Tarama Velaka Ia Jesu Kristo I Karo Go Jon 14:20 - Vato Vari Vakameka Voru Ia Batu Ne

²⁰ Tina doka go musaqara na ne, ramu tamuna rove era qa koe loborona Mamae mana ramu qamu koe loboroqu era, gere na era qa koe loboro qamu ramu.

Tarama Velaka Ia Jesu Kristo I Karo Go Jon 14:20 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 10:38

Do ṉalu qa zazu neso era kameka patana so i zazu ne go Mamae, ramu muna vaogote pataro qa zazu ne go era. Ṉalu qamuki vaogoto ava kaega era, do muna vaogote pataro qa zazu ne go. Nae ne qamu mazala to rove na Mamae i koe loboroqu era, mana era qa koe loborona Mamae go.”

Tarama Velaka Ia Jesu Kristo I Karo Go Jon 14:10

Avigo qoki vaogote so kaega, era qa koe loborona Mamae mana Mamae i koe loboroqu era go? Sekoro qa seseko ne go era, iki reqe kaega nanao era tanuqu, do mamae ikoego loboroqu era izazu ne go pata i soko go.

Tarama Velaka Ia Jesu Kristo I Karo Go Jon 14:11

Muna vaogoto ava era, ṉalu qa go era qa koe loborona Mamae mana Mamae i koe loboroqu era. Ba ṉalu kaega ne, vaogoto ava so era ramu, tanego qamu mia bana to zazu velakaro qa zazu ne go.

Tarama Velaka Ia Jesu Kristo I Karo Go Jon 16:23

Ṉalu nae, tamuniki ara tana ne kaega kaki pata de qa koego era. Masine ne qamu pataogoto, ṉalu qamu pene ze Mamae kaki pata loborona vitoṉoqu era, ia tina teke ne qamu so.

Tarama Velaka Ia Jesu Kristo I Karo Go Jon 16:26

Tina doka go ṉalu nae, ramu tamuna pene ze Mamae loborona vitoṉoqu, era tuniki pene ze kaega Mamae sauqamu ramu,

Tarama Velaka Ia Jesu Kristo I Karo Go Jon 17:11

Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Tarama Velaka Ia Jesu Kristo I Karo Go Jon 17:26

Qa vatatana bana qira go tarina rove go aro, mana tuniki noto ne kaega vatatana qira go, iato zuka dena to, ria tarina mamaligara ne qira kerone basoero gerena aro qo mamaligara nava era mana era tuna koe de iri koego.”

Tarama Velaka Ia Jesu Kristo I Karo Go Jon 17:7

Mana ninidena iri rove to, osina pata qo teke nava go era ne, i reqe meso deqo koego aro.

Tarama Velaka Ia Jesu Kristo I Karo Go Jon 6:56

Ka basoe i ge tokamaqu mana besia parasaqu, basoe ne i koe loboro qu era, mana era qa koe loborona iago.

Leta Ia Pol I Karo Ne Qira Basoero Na Rom 16:7

Seko kula napu era de iru koe go Adronikas mana Jiunas karua vakitaka era qimu vano Jiu iru kotavisi vae bara ne. Ria apostoloro ne iri rove va velaka qiru, tanego iru karua basoe zazu ia Kristo mana iru zazu kenaqa nava era.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Karua Korinti 12:2

Era qa rove kameka valeke lotu, God i pala va popoka ze ia rani ne, torana manoga kavasi ave i sivala bana zago. Qaki rove kaega de go ogotona, avigo i sadaka ogoto? Ba qa miadua so? Tanuna so God i rove go.

Karua Korinti 13:5

Muna pada ne tanuqamu mana toere too ramu, go tamuna rove qamu vano vaogoto. Kadigo qamu rove Jesu Kristo ikoe loboro qamu? Ṉalu go qamuki rove go kaega ogoto sivala ramu ramu qamuki moqere to kaega varivose dena.

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Karua Korinti 5:19

Iato dena tarama i taru ne qemu remu, “De koe Kristo, God i vine qira osiqira basoero ne tarina vakitaka ia.” God iki nanaotarua kaega vasakata pata ro ria, do tarama i taru ne qemu igo, ria tarina vakitaka ro ia.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Epesus 2:10

God i vazari qita, go qatara ko go dena, mana loborona ko vari vakameka ita de ikoego Jesu Kristo, God i zazu bana ne qita, mana i teke ne qita too, go mata zazu ne zazu velaka ro ia, i vanama bana ne qita go tatana zazu ne go.

Kolosia 1:19

Tanego i sauna vivine ia God, sale ia tanuna i gere ogote dego God.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 2:9

Tanego Kristo i lama basoe gere qita so ita, mana too ia God i koe de ikoego ia, ko i vae go vudu pua dena,

Kameka Jon 4:12

Kaega ka basoe ireṉa bana ne God, do ṉalu ita gata vari mamaligarae napu go tanuqita, God iko kamekae de qata koego, mana mamaligara ia i lama totoloṉo lupoe de qata koego.