Tarama Velaka Ia Jesu Kristo I Karo Go Jon 14:27 - Vato Vari Vakameka Voru Ia Batu Ne

²⁷ Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Tarama Velaka Ia Jesu Kristo I Karo Go Jon 14:27 ပူးပေါင်းရင်းမြစ်များ

Matiu 10:26

Gonae Jesu i sine ne qira, ‘Iago muniki sareki ne qira basoero. Pataro iri pika go basoero ne tinara sadaka me mana pataro iri vari sine pika nego, tinara rove topu na basoero go.

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Luka 10:5

Ṉalu qamu keba za go kaki pade pata kenaqa sine, ‘Dalo ia Batu ne i na ko tavisi qamu ramu qamu koego pade dena.’

Luka 12:4

Jesu igo, “Ramu vakitaka ro era, masine ne qamu, muniki sareki ne qira basoero iri mazala go vae vale na tokama qamu, do taramuzina iriki mazala kaega lete vasakata qamu.

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Tarama Velaka Ia Jesu Kristo I Karo Go Jon 14:1

Jesu i sine ne qira disipoloro ia, “Kasi va pela na nanao qamu, vaogote God, mana vaogoto ava era go.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Tarama Velaka Ia Jesu Kristo I Karo Go Jon 20:19

Raravi na musaqara Sade nae, disipoloro ne in teṉoe so kameka pade, mana siporaṉa ro ne iri kokoqu vanadu lupo, tanego iri sareki ne qira batu batu ro ria vano Jiu. Goso nae Jesu i lama degere vari lobori qira mana i sine ne qira, “Dalo ina kotavisi qamu.”

Tarama Velaka Ia Jesu Kristo I Karo Go Jon 20:21

Gonae Jesu i sine napu ne qira, “Dalo ina kotavisi qamu. Era qa turine qamu ramu, gerena so Mamae ni turi nava go era”.

Tarama Velaka Ia Jesu Kristo I Karo Go Jon 20:26

Taramuzina kameka vuiki i sivala, disipoloro ne iri teṉo napue so pade ne mana Tomasi i kotavisi qira go. Siporaṉa na pade ne i kokoqu vanadu, do Jesu i lama degere loboro qira mana i sine ne qira, “Dalo ina kotavisi qamu.”

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Zazu Ria Apostoloro 18:9

Kaki kameka kuse Pol i miadua Batu ne i lama i sine ne ia, “Oniki sareki ne qira basoero nae, ono seko e de iri koego, mana oniki mamanava zazu ne na zazu aro,

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 5:1

Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Leta Ia Pol I Karo Ne Qira Basoero Na Rom 5:10

Ita qata kana bana ne God, do ia i vakameka napu ne qita ita, de ikoe tuna sauna le ia ne. Ninidena ita qata ko kameka de ikoe God. Iago pata ogoto sivala ita tatana kavale too ia Kristo.

Leta Ia Pol I Karo Ne Qira Basoero Na Rom 8:6

Do ṉalu basoe i lulua go too sakata ia tokama, ia tina za le ne so. Ba basoe i lulua go vatovato ia Spirit tabo, ia tinara za pala ze too, mana ko bulebule.

Kameka Korinti 1:3

Go God Tamaqita mana Batu ita Jesu Kristo mara teke ne qamu Mana, mana dalo ia.

Qalesia 1:3

God Tamaqita mana Batu ita Jesu Kristo mara teke ne qamu Mana mana bule ia.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 6:16

Sauqira ria iri lulua go vatovato dena, qa pene God go mara teke ne qira bule mana manava ia, go mara kotavisi qira mana osiqira basoero ia God go.

Pilipae 4:7

Mana bule ia God i lete laqalaqa ne go nanao rove ita vano basoe, tina vanadua puṉuqamu mana nanaoqamu, loborona vari vakamekae de ikoego Jesu Kristo.

Kolosia 1:2

De iri koego baso basoero ia God iri koego Kolosia, ria iri vakitaka velaka garu loborona ko totoloṉo ria loborona vari vakameka ria de koe Kristo. Go God Tamaqita mara teke ne qamu Mana, mana ko bulebule ia.

Kolosia 1:20

De ikoe Tuna, God i nanao tina pala vaule ze kolabana pua loborona le ia Jesu koluse ne. God i va bule napu ze de ikoe tanuna, de iri koego basoero topu, mana iva kameka napu ne tanuna osina pata, basoe mana osina pataro na rani mana pua go.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Karua Tesalonika 1:2

Go God Tamaqita mana Batu ita Jesu Kristo mara teke ne qamu Mana mana bule ia.

Karua Tesalonika 3:16

Qa pene Batu ita, tanuna i kutama ne go bule mara teke ne qamu bule osina ṉalu, loborona topu na zukazuka ro go. Batu ne mara kotavisi qamu osiqamu.

Karua Timoti 1:7

Tanego Spirit ni teke qita go God, iki lama vasareki qita kaega do i vakaraputa qita, mana i tavisi ne qitae mamaligara ne qira basoero, mana i tavisi ne qitae miasoka na tokama qita go.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 7:2

gonae Abra-am i teke ne ia vamanoga na osina pata ro i za pala ze go varitara ne. Talupasa na vitoṉo Melkizadek, igo de, “Batu lavata na zazu totoloṉo,” tanego i batu lavata na Salem, vitoṉona i talupasa napua so, “Batu lavata na bule.”

Revaleson 1:4

Era qa Karo ne qamu ramu kavitu eklesia qamu koego kena Esia. Pepene era, qa pene Mana ia Batu ne, mana bule ia mara ko tavisi qamu ramu, tina za reqeme de ikoego God, i ko bana, i ko ninidena mana tinara lama napu go. Mana ia Batu ne mana bule dena i reqe napu meso kavitu spirit velaka iri koego tarakenaqana de koloku batubatu ia God.

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”