Tarama Velaka Ia Jesu Kristo I Karo Go Jon 15:15 - Vato Vari Vakameka Voru Ia Batu Ne

¹⁵ Ninidena qaki koru qamue kaega vano seka, tanego basoe seka iki rove kaega pata i zazu ne go batu ia. Era ne qa koru qamue vakitaka ro era, tanego osina pata ro qa gata ze go Mamae, qa sine lupo ne qamu.

Tarama Velaka Ia Jesu Kristo I Karo Go Jon 15:15 ပူးပေါင်းရင်းမြစ်များ

Matiu 13:11

Jesu i vataule ne qira, “De qamu koego ramu God i papaqa bana nanao qamu go tamuna rove pata pipika na Too ikoego vari miasoka ia God, ba de iri koego basoero nae God iki papaqa ne qira kaega.

Luka 10:23

Gonae Jesu i tabali qira disipoloro ia, mana i sine vamiki ne qira, “Avana to ka lete maṉana qamu ramu, qamu mia go pataro qamu mia go ninidena.

Tarama Velaka Ia Jesu Kristo I Karo Go Jon 12:26

Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Tarama Velaka Ia Jesu Kristo I Karo Go Jon 13:16

Ma sine ne qamu pata ogoto, basoe zazu iki sivala ne kaega batu ia, mana basoe palapala seko iki sivala ne kaega, basoe ni turi nego.

Tarama Velaka Ia Jesu Kristo I Karo Go Jon 15:20

Nanao tarua seko qa sine bana ne qamu go, ‘Basoe seka iki sivala ne kaega batu ia. Ṉalu iri vasasakata nava era, ria tarina vasasakata napu ne qamu go, ṉalu iri lulua vari vatatana era, ria tarina vaogoto qamu ramu go.

Tarama Velaka Ia Jesu Kristo I Karo Go Jon 16:12

I ko topu na pata qa mazala sine ne qamu, do qa rove ninidena i makuru qamu nanao taru na.

Tarama Velaka Ia Jesu Kristo I Karo Go Jon 17:26

Qa vatatana bana qira go tarina rove go aro, mana tuniki noto ne kaega vatatana qira go, iato zuka dena to, ria tarina mamaligara ne qira kerone basoero gerena aro qo mamaligara nava era mana era tuna koe de iri koego.”

Tarama Velaka Ia Jesu Kristo I Karo Go Jon 20:17

Jesu i sine ne ia, “Oniki siba va, tanego qara kaebo ule za na de ikoego Mamae. Do ono zae de iri koego vakitaka ro era mana sine ne qira, era tuna ule za de koe Mamae iato i Tamaqamu, mana i God era, iato i God ramu go.”

Tarama Velaka Ia Jesu Kristo I Karo Go Jon 4:19

Qole ne igo, “Batu, ninidena qa mia rovi goto, aro qo kaki propeta bana.

Tarama Velaka Ia Jesu Kristo I Karo Go Jon 8:26

I topu sasakata pataro qa mazala sine na sauqamu ramu, mana taru ze vivine loborona too ramu. Do era tuna sine vasadaka ne qira so basoero na vudu pua dena, pataro qa gata ze go ia i turi nava mego. Tanego iato ikoego ogoto.”

Zazu Ria Apostoloro 20:27

Tanego era ikaega kaki pata qa pala vaule go, sine qa vae ne qamu go zazu ro ba, pataro i nanao go God tinara zazu nego.

Leta Ia Pol I Karo Ne Qira Basoero Na Rom 7:15

Qaki nanao rove kaega pata qa zazu ne go tanego pata velaka qa soko go zazu nena qaki zazu ne kaega do pata sakata qaki soko go kaega qa zazu ne go.

Kameka Korinti 2:16

Gerena Buka tabo ne i sine, “Akena i rove nanao na God?” “Akana i mazala teke ne nanao ba vari vatatana ia sauna pata tina zazu ne ia?” Do ita qata pala nanao ia Kristo.

Qalesia 4:6

Ita qata salesale ro ia God, iato go God i turi ne me Spirit na Sale ia, go tina lama koe loborona too ita. Mana Spirit nae ikoru, igo, “Aba, Mamae era.”

Epesus 1:9

Tanego iva voto pata inanao bana mego mana i vasadaka ne qita nanao pipika ro ia itaru bana mego, mana i valupo ze de ikoego Kristo.

Epesus 3:5

Ṉalu bana ne God iki varove qirae kaega basoe ro ne pata ogoto i ko pipika go dena, do ninidena loborona Spirit tabo ia, i vasadaka ze de iri koego apostoloro tabo ia God mana propetaro ne go.

Kolosia 1:26

iago pata i pika bana me ze go, de iri koego basoero ne, ninidena i vasadaka ze de iri koego basoero ia.

Pilimon 1:16

Mana ninidena Onisimusi iki valeke seka aro so kaega, do i lete lavata sivala ne basoe lotu, ia i basoe lotu i vakitake Kristo go. Era qa lete soko ia, do qa nanao soko aro tina sivala ne soko era, tanego Onisimusi i kaki valeke zazu aro mana qaburu tamakenae de ikoego Batu ne.

Jemisi 1:1

Era Jemisi kameka basoe zazu ia God mana Batu ita Jesu Kristo qa seko kula atu de qamu koego ramu basoero topu ia God qamu repe go osina dia vudu pua.

Jemisi 2:23

Iago seko na Buka tabo ne ilama ogoto, “Abra-am i vaogote God mana sauna vaogoto ia, God itoqe ne ia itotoloṉo.” Iago Abra-am i vakitaka ia God.

Kameka Pita 1:11

Madauna Kristo i koe loboro qira mana i sine kenaqa bana ne qira. Kristo tina lete vokara kenaqa, mana taramuzina vokara i pala go, ia tina va sadake lalana karaputa ia God, mana propeta ro iri pada ne sobana de igogo mana de gogo tina sadaka mego.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.