Tarama Velaka Ia Jesu Kristo I Karo Go Jon 16:11 - Vato Vari Vakameka Voru Ia Batu Ne

¹¹ Mana iri kebue dego akena tina zazu ne ze vivine ia God, tanego God i zazu bana ze vivine ia de ikoego Satana ni kenaqa ne go kolabana pua dena.

Tarama Velaka Ia Jesu Kristo I Karo Go Jon 16:11 ပူးပေါင်းရင်းမြစ်များ

Matiu 12:18

“Valeke dena ne, iato qa vine bana go era, tina basoe zazu era go, mana iato qa lete mamaligara nego, mana qa lete kula ne go. Era na turine Spirit era go na kotavise ia, mana tina vasadaka ne qira basoero na kolabana pua vatovato totoloṉo.

Matiu 12:36

Iago masine ne qamu, musaqara ṉalu God tina zazu nego varitanae ia, de koe basoero na kolabana pua ne, ria tarina vasadaka ze tarakenaqana God talukasa seko volovolomo ro iri sine go.

Luka 10:18

Jesu i vataule ne qira igo, “Era qa mia bana Satana i soru me rani ne, i gere kapi.

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 14:30

I makuru ava tuna seko tabe vaumata qamu go, tanego Satana ni kenaqa nego vudu pua dena i za lama. I kaega ne karaputa de qa koego era,

Tarama Velaka Ia Jesu Kristo I Karo Go Jon 16:12

I ko topu na pata qa mazala sine ne qamu, do qa rove ninidena i makuru qamu nanao taru na.

Zazu Ria Apostoloro 10:42

Mana i sine ne qemu, timuna tamana ne Tarama Velaka ia de iri koego basoero ne, mana sine va karaputa napua, tanuna so Jesu ni vine go God tina zazu ne vivine de iri koego vano too mana vano le go.

Zazu Ria Apostoloro 24:25

Do ṉalu Pol i sine napua de igogo, too totoloṉo, too ia tanuna basoe, mana ṉalu muzi God tina zazu nego vivine, Pilix i sareki, mana i sine ne Pol, “Aro mo ule tekere ninidena. Era tunara koru napu go, ṉalu go i ko napu nava ṉalu.”

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Leta Ia Pol I Karo Ne Qira Basoero Na Rom 16:20

Tiniki umata kaega God na bule tina teke ne qamu karaputa go tamuna vaqoqore go Satana. Mana ia Batu ita Jesu Kristo tina kotavisi qamu.

Leta Ia Pol I Karo Ne Qira Basoero Na Rom 2:16

Iago zazao na Tarama velaka qa tarama ne go era dena, tina voto ṉalu tina doka go musaqara muzimuzi ṉalu God tina varitanae ne go nanao pipika ria basoero ne de ikoe go Jesu Kristo.

Kameka Korinti 4:5

Iago muniki toere too ia basoe, tanego ṉalu na varitanae iara kaebo lama doka. Ṉalu musaqara na varitanae, tina piri ne so lama na Batu ne, tina pala vasadaka ze tatavata pataro i ko pipika ego nanao qira basoero ne. Mana God tina va zakazaka qira basoero, vatora ze de go too ria.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Kolosia 2:15

Mana koluse nae ne, Kristo i lukasa ze tanuna de koe karaputa ro ria vano lavata ro mana vano kena kenaqa ro ia Satana. Ia i va agava qira e ria tarakenaqa qira basoero ne ṉalu i vaqoqoro qira go.

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Iburu 6:2

Varivatatana na zazao na bapitema, vakapata zena karisi de iri koego kero ne basoero, de go vano le tarina too napu me, mana varivatatana na de go God tina zazu ne go vivine ia musaqara muzimuzi go.

Iburu 9:27

Osina basoe tarina le kameka ṉalu mana taramuzina God tina zazu ne vivine ia.

Karua Pita 3:7

Do rani mana pua iru ko doka ninidena, God i pala taru ze so seko ia go tina lama doka qiru go nako tina subi qiru go. Rani mana pua iru vanama ne so ṉalu musaqara muzimuzi, God tina varitanae nego basoero sakata iri legulegua go, go tina pero vanaqe qira go.

Kameka Jon 3:8

Do basoe i zazu taru ne go vasakata pata i sale ia Satana, tanego Satana, ne i vasakata pata bana meso kokosona me. Iago, sauna to ianae tanego Tuna God i lama ne go pero vanaqe na zazu sakataro ia Satana dena.

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.