Tarama Velaka Ia Jesu Kristo I Karo Go Jon 14:6 - Vato Vari Vakameka Voru Ia Batu Ne

⁶ Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 14:6 ပူးပေါင်းရင်းမြစ်များ

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:17

God i tekene Tamana ia de ikoego Mosese, do Mana mana seko ogoto i reqe me de ikoego Jesu Kristo.

Tarama Velaka Ia Jesu Kristo I Karo Go Jon 1:4

Loborona ia ikoe too. Too nae, iato tatavata i damara qira basoero na kolabana pua ne.

Tarama Velaka Ia Jesu Kristo I Karo Go Jon 10:28

mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era.

Tarama Velaka Ia Jesu Kristo I Karo Go Jon 10:7

Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro.

Tarama Velaka Ia Jesu Kristo I Karo Go Jon 10:9

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Tarama Velaka Ia Jesu Kristo I Karo Go Jon 14:19

Kavia to musaqara i ko basoero na vudu pua dena, tariniki mia va kaega era, do ramu tamuna miava era, tanego era to qa too, iago ramu tamuna too go.

Tarama Velaka Ia Jesu Kristo I Karo Go Jon 15:1

“Era to qa moki na vino, mana Mamae to i valeke miasoka barui ne.

Tarama Velaka Ia Jesu Kristo I Karo Go Jon 18:37

Pilato i tana napu ne, igo, “Iago aro qo batu lavata?” Jesu i go, “Aro to qo sine, era qa batu lavata mana i ogoto go. Era qa podo me vudu pua dena go tuna sine vasadake pata ni ogoto go, ka basoe i toqe ne lulu na pata ni ogoto go, i mazala gata na pataro qa sine go era.”

Tarama Velaka Ia Jesu Kristo I Karo Go Jon 5:21

Ivari pada na napu so, Mamae i vatoo ule basoe le mana i teke ne qira too, gerena napu so era, Sale ia, tuna teke ne qira too ria qa soko qirae go.

Tarama Velaka Ia Jesu Kristo I Karo Go Jon 6:33

Tanego bureri i soso nego God iato i qoqoro mego tepa rani ne, mana i tekene too osina basoero na vudu pua dena.”

Tarama Velaka Ia Jesu Kristo I Karo Go Jon 6:51

Era to ga bureri na too qa reqe mego rani ne. Ṉalu ka basoe i ge go, ia tina ko osina ṉalu. Bureri qa soso ne go, iato tokamaqu, qa soso ne qira go basoero na vudu pua dena go basoero ne tarina za kavele.”

Tarama Velaka Ia Jesu Kristo I Karo Go Jon 6:57

Mamae ni soso ne go too iki rove go kaega lupo, ia to i turi nava go era, mana era qa pala too tanego iato iteke nava go. I gere na napua so, ṉalu ka basoe i ge go tokamaqu era ne, ia tina pala too iki rove go kaega lupo, tanego era tuna teke ne ia.

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Tarama Velaka Ia Jesu Kristo I Karo Go Jon 8:32

Tamuna rove pata ogoto de ikoego God, mana pata ogoto dena, tina va talupasa qamu.”

Tarama Velaka Ia Jesu Kristo I Karo Go Jon 8:51

Ma sine ne qamu pata ogoto, ka basoe i vaogote mana i lulua vari vatatana ro era, tiniki le kaega.”

Zazu Ria Apostoloro 3:15

Iato go qamu vae vale go basoe i mazala go teke ne na too ogoto basoe ne, do God i va too ze ia tepa le, mana remu to qi mia go.

Zazu Ria Apostoloro 4:12

Vari vakavele, ireqe me so de i koe go tanuna Jesu, osina dia kolabuna vudu pua i kaega napu kaki basoe, do tanuna to Jesu, God iteke ne qita go tina vakavele qita go.”

Zazu Ria Apostoloro 9:2

mana i za pene mara karo ne kakia ro leta go mara pala za Pade Lotu ria vano Jiu iri koe go komala Damaskus, go leta ro dena to tina vamazale ia, go ṉalu tina soba qirae de igogo ne basoero iri vaogote Jesu Batu, tina pala qira mana vazao qirae Jerusalema.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 5:21

Iago vasakata pata i kenaqa ne qira vano basoe mana i teke ne qira to le. Do Mana ia God i ko ne karaputa sivala loborona zazu ia Jesu Kristo i vatotoloṉo napu qita ita vano basoe, mana i kenaqa qitae go too gado kutona i kaega.

Kameka Korinti 15:45

Iato go Buka tabo ne i sine, “Basoe kenaqa Adamo, God i vazaria ia i teke ne too na vudu pua dena,” do Adamo i lama muzi go God i teke ne ia Spirit i soso ne too.

Epesus 2:18

Loborona Kristo, osiqita vano Jiu mana vano Jiu kaega, qata mazala lamae na de ikoego Tamaqita loborona karaputa ia Spirit tabo.

Kolosia 2:17

Osina pataro igogo, i dudulena so pataro tinara za lama ṉalu muzi, ba Kristo i pata ogoto.

Kolosia 2:9

Tanego Kristo i lama basoe gere qita so ita, mana too ia God i koe de ikoego ia, ko i vae go vudu pua dena,

Kolosia 3:4

Too ogoto ramu to Kristo, mana ṉalu tina lama sadaka, ramu napu tamuna sadaka tavise ia mana tamuna pala tavise tatavata mazala ia.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Iburu 9:8

Loborona to zuka dena, Spirit tabo ne i lete vatatavata velake, zuka i keba za go, kova i lete tabo sivala go iara kaebo papaqa, tanego pade bana iri pala zazao ne go iara degere so.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 2:4

Muna lama e de ikoego Jesu Batu ne, ia to i ipaka too iriki soko go kaega basoero ne, i kaega so ka mazalana iri go, do God i vine bana me mana ia to i lete mazala sivala go.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Jon 1:8

Mana ṉalu ita qata sine go i kaega ne qita vasakata pata, ianae ita qata poqe napua so tanuqita, mana ikaega so ka pata ogoto i koe de qata koego.

Kameka Jon 2:23

Basoe i sila go Tuna God i sila napu to God Tamana go. Do basoe i vaogote go tuna God ivaogoto napua to God Tamana.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Kameka Jon 5:6

Jesu Kristo i lama sadaka velake go de qata koego ita, ṉalu ni bapitema ego besi ne, mana parasanani zazakae go ṉalu iri vaevale go ia. Iago iki sadaka velaka eso kaega miki besina bapitema ne, do iri kameka me to parasanani zazakae go ṉalu iri vaevale go. Mana Spirit tabo napu to go i lama vasadaka velaka ne qita go. Tanego Spirit tabo iki rove kaega poqe.

Karua Jon 1:9

Ka basoe iki vanadue go kaega varivatatana ia Kristo, mana vazazao kakavata varivatatana nae igogo ne, iki toṉove kaega God. Do ka basoe i lulu totoloṉe go varivatatana ia Kristo, ia itonovo qiru to Tamana mana Tuna.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 19:11

Gonae qa reṉa ne rani ne i papaqa, mana qa mia kameka ose kakasa. Basoe i age go iri vitoṉo ze, “Vanadue de ikoego God mana i vaogoto go,” varitanae ia mana varitara ia gogo ne i totoloṉo lupo so.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,

Revaleson 22:17

Spirit tabo mana qole busi ne iru go, “Lama!” Basoero iri gata go seko dena, mara sine napua, “Lama!” Lama, ramu qamu konoso go mana besia, besi na too ikaega go volina.

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.