Jon 9:34

Batubatu ria vano Jiu iri vane de ia, “Aro qo bulaṉoi, mana qo podo palua vasakata pata go, avigo tane qo soko go vatatana qemu remu na?” Gonae iri kakale vasiporo ze ia Pade Lotu ne.

Zazu Ria Apostoloro 5:33

Ṉalu vano iri teṉo pepeu go, iri gata go seko ro dena, iri lete muma sasakata, iago iri soko mara vae vale qira apostoloro ne iri go.

Zazu Ria Apostoloro 7:56

“Mia!” igo Sitivini, “Era qa mia rani ne i papaqa mana Tuna basoe, i degere tepa matauna God!”

Kameka Korinti 4:13

mana ṉalu iri seko vasakata qemu, remu qi vataule ne qira so seko velaka. Remu qi gere gazogazo ria basoero ne, qi gere to pata i lete sakata sivale go vudu pua dena.

Pilipae 3:6

Mana qa lete osaka ne zazu na Tamana, iago qa vasasakata ne eklesia ne. Do ṉalu kaki basoe i mazala nanao vatotoloṉo na vatovato na tamana ro dena, era ne qaki kebu kaega.

Revaleson 6:9

Gonae Tunana Sipi ne i kaqolo vakuziki napua vivolona pepa ne. Ṉalu qa reṉa ne zaqe qa mia polana sara ne, mana qa mia madau qira vano iri vae vale bana qira go, tanego ria dena to iri vaogote mana tarama ne seko ia God.