Tarama Velaka Ia Jesu Kristo I Karo Go Jon 13:5 - Vato Vari Vakameka Voru Ia Batu Ne

⁵ Gonae i zele ze besi kaki disi mana i sabore makeqira disipoloro ia, mana i qusa vakadala ze taolo i vabaribari nego.

Tarama Velaka Ia Jesu Kristo I Karo Go Jon 13:5 ပူးပေါင်းရင်းမြစ်များ

Luka 7:38

Iza degere taramuzina Jesu tepa makena, i dae mana iva boma ze makena Jesu soso ne na matana, mana i qusa va kadala ze uguruna, i kuna makena Jesu i zuga ze tala ni nonoli meno go.

Luka 7:44

Gonae i tabali za de ikoe qole ne, mana i sine ne Saimon, “Avigo qo mia qole dena? Era qa lama kebae pade aro, do aro qoki teke nava kaega besi go tuna saboro ze makequ, do qole dena i saboro ze makequ era sosone na matana, mana i qulasa va kadala ze uguruna go.

Tarama Velaka Ia Jesu Kristo I Karo Go Jon 13:10

Jesu igo de, “Basoe i seqe bana go, i dalo lupo bana, mana ki ara soko kaega sasaboro go, do makena so tina sabore go. Ramu qamu dalo bana, do kaki kameka ramu iki dalo kaega.”

Tarama Velaka Ia Jesu Kristo I Karo Go Jon 13:6

I lama dokae de ikoego Saimon Pita, ia i vane de Jesu, “Batu, avigo tono sabore, makequ era ba?”

Tarama Velaka Ia Jesu Kristo I Karo Go Jon 13:8

Pita igo de, “Qoki mazala kaega tono sabore go makequ era!” Jesu ivataule ne, igo, “Ṉalu tuniki sabore go kaega makemu, aro toniki disipolo era kaega.”

Tarama Velaka Ia Jesu Kristo I Karo Go Jon 19:34

Do kaki kameka ria soldia ne, i paqo zaqe bele ne orapana Jesu, katikili so parasa mana besi iru siporo me.

Zazu Ria Apostoloro 22:16

Avigo qo ara piri vaumata go? Degere mana bapitema, go vasakata pata ro aro mara talukasa lupo, ṉalu aro qo pepene e loborona vitoṉo na Batu ne.’ ”

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Epesus 5:26

go eklesia ne tina tabo go. Ia iva vorua eklesia ne, ṉalu i saboro ze ia loborona besi mana i sine vasadake go seko ro ia.

Kameka Timoti 5:10

mana qole nanaro nae, basoero ne tarina mia vamazale ia loborona zazu velaka ro ia, i miasoka velaka qira sale ro ia, i vakeba qirae basoero kakavata pade ia, mana i sabore makeqira vano iri vaogote go Kristo go. I tavisi ne qira basoero iri soba makuru loborona too ria mana tina kaki qole i pada ne zazu ne na pata velaka osina ṉalu go.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 5:6

Jesu Kristo i lama sadaka velake go de qata koego ita, ṉalu ni bapitema ego besi ne, mana parasanani zazakae go ṉalu iri vaevale go ia. Iago iki sadaka velaka eso kaega miki besina bapitema ne, do iri kameka me to parasanani zazakae go ṉalu iri vaevale go. Mana Spirit tabo napu to go i lama vasadaka velaka ne qita go. Tanego Spirit tabo iki rove kaega poqe.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.