Tarama Velaka Ia Jesu Kristo I Karo Go Jon 15:16 - Vato Vari Vakameka Voru Ia Batu Ne

¹⁶ Ramu qamuki vine ava kaega era, do era tane qa vine qamu go, mana qa teke ne qamu zazu go tamuna va ure go, ureure nae tiniki rove kaega lupo. Mana Mamae tina teke ne qamu pata qamu pene zego ia loborona vitoṉoqu era.

Tarama Velaka Ia Jesu Kristo I Karo Go Jon 15:16 ပူးပေါင်းရင်းမြစ်များ

Matiu 21:22

Ṉalu qamu vaogote God, mana qamu pepene de i koego ia gogone, ia tina mazala so teke ne qamu pata qamu pene go.”

Matiu 7:7

Jesu igo napu dena, “Pene God sauna pataro qamu soko go, ia tinara teke ne qamu. Igo muna taqia go tamuna soba go, tetedeke go siporaṉa ne tina papaqa ne qamu go. Muna tetedeke, God tinara papaqa ne qamu, go qamu mazala go keba.

Luka 6:13

I doka to musaqara Jesu i koru qira disipoloro ia mana i vine qira manoga karua ria, i vitoṉo qirae apostoloro.

Tarama Velaka Ia Jesu Kristo I Karo Go Jon 13:18

Era qaki seko ne kaega osiqamu, tanego ria qa vine qira go, qa rove velaka qira. Do go tina voto go seko na Buka tabo ne, ‘Basoe qaru kameka ṉaṉa go, iato tina vasakatava go era!’

Tarama Velaka Ia Jesu Kristo I Karo Go Jon 15:19

Ṉalu tamu basoe na kolabana pua dena, ria tarina mamaligara ne qamu, tanego qamu basoe na pua dena. Do era qa vine bana qamu go, mana qamuki ke ia kaega kolabana pua dena go, iato go basoero na kolabana pua dena iriki soko qamu go kaega.

Tarama Velaka Ia Jesu Kristo I Karo Go Jon 15:5

Era to qa moki na vino, mana ramu to paqapaqarana ro, basoe iko vanadue de qa koego era, era qa koe de ikoego ia, mana ia ne tina ureure go, tanego i makuru qamu vapuro na kapata, ṉalu qamuki ko vanadue kaega de qa koego era.

Tarama Velaka Ia Jesu Kristo I Karo Go Jon 6:70

Gonae Jesu i vataule ne qira igo, “Manoga karua ramu tane qa vine qamu go ba? Do kaki kameka ramu ne i gere ogote to manuru sakata ne!”

Zazu Ria Apostoloro 1:24

Gonae iri pene, iri go dena, “Batue aro qo rove lupo puṉu qira osiqira basoero ne, iago ono va mia qemu remu adeke kameka riru dena qo vine go,

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Zazu Ria Apostoloro 10:41

iki sadake kaega de iri koego basoero topu, do i lama sadake so de qi koego remu, tanego remu to i vine bana qemu go God timuna tarama nego ia, iato go remu qi ṉaṉa mana qe loka tavise ia taramuzina too i vae mego tepa le ne.

Zazu Ria Apostoloro 22:14

Ananaisi igo, ‘God ria vanovano bana ro ita, i vine go aro, tono rove pataro i nanao go God tina zazu ne go, ono mia Jesu basoe zazu ogoto ia God mana, ono gata ia, ṉalu i seko ne ovaṉa ogoto na tanuna.

Zazu Ria Apostoloro 9:15

Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era.

Leta Ia Pol I Karo Ne Qira Basoero Na Rom 1:13

Ramu turaquro muna nanao tarua, topu ṉalu era qa nanao tove qamu, do torana dena iara ko nava pata i toqo taruava. Era qa soko mava tabali me qirae de ikoego Kristo basoero iri koe go de qamu koe go, gere na qa zazu bana ze go de iri koe go vano iriki Jiu go kaega.

Leta Ia Pol I Karo Ne Qira Basoero Na Rom 1:5

Mana de ikoe go Kristo God i teke nava era mazala go tuna apostolo go mazazu ne vasadakena Kristo, go basoero na vudu pua mara vaogote mana lulua ia.

Leta Ia Pol I Karo Ne Qira Basoero Na Rom 15:4

Osina pataro iri karo bana ze go Buka tabo ne i sauna go mara varove qitae ita, go tatana pala ze go ruruqe loborona ko noto, piri ita mana i vakaraputa napu qitae pata ro ni pui ne qita go God loborona Buka tabo ne.

Leta Ia Pol I Karo Ne Qira Basoero Na Rom 9:21

Do valeke i zazu ne go sereke ne so i mazala go va zazuna pua ni valulu zego de ni soko go. Kameka pobo na pua nae i zazu ne ze karua sereke, kakia i vazazua ṉalu musaqara lavata, mana varuana ne i vazazua to osina musaqara.

Kameka Korinti 10:11

Osina pataro dena i dokae de iri koego kazigarataro ita, go mara vasadake vapadapada de iri koe kero ne basoero, mana iri karo bana gerena kameka vabanabana de qata koego ita. Tanego ita qata too ninidena, qata garogaro za to lupolupo na vudu pua.

Qalesia 1:15

Do loborona Mana ia God, ia i vine banava era torana qara koego sopa na kanae. I koru ava tuna zazu ne ia, mana ṉalu i lama doka to ṉalu itaru bana ze go nanao na,

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Kameka Timoti 2:7

iato go God i vine ava era tuna apostolo ia, mana tuna sine vasadaka Tarama Velaka ia de iri koego vano iriki Jiu go kaega, mana vatatana qira e vaogoto ni ogoto go. Era qa sine pata ogoto, qaki poqe kaega.

Karua Timoti 1:11

God i vine ava era tuna kaki apostolo mana basoe vari vatatana iago, go tuna sine vasadake Tarama Velaka ne.

Karua Timoti 2:2

Mana vari vatatana qo gata ve go era qa vatatana qirae go basoero ne, ono sine napu ne qira basoero velaka i tora napu qira go vatatana qira kero ne basoero ne.

Taetusi 1:5

Era qa kasi nigoe aro ṉugu Kret, go tono va totoloṉe kaviaro zazu iara ko go. Ono vine qira kakiaro basoero go tarina batu lotu e nogotona ro lotu ikoego nae, gere so de qa sine bana nigo.

Iburu 11:4

I sauna vaogoto ia, Ebolo i teke zaqe komakoma velaka ia de ikoego God, i sivala ne komakoma ia Ken. Loborona vaogoto ia Ebolo, God i toqe ne komakoma i soso ne go Ebolo go. Ebolo i le bana, do de igogo vaogoto ia, iara seko eso de qata koego ita ninidena.

Jemisi 3:18

Vano varivabule iri lelebae to loborona bule, ria to nae iri mazala go vazarina urena too velaka mana totoloṉo ni vakula go God.

Kameka Pita 3:15

Do vabatua ia, tanego Kristo i koe loborona puṉu qamu, mana tudua ia ni batu ne go too ramu. Iago vanama osina ṉalu go tamuna va taule ne qira go basoero ne, ṉalu iri tana ne ruruqe ramu de koe Kristo.

Kameka Pita 3:2

Tanego ṉalu iri mia go too velaka ro raramu, mana de nigogo qamu va mazala qira go, ria tarina vaogoto.

Kameka Jon 4:10

God Tamuna iva sadaka ne qita go ita, de igogo mamaligara. Tanego iki ita kaega qata mamaligara kenaqa ne go God, do God Mamaligara kenaqa ne qita go ita, go i valame go sale iago ilama vokara mana le ne sauna lukasana vasakata pataro ita.

Kameka Jon 4:19

Ita mata vari mamaligarae, tanego God i mamaligara kenaqa ne qita go.