Tarama Velaka Ia Jesu Kristo I Karo Go Jon 14:12 - Vato Vari Vakameka Voru Ia Batu Ne

¹² Ma sine ne qamu pata ogoto, basoe i vaogoto ava era, tina zazu napu neso pataro qa zazu nego era. Ove to! Ia tina zazu ne kakiaro pata tina sivala ne zazu ro qa zazu bana ne go, tanego era qa zae de koe Mamae.

Tarama Velaka Ia Jesu Kristo I Karo Go Jon 14:12 ပူးပေါင်းရင်းမြစ်များ

Matiu 21:21

Jesu gonae i vataule ne qira, “Ma sine ne qamu pataogoto, ṉalu qamu vaogote God, mana i kaega ne qamu nanao ruama go, qamu mazala so zazu ne na pata qa zazu ne ze go era moki piqi dena. Mana iki ianae so kaega, do qamu mazala sine ne kubolo suka dona, ‘Degere mana za vana zigoe tanumu masi ne,’ mana tina mazala so.

Maka 11:13

Gonae i mia valaqalaqa zaqe so kaki kameka moki piqi isasapua uguruna, iago iza mia bana go i ure go mara ge igo. Do za mia igo ia, miki uguru na so, tanego iara kaebo doka ṉalu na moki piqi tina ure go.

Maka 16:17

Vano vaogoto, God tina teke ne qira karaputa go tarina kakale qira go manuru ro loborona vitoṉoqu era, mana tarina seko ne sekoro kakavata go.

Tarama Velaka Ia Jesu Kristo I Karo Go Jon 14:28

Ramu qamu gata, era qa sine bana, ‘Era tuna zaza do tunara ule napu me de qamu koego go!’ Ṉalu qamu mamaligara nava era, ramu tamuna kula, tanego era qa zae de ikoego Mamae, tanego Mamae i kenaqa nava era.

Tarama Velaka Ia Jesu Kristo I Karo Go Jon 16:7

Do ma sine ne qamu pata ogoto, i velaka to era tuna zaza go, tanego ṉalu tuniki zaza go kaega era, Spirit tabo, basoe vari tatavisi ne tiniki lama ne qamu kaega. Do ṉalu era tuna zaza go, era ṉara turine mego.

Tarama Velaka Ia Jesu Kristo I Karo Go Jon 4:37

Tanego seko igo, ‘Kameka basoe i leleba mana kene basoe i vae urena gogo ne, i lama ogoto to ninidena.’

Tarama Velaka Ia Jesu Kristo I Karo Go Jon 5:20

Tanego Tamana i lete mamaligara ne Tuna, mana i vasadaka lupo ne ia osina pataro i zazu nego. Tina vasadaka napu ne ia kakiaro zazu i lete sivala ne kero izazu bana nego, go tamuna lete poloso ṉalu tamuna mia go.

Tarama Velaka Ia Jesu Kristo I Karo Go Jon 7:33

Jesu igo, “Ko tavisi tuna vae qamu go tiniki lete umata kaega, tanego era tuna ule za de ikoego ia i turi nava mego.

Tarama Velaka Ia Jesu Kristo I Karo Go Jon 7:39

Jesu i sine iadena, i vatalupasa ze Spirit tabo, go ria iri vaogote go tarina toṉove. Torana ṉalu nae God iara kaebo sosone Spirit tabo, tanego Jesu iara kaebo pala na karaputa mazala na rani ne.

Zazu Ria Apostoloro 10:46

Tanego iri gata qira iri seko ne soso seko kakavata, mana iri vazaka karaputa ia God. Pita i seko me igo,

Zazu Ria Apostoloro 16:18

Qole seka ne, i sine tarua so seko ro dena, osina ro musaqara, Pol gonae i vasasakate to gata na seko ni sine go qole ne, i tabali mana i sine ne manuru ne, “Loborona vitoṉo na Jesu Kristo, qa sine nigo ono siporo kasi ne qole nae!” Torana so nae manuru sakata ne i siporo kasi ne qole ne.

Zazu Ria Apostoloro 19:12

Patavolomo aqisi mana roku ia, iva zazua so, ṉalu iri pala vazao ze de iri koego basoero iri mokoso go, iri tavoesi lupo, mana vano i siqane qira manuru sakata ro, iri velaka lupo go.

Zazu Ria Apostoloro 2:33

I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu.

Zazu Ria Apostoloro 2:41

Topu ria iri vaogote go seko ia iri bapitema, mana torana pisamao ria iri lama vatopu napu qira vano iri vaogote go Jesu musaqara nae.

Zazu Ria Apostoloro 4:16

Gonae iri varitanae tanuqira, “Ava mata vane qiru karua valeke dena? Tanego osiqira basoero iri koego Jerusalema iri rove lupo zazu vari vaposolo iru zazu ne go, iago imakuru qita tatana legua go, iri go.

Zazu Ria Apostoloro 4:33

Loborona karaputa ia God, ria apostoloro ne iri tarama ne too napu ia Jesu Batu ne, mana God ilete vamakaolo napu qira to ria go.

Zazu Ria Apostoloro 4:4

Do topu ria basoero iri gata go tamana riru, Pita mana Jon iri vaogote Jesu mana topu qira ninidena izaza popoka idokae lima mao ria.

Zazu Ria Apostoloro 5:15

Sauna to pata iri zazu ne go apostoloro ne, vano mokoso iri sua vasiporo qira me zuka lavata ne, mana iri va kekele qirae vesu ria mana tobi ro ria, go dudule na Pita i mazala go pala qira, ṉalu tina zaza sivala go.

Zazu Ria Apostoloro 6:7

Mana seko ia God, i zadava mana zaza popoka napu. Topu qira ria disipoloro iri koego Jerusalema iri lete topu ziki, mana topu ria vano Patere ro iri toqe napu ne vaogote na Jesu.

Zazu Ria Apostoloro 8:7

Manuru sakata ro, iri koru valavata mana iri siporo kasi ne qira basoe topu ro ne, vano i pala qira mokoso, i makuru qira zaza, mana vano taveqo go, iri velaka lupo.

Zazu Ria Apostoloro 9:34

Pita i vane dena ia, “Enias! Jesu Kristo tina va velaki go aro. Ono degere mana vavelake vesu aro.” Goso nae Enias i degere me to.

Zazu Ria Apostoloro 9:40

Pita gonae i vasiporo lupo qirae ria kova ne mana i koloku tutuṉui pene. Itabali za de ikoe go sinara na qole ne, igo dena, “Tabita, ono degere!” Ivola matana mana ṉalu ireṉa ne Pita ia i tapa degere me.

Leta Ia Pol I Karo Ne Qira Basoero Na Rom 15:19

Ia ivazazua karaputa na lala mana pata vari vapoloso i palua go karaputa ia Spirit tabo. Iago, osina dia qa zae go, reqe Jerusalema za dokae Ilirikam, qa vasadaka lupo ze tarama velaka ia Kristo.