Tarama Velaka Ia Jesu Kristo I Karo Go Jon 15:24 - Vato Vari Vakameka Voru Ia Batu Ne

²⁴ Kaega ka basoe i mazala go zazu ne na pataro qa zazu nego era. Ṉalu tuki zazu nego kaega era, pataro igogo ne, ria tariki mia rove kaega vasakata pata ro ria. Do ria, iri mia to pataro qa zazu nego era, do iriki ara soko qaru so kaega raru Mamae go.

Tarama Velaka Ia Jesu Kristo I Karo Go Jon 15:24 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 21:32

Tanego ramu qamuki vaogote kaega Jon i vari va bapitema go, ṉalu ia i lama vasadaka ne qamu go vatovato totoloṉo tamuna lulua go. Do vano palapala takisi mana qolero iri volivoli ne tokamaqira sauna too sakata ro, iri vaogote ia. Do ramu qamu mia pataro dena, do qamuki kavale so kaega nanao qamu, go tamuna vaogote ia.”

Matiu 9:33

Pasi i kale vakuziki ne manuru sakata ne Jesu, iara malumua go seko valeke ne, pasi nae basoero ne iri lete nureke, iri go de, “Ṉalu bana ne qatiki mia bana me kaega kapata igogo de.”

Maka 2:12

Gonae iri reṉareṉa to basoero ne, valeke ne i degere i pala tobi ia mana i zaza to go. Pasi nae basoero ne iri lete nureke mana iri vazaka God, iri go dena, “Pata qatiki mia bana mego kaega qatara lama mia to ninidena!”

Luka 24:19

‘Avapatana?” igo Jesu. Iru vataule, iru go, “De iri vane go Jesu na Nazaret, valeke dena i kaki propeta, osina zazu ro ia mana seko ro ia i lete velaka sivala e tarakenaqa na God, mana de iri koego basoero topu go.

Tarama Velaka Ia Jesu Kristo I Karo Go Jon 10:32

Gonae Jesu i sine ne qira, “Topuna pata velaka ro, i sine nava Mamae na zazu ne, mana ramu qamu mia to zazu velaka to nae. Adeke zazu velaka ro nae tane i tora go tamuna vana ve go era ipaka ne na?”

Tarama Velaka Ia Jesu Kristo I Karo Go Jon 10:37

Ṉalu tuki zazu ne kaega era pataro i soko go Mamae, ramu muniki vaogoto ava era.

Tarama Velaka Ia Jesu Kristo I Karo Go Jon 12:10

Iago batu ro ria patere ro, iri vato ne vae vale na Lazarus go,

Tarama Velaka Ia Jesu Kristo I Karo Go Jon 12:45

Ka basoe i miasoba va era, i miasoba napua so Mamae ni turinava go era.

Tarama Velaka Ia Jesu Kristo I Karo Go Jon 14:9

Jesu i vataule, igo, “I lete umata sasakata to era qa ko tavisi qamu go, do qoki rove ava so kaega ba Pilipi? Ka basoe i miasoba va era, i miato Mamae. Avigo tane qo sine go, vamia qemue Tamamu na?

Tarama Velaka Ia Jesu Kristo I Karo Go Jon 15:21

Basoero ne tarina zazu ne pataro nae de qamu koego, tanego i sauqu era, tanego iriki rove kaega Mamae ni turi nava go era.

Tarama Velaka Ia Jesu Kristo I Karo Go Jon 15:22

Ṉalu go tuki lama va pepeu bana qira kaega basoero na kolabana pua, ria tariki mia rove kaega vasakata pata ro ria. Do ninidena kaega ka basoe i mazala go legu va kaega na vasakata pata ia.

Tarama Velaka Ia Jesu Kristo I Karo Go Jon 15:23

Basoe iki soko ava go kaega era, iki soko napua so kaega Mamae go.

Tarama Velaka Ia Jesu Kristo I Karo Go Jon 16:9

Iago nanao qira i kebu mana iri vasakata pata go, tanego iriki vaogoto ava kaega era,

Tarama Velaka Ia Jesu Kristo I Karo Go Jon 3:2

Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”

Tarama Velaka Ia Jesu Kristo I Karo Go Jon 5:36

Do era i ko nava kaki pata, i vasadaka velake go, Mamae tane i turi nava go. Pata dena i karaputa sivala ne pataro i sine vasadake go Jon, ia igogo ne, iato zazu i sine nava go Mamae tuna zazu nego.

Tarama Velaka Ia Jesu Kristo I Karo Go Jon 6:36

Era, qa sine bana ne qamu, patavolomo qamu mia banava do, qamuki vaogoto ava so kaega.

Tarama Velaka Ia Jesu Kristo I Karo Go Jon 7:31

Do topu ria basoero ne iri vaogote Jesu mana iri go, “Ṉalu Mesia tina za lama go, avigo qamu nanao tina vasadake topu zazu vari vapoloso ro sivala ne valeke dena?”

Tarama Velaka Ia Jesu Kristo I Karo Go Jon 9:32

Tupi zari i vae go kolabana pua ne, kaega ka basoe qata gata iva mimia go basoe i kodo, podo i vaego.

Tarama Velaka Ia Jesu Kristo I Karo Go Jon 9:41

Do Jesu i vataule ne qira, “Ṉalu go qamu kodo ogoto go, ramu qamuki kebu kaega, do ramu qamu go, qamu mimia, ianae to ivasadake ramu qamu ara kebu so.”

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Zazu Ria Apostoloro 2:22

Ramu vano Izirel muna gata seko ro dena! Jesu na Nazaret i kaki kameka valeke i tavine me de ikoe God, i lamae de qamu koego ramu, mana God i vasadaka va velake ogotona pataro dena, loborona zazu mazala ro mana zazu vari vapoloso, ro i zazu nego Jesu. Ramu tanuqamu, qamu rove pataro dena, tanego ia i vasadaka ze zazu ro ia loboro qamu ramu.

Leta Ia Pol I Karo Ne Qira Basoero Na Rom 1:30

Iri vari seko sakata tanuqira mana kana ne God, iri damua kene basoe iri vazaka napu, mana iri poro legulegua tamaqira mana sinaqira go.

Karua Timoti 3:4

Tarina vasasakata ne vakitaka ro ria, mana tariniki vakapata so kaega basoe ne, mana tarina tabo qoqoro go. Iri soko so zazu ne na topuna pata go tarina kula ne tanuqira, do iriki mamaligara ne kaega God.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.