Tarama Velaka Ia Jesu Kristo I Karo Go Jon 16:13 - Vato Vari Vakameka Voru Ia Batu Ne

¹³ Do ṉalu Spirit tabo tina vasadaka ne qamu ogotona, lama na ia tina kenaqa ne qamue rove na pata ogoto ne. Ia tiniki seko ne kaega nanao ia tanuna, do tina seko ne pataro i gata go, mana tina sine ne qamu pataro tinara lama go.

Tarama Velaka Ia Jesu Kristo I Karo Go Jon 16:13 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 12:49

Iadena i pata ogoto, tanego qaki seko ne kaega nanao era tanuqu, do Mamae ni turi nava mego i teke nava Tamana, iato qa seko ne go.

Tarama Velaka Ia Jesu Kristo I Karo Go Jon 14:17

Basoe nae to Spirit tabo, iato i vasadake go ogoto na God. Basoero na vudu pua dena iriki toqe ne kaega toṉove na Spirit tabo, tanego iriki miasoba kae mana iriki rove kaega go, do ramu qamu rove ia tanego i ko tarue de qamu koego, mana ikoe loboro qamu go.

Tarama Velaka Ia Jesu Kristo I Karo Go Jon 14:26

Spirit tabo, i basoe vari vatatavisi, Mamae tina turine me ia loborona vitoṉoqu era, tina vatatana qamue osina pata, mana tina vananaotaru qamu e osina pata qa sine bana ne qamu go.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 15:26

Era tuna turi ne me basoe vari va tatavisi tina reqe me de koe Mamae, basoe vari va tatavisi nae ne iato Spirit tabo, ia tina vasadake ogoto na God. Ṉalu ia tina za lama go, ia tina sine ne qamu sauqu era.

Tarama Velaka Ia Jesu Kristo I Karo Go Jon 16:12

I ko topu na pata qa mazala sine ne qamu, do qa rove ninidena i makuru qamu nanao taru na.

Tarama Velaka Ia Jesu Kristo I Karo Go Jon 3:32

Ia i sine pataro i mia bana go mana pataro i gata bana go, do i kaega ka basoe i vaogote go ia.

Tarama Velaka Ia Jesu Kristo I Karo Go Jon 8:38

Qa vatatana qamue pataro i va mia ve Mamae, do ramu, qamu lulua so pataro iri sine ne qamu go tamaqamu ro.”

Zazu Ria Apostoloro 11:28

Mana kaki kameka ria propetaro nae, vitoṉona Aqabus, loborona karaputa ia Spirit tabo, ia i degere, mana i sine vasadake kaki kameka saqo lavata i garogaro lama dokae na vudu pua. Mana saqo nae ilama ogoto to ṉalu Kolodias i batu lavata ego Rom ave nae.

Zazu Ria Apostoloro 20:23

Pata qa rove go era ne, osina komala ne, Spirit tabo ne i va banabana ve era, era tuna soba topu na makuru mana tarina pala va zao vae bara ne go.

Zazu Ria Apostoloro 27:24

Mana i sine nava. ‘Pol oniki sareki, aro tonu za degere tarakenaqa na batu lavata Siza. Loborona velaka ia God deqo koego aro, ria basoero qamu aqe go koluka nae tarina too lupo so.’

Karua Tesalonika 2:12

Ureṉa vatovato nae, osiqira basoero iri ki lulua go kaega seko ogoto ia Jesu Kristo, mana iri kula ne luluna vatovato sakata gogo ne, God tina tulaṉa vale ne qira.

Karua Tesalonika 2:3

Muniki vamao ne qira basoero ne mara poqe qamu, tanego musaqara muzimuzi tiniki lama volomo kaega. Kenaqana ne basoero ne tarina varitarae de ikoego God, mana basoe iri vitoṉo ze, “Basoe vae tamana”, tina za lama kenaqa napu go. Basoe nae to, God tina lete vasakate go.

Iburu 1:1

Ṉalu bana ne, God i seko tabe qira vano ṉalu bana ro ita topu na ṉalu, loborona topu na dia de iri koego propeta ro ne.

Kameka Jon 2:20

Do ramu ne Kristo i zele bana qamue Spirit tabo, go tamuna rove pata ogoto.

Kameka Jon 2:27

Do ramu Kristo i teke bana qamu Spirit tabo. Mana Spirit tabo nae i ko tarue loboro qamu, iago qamuki ara taqia kaega kaki vari vatatana napu. Tanego Spirit tabo nae to iva tatana qamue go osina pata. Iago osina pata i vatatana qamue go i pata ogoto, iki poqe kaega, iago nuna ko vanadue loborona vari vakameka ia Kristo, gerena i vatatana qamue go Spirit tabo.

Kameka Jon 4:6

Do ita qata keia God. Basoe i rove go God, i gata mana i toqe ne, pataro qata sine go ita. Do basoe iki keia go kaega God, iki gata kaega ia tane pataro qata sine go ita. Iato nae to pata iru vari kakavatae ne go Spirit tabo ogoto mana Spirit ia vudu pua dena ni poqe go.

Kameka Jon 5:6

Jesu Kristo i lama sadaka velake go de qata koego ita, ṉalu ni bapitema ego besi ne, mana parasanani zazakae go ṉalu iri vaevale go ia. Iago iki sadaka velaka eso kaega miki besina bapitema ne, do iri kameka me to parasanani zazakae go ṉalu iri vaevale go. Mana Spirit tabo napu to go i lama vasadaka velaka ne qita go. Tanego Spirit tabo iki rove kaega poqe.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.

Revaleson 1:19

Ono karo qira pataro qo mia go iri sadaka go ninidena, mana pataro tinara za sadaka mego ṉalu muzi go.