Tarama Velaka Ia Jesu Kristo I Karo Go Jon 14:2 - Vato Vari Vakameka Voru Ia Batu Ne

² Loborona pade ia Mamae i koe topuna kova, ṉalu taraki ogoto go kaega, qaki mazala kaega sine na seko dena. Do i pata ogoto, iata go qa sine go, iago tuna za vanama ne qamu.

Tarama Velaka Ia Jesu Kristo I Karo Go Jon 14:2 ပူးပေါင်းရင်းမြစ်များ

Luka 14:22

Iki umata kaega valeke seka ne iule me mana i sine ne batu ne, ‘Osina pataro qo sine go aro qa zazu lupo neto, do pade ne iara kaebo so puraka.’

Tarama Velaka Ia Jesu Kristo I Karo Go Jon 13:33

Salero era, tuniki kotavisi vaumata qamu kaega. Ramu tamuna taqiava era, seko qa sine bana ne qira go batubatu ria vano Jiu ne, ma sine napu ne qamu, ‘I makuru qamu garetu na de tuna zae go era.’

Tarama Velaka Ia Jesu Kristo I Karo Go Jon 13:36

Saimon Pita i tana ne Jesu, igo, “Batu, adepa tane tono zae go?” Jesu i vataule ne ia, igo, “Ninidena i makuri go luluava era, mana zae na de tuna zae go era go, do taramuzina tono ara lulu ava era.”

Tarama Velaka Ia Jesu Kristo I Karo Go Jon 14:28

Ramu qamu gata, era qa sine bana, ‘Era tuna zaza do tunara ule napu me de qamu koego go!’ Ṉalu qamu mamaligara nava era, ramu tamuna kula, tanego era qa zae de ikoego Mamae, tanego Mamae i kenaqa nava era.

Tarama Velaka Ia Jesu Kristo I Karo Go Jon 16:4

Do pataro nae era qa sine ne qamu to dena, go ṉalu tarina zazu ne ze de qamu koego pataro nae, ramu muna nanao ule zaqe pataro qa sine bana ne qamu go. Pataro dena qaki sine bana ne qamu kaega kokoso na me, tanego pasi nae ne, era qa ko tavisi qamu.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Zazu Ria Apostoloro 9:16

Mana era tanuqu tunara vamia ze ia topuna pata makuru tina soba go ṉalu ia tina tarama nego sauqu era.”

Karua Korinti 5:1

Remu qi rove ṉalu pade kavakava qata koego dena i tapapata, tokama qita ikoego pua dena tina mode, God tina vanama ze kaki pade tepa rani go tatana za koego. Komala i zazu ne tanuna tina ko sivala go.

Kameka Tesalonika 5:9

God iki vine kaega ita tatana pala go kimata na muma ia, do ita mata pala ze vari vakavele de ikoego Batu ita Jesu Kristo.

Taetusi 1:2

Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Iburu 11:10

Tanego Abra-am i piri neso za koena komala lavata tina pada mana vadegere go God, komala lavata dena tina ko osina ṉalu, tanego tanuna so God i zazu nego vatovato na mana i vadegere go.

Iburu 13:14

Loborona vudu pua dena, i kaega kaki komala lavata tina ko sivala, go tatana koego, do ita qata soko dokae na komala lavata tinara lama go.

Iburu 6:20

Go tina tavisi ne qita, Jesu i kenaqa bana za de igogo, mana i za batu lavata ria patere loborona sinaqe patere ia Melkizadek mana zazu patere ia tiniki rove kaega lupo go.

Iburu 9:8

Loborona to zuka dena, Spirit tabo ne i lete vatatavata velake, zuka i keba za go, kova i lete tabo sivala go iara kaebo papaqa, tanego pade bana iri pala zazao ne go iara degere so.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 21:2

Gonae qa mia komala tabo Jerusalema i ko tavise God mana i qoqoro me tepa rani ne, komala nae i vanama gere kameka qole i malemale vanama ne soba na velake ia.

Revaleson 3:12

Basoe i karaputa nego varitara nae, era tuna vagere ze ia kameka turu maqa i degere go vari loborina Pade Lotu ia God era, mana tina ko taru osina ṉalu. Turu nae ne, tuna karo ze vitoṉo voru qu tanuqu, vitoṉo na God era mana vitoṉona komala lavata ia God, iato Jerusalema voru, tina za vaqoqoro me ze rani ne God era.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.