Tarama Velaka Ia Jesu Kristo I Karo Go Jon 14:26 - Vato Vari Vakameka Voru Ia Batu Ne

²⁶ Spirit tabo, i basoe vari vatatavisi, Mamae tina turine me ia loborona vitoṉoqu era, tina vatatana qamue osina pata, mana tina vananaotaru qamu e osina pata qa sine bana ne qamu go.

Tarama Velaka Ia Jesu Kristo I Karo Go Jon 14:26 ပူးပေါင်းရင်းမြစ်များ

Matiu 1:18

Iadena to de igo, i podo go Jesu Kristo. Sinana Jesu, Maria i tamatura Josepo, do kenaqana go ia iru ara busi go, Maria i pala ze sale ia de ikoego moqere ia Spirit tabo.

Matiu 1:20

Josepo i vanama neto tina kasi ne Maria, do aqelo ia Batu ne i lama sadake de ikoego ia loborona kukureka, i sine ne ia, “Josepo sale ia Davita, oniki sareki, lulua Maria i qole ogoto aro, tanego sale i kakate go nae, i zazu ia Spirit tabo.

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Matiu 3:11

Era qa bapitema qamue ramu besi go tina vasadake ramu qamu manava sakata ne vasakata pataro ramu. Do valeke tinara lama taramuziqu era i lete karaputa sivala nava era. Patavolomo makebotu ia do era ki torava kaega tuna pala ne go. Ia tina bapitema qamue ramu Spirit tabo mana nako.

Maka 12:36

Davita tanuna i teke nanao Spirit tabo go ni sine go, ‘God Batu ne i sine ne Batu era. Ono koloku e tepa matauqu go tina za dokae ṉalu tuna taru lupo qirae kana ro aro polana makemu.’

Maka 13:11

Iago, ṉalu iri pala vazao qamue go varitanae, kasi poro nanao na ava tamuna sine go, torana iara kaebo go lama doka na ṉalu. Do ṉalu tina lama doka qamu go ṉalu nae, ramu tamuna sine to pata ni koego nanao qamu ni za reqeme mego karaputa ia Spirit tabo ni koe de qamu koego.

Luka 1:15

Tina lete lavate de ikoego loborona nanao ia God, tiniki besia kaega vino, ba ge kaega loka ni karaputa go. Tupiana kokoso ko tina vae go sopana sinana ne, ia tina purake Spirit tabo.

Luka 1:35

Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God.

Luka 1:41

Pasi Elizabet i gata seko na Maria, sale ni koego sopana Elizabet i vizu, mana Elizabet i purake Spirit tabo.

Luka 1:67

Tamana Jon, Zakaria i purake Spirit tabo mana i sine seko ia God igo.

Luka 11:13

Ramu qamuki vano totoloṉo kaega do, ramu qamu rove pata i velaka so tamuna teke ne qira go sale ro ramu. Tamaqamu ikoego rani i lete velaka sivala ne qamu ramu. Tina teke ne qira Spirit tabo ria iri pene go!”

Luka 2:25

Torana ṉalu nae, iko kameka valeke vitoṉo na Simion ikoe Jerusale-ma. I valeke velaka mana i vaogote God, mana i piri neso ṉalu God tina vakavele qira basoero na Izirel. Spirit tabo ne ikoe de ikoe ia.

Luka 24:49

Era tanuqu tuna turine me pata i pui bana ne go Mamae, do ramu muna piri eso komala lavata ne, go tina doka so ṉalu karaputa na zakazaka ne tina lama koe de qamu koego.”

Luka 3:22

Mana Spirit tabo ne i qoqoro me de ikoego ia, i gere kurukuru, mana kameka ovaṉa ireqe me rani ne igo, “Aro Sale era, qa lete mamaligara nigo, kula era ikoe de qo koego aro.”

Tarama Velaka Ia Jesu Kristo I Karo Go Jon 1:33

Era qaki rove kaega akena tane valeke dena, do God ni turi nava era tuna variva bapitema ne besi, i sine bana nava igo de, ‘Tono mia Spirit tabo tina qoqoro me mana koe de ikoego Valeke ne. Valeke nae to tina bapitema qira e go basoero ne Spirit tabo.’

Tarama Velaka Ia Jesu Kristo I Karo Go Jon 12:16

Disipoloro ia Jesu iriki nanao rove kaega pataro dena, do taramuzina Jesu i too napu me tepa le mana i popoka ule za rani ne, iri ara nanao ule zaqe Buka tabo ne i sine bana sekoro igogo ne sauna Jesu, mana basoero ne iri va voto go.

Tarama Velaka Ia Jesu Kristo I Karo Go Jon 14:16

Era tuna pene zaqe Mamae, go tina teke ne qamu kameka basoe vari vatatavisi go tina ko tavisi qamu osina ṉalu.

Tarama Velaka Ia Jesu Kristo I Karo Go Jon 14:25

Pataro dena qa sine lupo bana ne qamu, pasi qara ko tavisi qamu go.

Tarama Velaka Ia Jesu Kristo I Karo Go Jon 15:26

Era tuna turi ne me basoe vari va tatavisi tina reqe me de koe Mamae, basoe vari va tatavisi nae ne iato Spirit tabo, ia tina vasadake ogoto na God. Ṉalu ia tina za lama go, ia tina sine ne qamu sauqu era.

Tarama Velaka Ia Jesu Kristo I Karo Go Jon 16:7

Do ma sine ne qamu pata ogoto, i velaka to era tuna zaza go, tanego ṉalu tuniki zaza go kaega era, Spirit tabo, basoe vari tatavisi ne tiniki lama ne qamu kaega. Do ṉalu era tuna zaza go, era ṉara turine mego.

Tarama Velaka Ia Jesu Kristo I Karo Go Jon 2:22

Iago ṉalu Jesu i too ule me tepa le, disipoloro ia iri nanao tarua seko i sine bana go, mana iri vaogote Buka tabo ne mana pataro i sine go Jesu.

Tarama Velaka Ia Jesu Kristo I Karo Go Jon 20:22

Gonae i kiuru qirae marapugana mana i sine ne qira, “Muna toṉove Spirit tabo.

Tarama Velaka Ia Jesu Kristo I Karo Go Jon 6:45

Seko ro iri karo bana go propetaro ne igo de, ‘God tina vatatana qira basoero topu,’ iago ka basoe i gata vari vatatana ia Mamae mana i lulua gogo ne, basoe nae to i lama va era.

Tarama Velaka Ia Jesu Kristo I Karo Go Jon 7:39

Jesu i sine iadena, i vatalupasa ze Spirit tabo, go ria iri vaogote go tarina toṉove. Torana ṉalu nae God iara kaebo sosone Spirit tabo, tanego Jesu iara kaebo pala na karaputa mazala na rani ne.

Zazu Ria Apostoloro 1:2

mana idokae go musaqara ipopoka za go rani ne. Tarakenaqana Jesu ipopoka za go rani ne, loborona karaputa ia Spirit tabo, ia i vatatana qira basoero i vine bana qira go tarina apostoloro ia.

Zazu Ria Apostoloro 1:4

mana ṉalu iri kameka teṉo go, ia i teke ne qira tamana dena, “Muniki kasi ne Jerusalema, do muna piri ne sosovolomo ia Mamae i pui bana ne go gerena qa sine bana ne qamu go.

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Zazu Ria Apostoloro 11:16

Gonae era qa nanao zaqe to pata ni sine bana go Batu ne, igo, ‘Jon i bapitema qamue ramu besi, do era tuna bapitema qamue ramu Spirit tabo.’

Zazu Ria Apostoloro 13:2

Ṉalu iri vazaka God mana iri qaniqani go, Spirit tabo ne i sine ne qira, “Muna taru vakakavata qiru Banabasi mana Sol, go tiruna zazu nego zazu qa koru qirue go era.”

Zazu Ria Apostoloro 13:4

Turi ia Spirit tabo, Banabasi mana Sol iru za vosoroe komala lavata Silisia, kasi ne de gogo ne iri toka, kavaza ṉugu Saeprus.

Zazu Ria Apostoloro 15:28

Spirit tabo i toqe tavise nanao remu go timuniki pala kaki pata i papala maqata mana taruze de qamu koego ramu, do kavia tamana dena to i tora go ramu tamuna lulua go.

Zazu Ria Apostoloro 15:8

Mana God i rove go nanao na osina basoe, i vasadaka velaka bana me so i soko napu qira so kerone basoero go. Tanego i teke napu ne qira so ria Spirit tabo gerena i teke bana ne gita go ita.

Zazu Ria Apostoloro 16:6

Iri go za loborona kolabana Praeqia mana Qalesia, tanego Spirit tabo ne iki vamao ne qira kaega tarina tarama ze Tarama Velaka ne loborona kena Esia.

Zazu Ria Apostoloro 2:33

I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu.

Zazu Ria Apostoloro 2:4

Osiqira iri purake Spirit tabo, mana iri vatupia seko nena seko kakavata ro, gerena Spirit tabo iteke qira mazala go tarina seko ne go.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 20:35

Era qa va mia lupo bana qamu e osina pataro, tanego ṉalu qata zazu vokara ne ia dena, ita qata mazala to tavisi ne qira vano iri pela go. Muna nanao tarua seko i sine go tanuna Jesu Batu ne ego, T topue kulakula ṉalu qo soso ne, gerena so ṉalu qo pala go.’ ”

Zazu Ria Apostoloro 28:25

Iago iri kasi ne ia, iri vari valegu tanuqira, do tarakenaqana iri ara zaza go Pol i sine seko ro dena, “I totoloṉo sivala Spirit tabo i seko vagoe ze propeta Isaia, de iri koego vanovano bana ro ita.

Zazu Ria Apostoloro 5:3

Pita i sine ne ia, “Ananaisi, avigo tane qo vamalumu ne Satana ni lama kenaqa nigo, mana qo poqe nego Spirit tabo, tanego qo sotia go kakia ro kesa qo pala ze go patapata ro aro?

Zazu Ria Apostoloro 7:51

Igo Sitivini, “Ke vano kuzuku lavata ro! Avigo to ka rodoko na puṉuqamu, avigo to ka ikiki qamu ramu sauna gata na tarama velaka ia God, qamu gere qira so vanovano bana ro ramu, ramu napu to go qamu kasi vaogote na Spirit tabo.

Zazu Ria Apostoloro 7:55

Do Sitivini i purake Spirit tabo, i reṉa qe rani ne mana i mia damara na tatavata mazala ia God, mana Jesu i degere tepa matauna God.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 5:5

Ruruqe dena iki ara poqe qita kaega, tanego mamaligara ia God i zele me ze go puṉu qita loborona Spirit tabo ni sosovolomo ia God de qata koe go ita.

Kameka Korinti 12:3

Sauna to pataro dena, era qa soko sine ne qamu, kaega ka basoe i kenaqa nego go Spirit tabo, i mazala sine na “Jesu i uzaka so.” Mana kaega napu ka basoe i mazala sine na, “Jesu i Batu ita ṉalu Spirit tabo iki kenaqa ne kaega ia.”

Kameka Korinti 6:19

Avigo qamuki rove kaega tokama qamu i pade tabo ia Spirit tabo. Iato i koe loboro qamu, mana i teke ne qamu go God? Ramu qamuki ke ramu kaega tanuqamu, do qamu ke ia God,

Karua Korinti 6:6

Do too dalo remu, qi rove vavelake zazao na Tarama Velaka ne, qiki muma katikili kaega, mana zazu vari vatatavisi remu, qi vasadake qi vano zazu ia so God, remu qi toṉove Spirit tabo mana qi mamaligara ogoto ne qira basoero go.

Epesus 1:13

Mana ramu napu to go qamu basoero ia God, ṉalu qamu qata go tarama ogoto ia ne. Iago Tarama Velaka tonae i pala ne qamu go vari vakavele. Ṉalu nae to ramu qamu vaogote Kristo, mana God i teke ne qamu Spirit tabo i pui ne go i sauna lalana go ia i tonovo qamu go.

Epesus 1:17

Mana qa pene God, de ikoego Batu ita Jesu Kristo, sauna Tamaqita ni lete menomeno sivala go mara teke ne qamu Spirit tabo go mara vatarove qamu. Mana mara vasadaka ne qamu God go tamuna rove go ia.

Epesus 4:30

Mana kasi vamaqate na Spirit tabo ia God. Tanego Spirit tabo i vasadake, iato i lala ia God, go itonovo qamu go, mana iato go tina lukasa qamu go musaqara muzimuzi.

Kameka Tesalonika 4:8

Iago, basoe iki soko go kaega vari vatatana dena. Iki talukasa goe kaega iki soko kaega nanao na basoe, kaega! Basoe nae iki soko kaega nanao ia God ni teke ne qamu go Spirit tabo ia.

Karua Timoti 1:14

Loborona karaputa ia Spirit tabo ni koego loboro qita ono sotia pata velaka ro iri teke bana nigo.

Taetusi 3:5

iva kavele qita. Iki sauna kaega pata velaka ro qata zazu ne, do i sauna so manava ia, go ni vakavele qita go. Spirit tabo iva dalo qita, go ita mata podo napu, go tatana pala too de ikoego ia.

Iburu 10:15

Spirit tabo i sine napu ne qita so, kenaqana igo,

Iburu 2:4

Tanuna God i vakaraputa napua seko dena loborona ro zazu mazala ro mana zazu vari vapoloso go, mana kenakena na sosovolomo i reqe me Spirit tabo de koe basoero i soko go tanuna.

Iburu 3:7

Iato go Spirit tabo ne igo, “Ninidena ṉalu qamu gata go seko ia God,

Iburu 9:8

Loborona to zuka dena, Spirit tabo ne i lete vatatavata velake, zuka i keba za go, kova i lete tabo sivala go iara kaebo papaqa, tanego pade bana iri pala zazao ne go iara degere so.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Karua Pita 1:21

Tanego sekoro ria propeta i kaega ka ṉalu iri sine volomo ze go nanao ria tanuqira, do Spirit tabo so i tavisi ne qira, go iri sine vasadake go sekoro i reqe mego God.

Kameka Jon 2:20

Do ramu ne Kristo i zele bana qamue Spirit tabo, go tamuna rove pata ogoto.

Kameka Jon 2:27

Do ramu Kristo i teke bana qamu Spirit tabo. Mana Spirit tabo nae i ko tarue loboro qamu, iago qamuki ara taqia kaega kaki vari vatatana napu. Tanego Spirit tabo nae to iva tatana qamue go osina pata. Iago osina pata i vatatana qamue go i pata ogoto, iki poqe kaega, iago nuna ko vanadue loborona vari vakameka ia Kristo, gerena i vatatana qamue go Spirit tabo.

Kameka Jon 5:7

Iago kapisa pata dena to iri vasadaka velaka mego sauna Jesu de qata koego ita.

Judi 1:20

Do ramu turaquro, vazazua vaogoto ramu i tabo, go tina valavate go, vaogoto ramu mana pene Spirit tabo go tina tavisi qamu go.

Revaleson 2:11

Ramu i ko ne qamu go qeqele muna qata seko ia Spirit tabo iri sine ne go eklesia ro ianae. Ia i karaputa ego varitara dena, tiniki ara za vokare kaega nako ne, taramuzina le ia.”