Tarama Velaka Ia Jesu Kristo I Karo Go Jon 16:17 - Vato Vari Vakameka Voru Ia Batu Ne

¹⁷ Kakiaro ria disipoloro ia iri vari vatanatana tanuqira, “Avana tane ivatalupasa ze sekoro i sine go, igo taramuzina kavia musaqara tatana ki miasoba kaega ia, mana taramuzina kavia musaqara tatana miasoba ia, mana igo napu de, na ule za de i koego Mamae igo.

Tarama Velaka Ia Jesu Kristo I Karo Go Jon 16:17 ပူးပေါင်းရင်းမြစ်များ

Maka 9:10

Iri vaogote to ria tarapisa pata i sine ne qira go Jesu, do loborona ko ria tarapisa iri vari sine ne ria tane sauna pataro dena iri go, “Avana tane koro vatalukasa zego ia too napu me tepa le i sine go?”

Maka 9:32

Do ria disipoloro ia ne iriki nanao rove so kaega vari vatatana dena, tanego iri sareki ne tana ne na ia.

Luka 18:34

Do disipoloro ia iriki nanao rove so kaega talupasana pata ni sine go Jesu, tanego i pipika ne qira, iago iriki rove so kaega talupasana pataro ni sine go Jesu.

Luka 9:45

Do disipoloro ia iriki nanao rove so kaega, avana tane iva talupasa ze go seko ni sine ne qira go Jesu. Tanego God i pika ne qira, sauna pata dena, tarina gata, do tariniki rove kaega talupasana, mana iri sareki napu ne tana ne na avana tane talupasana seko ia i sine go.

Tarama Velaka Ia Jesu Kristo I Karo Go Jon 12:16

Disipoloro ia Jesu iriki nanao rove kaega pataro dena, do taramuzina Jesu i too napu me tepa le mana i popoka ule za rani ne, iri ara nanao ule zaqe Buka tabo ne i sine bana sekoro igogo ne sauna Jesu, mana basoero ne iri va voto go.

Tarama Velaka Ia Jesu Kristo I Karo Go Jon 14:22

Jiudas igo de, Jiudas Iskariot kaega. “Batu, avigo tane tono vasadaka zeso tanumu de qemu koego so remu, do basoero na vudu pua dena kaega na?”

Tarama Velaka Ia Jesu Kristo I Karo Go Jon 14:5

Tomasi i vane de ia, “Batu remu qimuki rove kaega, de qo vele zae go aro, iago avigo timuna rove go remu zuka igo za go de qo vele zae go nae?”

Tarama Velaka Ia Jesu Kristo I Karo Go Jon 16:1

“Qa sine ne pataro dena, go tiniki pela go kaega vaogoto ramu.

Tarama Velaka Ia Jesu Kristo I Karo Go Jon 16:16

Jesu i sine napu ne qira igo, “Taramuzina kavia musaqara, ramu tamuniki miasoba va kaega era, do taramuzina kavia musaqara napu, ramu tamuna miasoba va era.”

Tarama Velaka Ia Jesu Kristo I Karo Go Jon 16:18

Avana tane ivatalupasa ze seko, ‘kavia musaqara de,’ ita imakuru qita rove lupase na kapata i sine go Jesu!”

Tarama Velaka Ia Jesu Kristo I Karo Go Jon 16:19

Jesu i rove bana, iri soko tana ne ia, iago igo de, “Qamu soko rove na talupasana seko, taramuzina kavia musaqara tamuniki miasoba va kaega era, mana taramuzina kavia musaqara tamuna miasoba va go?”

Tarama Velaka Ia Jesu Kristo I Karo Go Jon 16:5

Do ninidena, i garogaro to ṉalu era tuna ule za de ikoego ia ni turi nava mego, do kaega kakia ramu i tana ne, adepa tane qa vele zae go era.