Tarama Velaka Ia Jesu Kristo I Karo Go Jon 15:18 - Vato Vari Vakameka Voru Ia Batu Ne

¹⁸ “Ṉalu basoero na kolabana pua dena iriki soko qamu go kaega, muna rove iriki soko banava kaega era.

Tarama Velaka Ia Jesu Kristo I Karo Go Jon 15:18 ပူးပေါင်းရင်းမြစ်များ

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Matiu 24:9

Taramuzina nae tarina pala qamue varitanae mana vae vale qamu go. Topu sasakata basoero tariniki soko qamu kaega, tanego i sauqu era.

Matiu 5:11

Kula ria basoero iri seko sakata qira, iri vasasakata qira mana iri poqe ne qira, tanego iri luluava era.

Maka 13:13

Basoero ne tariniki soko qamu kaega, tanego qamu basoero era. Do basoe i degere vanadu go, mana za dokae valupo lupo na gogo ne, God tina vakavele too iago.”

Luka 6:22

Kula ramu iriki soko qamu go kaega basoero ne, iri sila qamu, iri seko sakata qamu, mana iri vagere qamu e vano vatovato sakata, tanego i sauqu era.

Tarama Velaka Ia Jesu Kristo I Karo Go Jon 16:1

“Qa sine ne pataro dena, go tiniki pela go kaega vaogoto ramu.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Tarama Velaka Ia Jesu Kristo I Karo Go Jon 3:20

Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go.

Tarama Velaka Ia Jesu Kristo I Karo Go Jon 7:7

Basoero na vudu pua dena iri vavelaka ne qamu ramu, do era ne iri vasasakata nava, tanego qa poro sine ne qira, too ramu i sakata.

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.

Kameka Jon 3:1

Mia de igogo mamaligara ia God Tamaqita de qata koego ita. Mamaligara ia i lete lavata sivala, go i koru qitae ita qata salero ia God. Do vano na vudu pua dena iriki rove bana so kaega God, iato nae tanego iriki rove napu qita go kaega ita go.

Kameka Jon 3:13

Iago turaquro, muniki poloso ne ramu ṉalu iri sakata qamu go vano basoe na vudu pua dena.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.